Ордэн заслуг Польскай рэспублікі

Ордэн заслуг Польскай рэспублікі
Арыгінальная назва	Order Zasługi Rzeczypospolitej Polskiej
Краіна	Польшча
Тып	Ордэн
Статус	уручаецца
Статыстыка
Дата заснаваньня	10 красавіка 1974
Чарговасьць
Старэйшая ўзнагарода	Ордэн крыжа Незалежнасьці
Малодшая ўзнагарода	Крыж адважных
Адпавядае	Ордэн заслуг Польскай Народнай Рэспублікі

Ордэн заслуг Польскай рэспублікі (польск. Order Zasługi Rzeczypospolitej Polskiej) — дзяржаўная ўзнагарода Рэспублікі Польшча.

Ордэн заснаваны 10 красавіка 1974 як узнагарода за выдатныя заслугі перад Польскай Народнай Рэспублікай. 16 кастрычніка 1992 году Законам аб ордэнах і ўзнагародах быў перазаснаваны як узнагарода Рэспублікі Польшча.

Ордэн зьяўляецца вышэйшай узнагародай за выдатныя заслугі ў справе ўмацаваньня міжнароднага супрацоўніцтва і разьвіцьця ўзаемаадносін паміж народамі. Ордэнам узнагароджваюцца замежныя грамадзяне і асобы польскай нацыянальнасьці, якія пражываюць за мяжой, якія сваёй дзейнасьцю ўнесьлі выдатны ўклад у галіне міжнароднага супрацоўніцтва і разьвіцьця сувязяў Рэспублікі Польшча з іншымі дзяржавамі і нацыямі. Рашэньне аб узнагароджаньні ордэнам прымаецца прэзыдэнтам Польшчы.

Клясы

• 1974—1991 (Польская Народная Рэспубліка):
  • Вялікая Стужка
  • Камандор з зоркай
  • Камандор
  • Залаты знак
  • Срэбны знак

• З 1992 (Рэспубліка Польшча):
  • Вялікі крыж
  • Камандор з зоркай
  • Камандор
  • Афіцэр
  • Кавалер