Перайсьці да зьместу

Адмір Мэгмэдзі

Зьвесткі зь Вікіпэдыі — вольнай энцыкляпэдыі
Адмір Мэгмэдзі
Пэрсанальная інфармацыя
Нарадзіўся 16 сакавіка 1991(1991-03-16)[1] (35 гадоў)
Рост 183 см
Вага 77 кг
Пазыцыя нападнік
Клюбы
Гады Клюб Гульні (галы)¹
2008—2012 Цюрых 84 (19)
2012—2014 Дынама Кіеў 25 (1)
2013—2014 Фрайбург 32 (12)
2014—2015 Фрайбург 27 (4)
2015—2018 Баер Левэркузэн 62 (7)
2018—2022 Вольфсбург 72 (9)
2022—2023 Антальяспор 17 (1)
Зборныя
2007—2008 Швайцарыя (да 17)[d] 16 (5)
2008—2010 Швайцарыя (да 19)[d] 26 (11)
2010 Швайцарыя (да 20)[d] 2 (0)
2010—2011 Швайцарыя (да 21)[d] 9 (6)
2011—2021 Швайцарыя 76 (10)
2012 Швайцарыя (да 23)[d] 4 (1)

Адмір Мэгмэдзі (па-альбанску: Admir Mehmedi; нар. 16 сакавіка 1991 году, Госьцівар, Паўночная Македонія) — колішні швайцарскі футбаліст, нападнік. Абараняў колеры нацыянальнай зборнай Швайцарыі. Адмір ёсьць этнічным альбанцам.

Футболам пачаў займацца ў акадэміі «Бэлінцоны», пасьля чаго займаўся яшчэ ў моладзевых камандах «Вінтэртуру» й «Цюрыху», за апошні зь якім дэбютаваў у прафэсійным футболе 20 ліпеня 2008 году. У гэтым сэзоне Адмір 11 разоў зьявіўся на пляцоўцы, кожны раз выходзячы на замену. Адзначыўся малады нападнік у гэтых гульнях 2 разы. На наступны сэзон 2009—2010 гадоў Мэгмэдзі ўжо стаў асноўным нападнікам клюбу.

6 студзеня 2012 году Адмір заключыў кантракт на 4,5 году з кіеўскім «Дынама»[2]. Параіўшыся зь сям’ёй, ён абраў кашулю з 13-м нумарам. Дэбютаваў у складзе ўкраінскага клюбу 4 сакавіка ў матчы прэм’ер-лігі супраць кіеўскага «Арсэналу». Не зважаючы на тое, што ён рэгулярна зьяўляўся на поле, стаць асноўным гульцом каманды ён ня здолеў, з-за чаго 9 ліпеня 2013 году быў аддадзены на сэзон у арэнду ў нямецкі «Фрайбург»[3], які выкупіў кантракт гульца 26 траўня 2014 году за 6 млн эўра.

У траўні 2011 году быў упершыню запрошаны ў нацыянальную зборную Швайцарыі. 4 чэрвеня таго ж году, у матчы адборачнага цыклю да Эўра-2012 супраць зборнай Ангельшчыны дэбютаваў за нацыянальную каманду. Адмір выйшаў у гэтым матчы на замену на 74 хвіліне замест форварда Эрэна Дэрдыёка.

«Цюрых»:

Вонкавыя спасылкі

[рэдагаваць | рэдагаваць код]