Ігар Ганчаронак
Ігар Ганчаронак | |
| Дата нараджэньня | 15 красавіка 1962 (62 гады) |
|---|---|
| Месца нараджэньня | Менск, Беларуская ССР, Савецкі Саюз |
| Месца вучобы | Беларускі дзяржаўны ўнівэрсытэт (1984) |
| Занятак | фізык, прафэсар унівэрсытэту |
| Навуковая сфэра | нелінейная фізыка |
| Месца працы | Беларускі нацыянальны тэхнічны ўнівэрсытэт |
| Вядомы як | Распрацоўнік спосабаў кіраваньня палярызацыйна-спэктральнымі ўласьцівасьцямі лазэрнага выпрамяненьня |
| Навуковая ступень | доктар навук |
| Узнагароды | прэмія Саюза моладзі Беларусі (1993) |
Ігар Іванавіч Ганчаронак (нар. 1962, Менск, цяпер Беларусь) — беларускі фізык.
Аўтар навуковых працаў па нелінейнай фізыцы і кіраваньні ў грамадзкіх сыстэмах. Прапанаваў новыя спосабы кіраваньня сьвятлом, а таксама распрацаваў спосабы кіраваньня вышэйшай школай. Доктар фізыка-матэматычных навук (1997) і прафэсар (2001)[2]. Былы рэктар Інстытуту падрыхтоўкі навуковых кадраў Нацыянальнай акадэміі навук Беларусі. Уваходзіў у Беларускае таварыства сяброўства і культурнай сувязі з замежнымі краінамі і Раду абароны дысэртацыяў пры Інстытуце эканомікі НАНБ.
Жыцьцяпіс
[рэдагаваць | рэдагаваць крыніцу]У 1984 годзе скончыў Беларускі дзяржаўны ўнівэрсытэт, дзе стаў працаваць. У 1993 годзе атрымаў прэмію Саюза моладзі Беларусі. У 1994 годзе стаў загаднікам катэдры Рэспубліканскага інстытуту вышэйшай школы БДУ. Ад 2002 году заняў пасаду прарэктара Акадэміі кіраваньня пры прэзыдэнце Беларусі. Напісаў навуковыя працы па нелінейнай палярызацыйнай оптыцы і спэктраскапіі. Абагульніў каварыянтныя мэтады Фёдара Фёдарава на выпадак нелінейных аптычных зьяваў. Прапанаваў спосабы кіраваньня палярызацыйна-спэктральнымі ўласьцівасьцямі лазэрнага выпрамяненьня. Распрацаваў праграмы перападрыхтоўкі ў галіне кіраваньня вышэйшай адукацыяй[3].
У 2008 годзе падпісаў ад імя Акадэміі кіраваньня пагадненьне са Школай плянаваньня пры Міністэрстве разьвіцьця Вэнэсуэлы[4]. На 2015 год быў кіраўніком Інстытуту кіраўніцкіх кадраў Акадэміі кіраваньня[5].
17 лістапада 2017 году на пасадзе рэктара Інстытуту падрыхтоўкі навуковых кадраў Нацыянальнай акадэміі навук Беларусі прапанаваў стварыць магістарскую праграму па трохвымерным друку ў адпаведнасьці зь 5-м прамысловым укладам. Таксама паведаміў, што ўсе магістарскія праграмы Інстытуту ўзгаднілі зь Міністэрствам адукацыі Беларусі для выкладаньня на ангельскай мове[6]. Пры гэтым ён згадаў, што ў магістратуры Інстытуту навучалі паводле 136 спэцыяльнасьцяў[7]. 22 чэрвеня 2018 году паведаміў пра набор на спэцыяльнасьць адытыўныя тэхналёгіі, якую ўлучылі ў Агульнадзяржаўны клясыфікатар паводле распрацоўкі акадэмікаў з БДУ. Пры гэтым згадаў: «Усе спэцыяльнасьці магістратуры пераводзім на ангельскую мову. І лекцыі з наступнага году будзем чытаць на ангельскай». Пры гэтым стварылі часопіс «Магістарскі весьнік» на беларускай, расейскай і ангельскай мовах, які быў першым у Беларусі выданьнем для вынікаў дасьледаваньня магістрантаў. У Інстытуце набіралі 120 чалавек на 9 спэцыяльнасьцяў: фізыка, хімія, біялёгія, грамадазнаўства, дастасоўная матэматыка і інфарматыка, машынабудаваньне і машыназнаўства, мастацтвазнаўства, эканоміка і кіраваньне народнай гаспадаркай. Урэшце, Ганчаронак згадаў, што звыш 80 % магістрантаў разьмеркавалі ў інстытуты і навукова-практычныя цэнтры НАНБ[8].
