Ігар Фісенка

Вікіпэдыя мае артыкулы пра іншых асобаў з прозьвішчам Фісенка.

Ігар Фісенка
6-ы амбасадар Беларусі ў Францыі
15 студзеня 2019 — 12 лістапада 2021
Прэзыдэнт:	Аляксандар Лукашэнка
Прэм’ер-міністар:	Сяргей Румас, Раман Галоўчанка
Папярэднік:	Павал Латушка
3-і амбасадар Беларусі ў Эгіпце
14 жніўня 2008 — 10 верасьня 2013
Папярэднік:	Сяргей Міхневіч
Наступнік:	Сяргей Рачкоў
Асабістыя зьвесткі
Нарадзіўся:	9 ліпеня 1970 (54 гады) Масква, Расейская СФСР, СССР
Сужэнец:	жонка Ларыса Аляксееўна Фісенка
Адукацыя:	Маскоўскі дзяржаўны інстытут міжнародных зносін (1993)

І́гар Валянці́навіч Фісе́нка (нар. 1970, Масква, цяпер Расея) — беларускі дыплямат і праўнік.

Сын палітыка і дыплямата Валянціна Фісенкі. Кандыдат юрыдычных навук.

Жыцьцяпіс

У 1992—1994 гадах працаваў у кансультантам і вядучым спэцыялістам управы прававога забесьпячэньня вонкавых сувязяў Міністэрства юстыцыі Беларусі. У 1993 годзе скончыў Маскоўскі дзяржаўны інстытут міжнародных зносін па спэцыяльнасьці правазнаўства. У 1994—2001 гадах быў 2-м сакратаром, начальнікам аддзелу і намесьніка начальніка дамоўна-прававой управы Міністэрства замежных справаў Беларусі. З 2001 году да 16 ліпеня 2005 году быў дарадцам-пасланьнікам пасольства Беларусі ў Бэльгіі і намесьнікам пастаяннага прадстаўніка Беларусі пры Эўрапейскіх супольнасьцях і АПАД. У 2005—2008 гадах працаваў начальнікам управы міжнародных арганізацыяў МЗС Беларусі.

14 жніўня 2008 году прызначаны амбасадарам у Эгіпце і пастаянным прадстаўніком пры Лізе арабскіх дзяржаваў. 22 студзеня 2010 году стаў дадаткова амбасадарам у Амане па сумяшчальніцтве. Быў таксама амбасадарам у Альжыры і Судане па сумяшчальніцтве. З усіх гэтых пасадаў стаў адстаўлены 10 верасьня 2013 году.

Зь 2013 году стаў начальнікам галоўнай консульскай управы МЗС Беларусі. 15 студзеня 2019 году прызначаны амбасадарам Беларусі ў Францыі і па сумяшчальніцтве пастаянным прадстаўніком Беларусі пры Арганізацыі Аб’яднаных Нацыяў па пытаньнях адукацыі, навукі і культуры. 16 траўня 2019 году па сумяшчальніцтве стаў амбасадарам у Манака і Партугаліі.12 лістапада 2021 году А. Лукашэнка падпісаў Указ № 438 аб вызваленьні Ігара Фісенкі ад пасады амбсадара Беларусі ў Францыі і па сумяшчальніцтве ў Манака і Партугаліі. Пры гэтым Ігар Фісенка захаваў паўнамоцтвы пастаяннага прадстаўніка Беларусі пры Арганізацыі Аб’яднаных Нацыяў па пытаньнях адукацыі, навукі і культуры ў Парыжы (Францыя).

Вонкавыя спасылкі

• Посольство Республики Беларусь в Арабской Республике Египет — Посол Беларуси (па стане на 20 красавіка 2009 году)  (рас.)