Браслаўскія азёры

Возера Браслаўскія азёры Панарама Браслаўскіх азёраў Браслаўскія азёры з космасу Краіна Беларусь Плошча 130 Аб’ём вады 540 млн Каардынаты 55°58′ пн. ш. 27°5′ у. д. Браслаўскія азёры на мапе Беларусі Браслаўскія азёры

Галерэя здымкаў у Вікісховішчы

Браслаўскія азёры — сыстэма азёр Беларусі, разьмешчаных у Браслаўскім раёне на паўночным захадзе Беларусі. Утвараюць Браслаўскую альбо Дрывяцкую (Друйскую) групу азёраў.

Разьмешчаныя ў басэйне ракі Друйкі. У склад Браслаўскіх азёраў уваходзіць каля 50 вадаёмаў агульнай плошчай 130 км². Агульны аб’ём вады большы перавышае 540 млн м³. Азёры разьмешчаныя сярод узгорыстага рэльефу, які прадстаўлены разнастайнымі формамі водна-ледавіковай акамуляцыі — камамі, озамі.

На поўнач ад возера Струста знаходзяцца невялікія ўчасткі лясоў Міжазёрнага ляндшафтнага заказьніка. Азёры злучаныя між сабой невялікімі рэкамі, ручаямі, канавамі і пратокамі.

Вакол азёраў разьмяшчаецца зона адпачынку «Браслаў». Па вадаёмах, злучаных Друйкай, праходзяць турысцкія маршруты.

Найбольш значныя азёры групы:

• Дрывяты
• Снуды
• Струста
• Цно
• Поцех
• Недрава
• Несьпіш
• Войса
• Воласа Паўночны
• Воласа Паўднёвы
• Бужа
• Бярэжа
• Даўблі
• Пагошча

Азёры злучаныя між сабой невялікімі ручаямі, рэкамі, найбольшая зь якіх — Друйка.

Вакол азёраў знаходзіцца зона адпачынку і пракладзеныя шматлікія турысцкія маршруты.

У азёрах Браслаўскай групы захаваліся старажытныя і рэдкія віды драбнейшых жывёлаў, занесеных у Чырвоную кнігу Рэспублікі Беларусь: лімнакалянус, пантапарэя, рэліктавая мізіда. Для захаваньня прыоды азёры Воласа Паўночны і Воласа Паўднёвы з 1986 году ўключаныя ў склад суседняга зь імі ляндшафтнага заказьніка «Міжазёрны».

Ува ўсіх азёрах сустракаюцца судакі, ляшчы, вугры, шчупакі, ліны і іншыя (усяго больш за 20 прамысловых відаў).