На 2023 год працаваў у БНТУ кіраўніком Беларуска-ўзбэцкага міжгаліновага інстытуту дастасоўных тэхнічных кваліфікацыяў[9]. Уваходзіў у Беларускае таварыства сяброўства і культурнай сувязі з замежнымі краінамі[10]. Таксама ўваходзіў у Раду абароны дысэртацыяў пры Інстытуце эканомікі НАНБ[11].
Крыніцы
[рэдагаваць | рэдагаваць крыніцу]- ^ Зьвязда (белар.) — Выдавецкі дом «Звязда», 2014. — вып. 69 (27679). — С. 8. — ISSN 1990-763X
- ^ Даты, падзеі, людзі // Зьвязда : газэта. — 15 красавіка 2014. — № 69 (27679). — С. 8. — ISSN 1990-763x.
- ^ Ганчаронак Ігар // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 2004. — Т. 18. Кн. 1: Дадатак: Шчытнікі — Яя. — С. 368. — 473 с. — 10 000 ас. — ISBN 985-11-0295-4
- ^ Ірына Трафілава. Каракас і Менск умацоўваюць стасункі // Голас Радзімы : газэта. — 10 красавіка 2008. — № 3086. — С. 1. — ISSN 0439-3619.
- ^ Адбылася змястоўная сустрэча прэзыдэнта Беларусі з прадстаўнікамі нацыянальных і замежных СМІ // Газэта «Беларусь сёньня», 14 красавіка 2015 г. Праверана 19 ліпеня 2023 г.
- ^ Адбылася змястоўная сустрэча прэзыдэнта Беларусі з прадстаўнікамі нацыянальных і замежных СМІ // Беларускае тэлеграфнае агенцтва, 17 лістапада 2017 г. Праверана 19 ліпеня 2023 г.
- ^ Надзея Нікалаева. Крэатыў плюс жыцьцёвыя сілы // Зьвязда. — 24 лістапада 2017. — № 227 (28591). — С. 1, 14.
- ^ Надзея Нікалаева. Цэнтар прыцягненьня // Зьвязда. — 23 чэрвеня 2018. — № 19 (28735). — С. 1, 2.
- ^ Кантакты Беларуска-ўзбэцкага міжгаліновага інстытуту дастасоўных тэхнічных кваліфікацыяў // Беларускі нацыянальны тэхнічны ўнівэрсытэт, 2023 г. Праверана 19 ліпеня 2023 г.
- ^ Пра арганізацыю // Беларускае таварыства сяброўства і культурнай сувязі з замежнымі краінамі, 2023 г. Праверана 19 ліпеня 2023 г.
- ^ Рада абароны дысэртацяў // Інстытут эканомікі, 2023 г. Праверана 19 ліпеня 2023 г.
Вонкавыя спасылкі
[рэдагаваць | рэдагаваць крыніцу]- Ігар Ганчаронак // Газэта «Зьвязда», 23 чэрвеня 2018 г. Праверана 19 ліпеня 2023 г.
 |
Гэта — накід артыкула пра асобу з Беларусі. Вы можаце дапамагчы Вікіпэдыі, пашырыўшы яго. |