СБ. Беларусь сегодня

СБ. Беларусь сегодня
	СБ. Беларусь сегодня
Тып	штодзённая
Уладальнік	Адміністрацыя прэзыдэнта Рэспублікі Беларусь
Краіна	Беларусь;
Галоўны рэдактар	Дзьмітры Жук
Заснаваная	2 жніўня 1927 (97 гадоў таму)
Палітыка	урадавая
Мова	расейская
Штаб-кватэра	Менск, вул. Б. Хмяльніцкага, 10-а
Наклад	~400 000 (з 2008 году)
ISSN	1991-2978
Узнагароды	;
Афіцыйны сайт	sb.by

«СБ. Беларусь сегодня» (бел. СБ. Беларусь сёньня, раней «Сове́тская Белору́ссия» бел. Саве́цкая Белару́сь) — дзяржаўная расейскамоўная грамадзка-палітычная газэта Беларусі, якая выдаецца з жніўня 1927 году, а з 1995 году выступае адным з галоўных інструмэнтаў прапаганды рэжыму Лукашэнкі. Выходзіць накладам больш за 400 тысячаў асобнікаў пяць разоў у тыдзень. Заснавальнікі — Адміністрацыя прэзыдэнта Рэспублікі Беларусь і рэдакцыйная рада. Галоўны рэдактар — Дзьмітры Жук^[2].

Гісторыя

Пачала выдавацца ў жніўні 1927 году на расейскай мове. Да 1937 году мела назоў «Рабочий». Выданьне ня мела дачыненьня да газэты «Савецкая Беларусь», якая выдавалася на беларускай мове ў 1920-я гады^[3].

У 1964 годзе атрымала ад савецкіх уладаў ордэн Працоўнага Чырвонага Сьцяга.

Крытыка і абвінавачваньні ў прапагандзе

У 2011 годзе ў сувязі з хваляй рэпрэсіяў супраць актывістаў апазыцыі пасьля прэзыдэнцкіх выбараў у Беларусі ў 2010 годзе некалькім чальцам кіраўніцтва «Советской Белоруссии» як аднаго з цэнтральных прапагандысцкіх выданьняў рэжыма Аляксандра Лукашэнкі быў забаронены ўезд на тэрыторыю краінаў Эўрапейскага Зьвязу, а іхныя актывы на тэрыторыі ЭЗ падлягалі замарожваньню: Павал Якубовіч (галоўны рэдактар), Аляксандар Таранда (намесьнік галоўнага рэдактара), Сяргей Гардзіенка (намесьнік галоўнага рэдактара), Галіна Тарапецкая (намесьнік рэдактара), Ганна Шадрына (намесьнік рэдактара).^[4] Забарона была зьнятая ў 2016 годзе.

У сваім рашэньні Рада Эўрапейскага Зьвязу ахарактарызавала «Советскую Белоруссию» як «галоўная прапагандысцкая газэта» беларускіх уладаў.^[5]

Паводле гэтага рашэньня,^[5]

	[Павал Якубовіч] зьяўляецца адным з найбольш гучных і ўплывовых членаў дзяржаўнай прапагандысцкай машыны ў друкаванай прэсе. Ён падтрымліваў і апраўдваў рэпрэсіі супраць дэмакратычнай апазыцыі і грамадзянскай супольнасьці, якія сыстэматычна прадстаўляюцца нэгатыўным і прыніжальным чынам, з выкарыстаньнем фальсыфікаванай інфармацыі. Ён быў асабліва актыўным у гэтых адносінах пасьля разгону мірных дэманстрацыяў 19 сьнежня 2010 г. і наступных акцый пратэсту.

	[Аляксандар Таранда і Сяргей Гардзіенка нясуць] адказнасьць за распаўсюд у друкаванай прэсе дзяржаўнай прапаганды, якая падтрымлівала і апраўдвала рэпрэсіі супраць дэмакратычнай апазыцыі і грамадзянскай супольнасьці, якія сыстэматычна прадстаўляюцца нэгатыўным і прыніжальным чынам, з выкарыстаньнем фальсыфікаванай і непраўдзівай інфармацыі, асабліва пасьля прэзыдэнцкіх выбараў 2010 году.

	[Галіна Тарапецкая] нясе адказнасьць за распаўсюд у друкаванай прэсе дзяржаўнай прапаганды, якая правакавала, падтрымлівала і апраўдвала рэпрэсіі супраць дэмакратычнай апазыцыі і грамадзянскай супольнасьці, якія сыстэматычна прадстаўляюцца нэгатыўным і прыніжальным чынам, з выкарыстаньнем фальсыфікаванай інфармацыі, асабліва пасьля прэзыдэнцкіх выбараў 2010 году.

	[Ганна Шадрына] нясе адказнасьць за распаўсюд у друкаванай прэсе дзяржаўнай прапаганды, якая правакавала, падтрымлівала і апраўдвала рэпрэсіі супраць дэмакратычнай апазыцыі і грамадзянскай супольнасьці 19 сьнежня 2010 году з выкарыстаньнем фальсыфікаванай інфармацыі.

Сярод іншых прапагандыстаў, якія актыўна публікаваліся ў «СБ. Беларусь сегодня», займаючыся дэзынфармацыяй, маніпуляваньнем або распальваньнем нянавісьці ― Андрэй Мукавозчык, Кірыл Коктыш, Дзьмітры Крат, Людміла Гладкая ды іншыя.

Галоўны рэдактар газэты Дзьмітры Жук трапіў пад санкцыі ЭЗ ды Швайцарыі летам 2024 году^[6]^[7].

Галоўныя рэдактары

Крыніцы

^ The ISSN portal (анг.) — Paris: ISSN International Centre, 2005. — ISSN 1992-3058
^ Лукашенко уволил Давыдько, Якубовича и Козиятко. Назначены новые руководители Белтелерадиокомпании, СТВ и «СБ. Беларусь Сегодня» Intex-press, /02/2018
^ К 100-летию выхода газеты «Савецкая Беларусь». Нацыянальная бібліятэка Беларусі (2020-02-18).
^ Поўны спіс 208 беларускіх чыноўнікаў, якім забаронены ўезд у ЕС - Наша Ніва, 11.10.2011
^ ^а ^б Council Decision 2012/642/CFSP of 15 October 2012 concerning restrictive measures against Belarus - Рашэньне Рады Эўрапейскага Зьвязу аб рэстрыктыўных мерах супраць Беларусі, 15 кастрычніка 2012 г.
^ Council Decision (CFSP) 2024/2116 of 26 July 2024 (анг.). EUR-Lex(be).
^ Ordinance on measures against Belarus (анг.). Дзяржаўны сакратарыят па эканамічных пытаньнях(de).

Вонкавыя спасылкі

Афіцыйны сайт (рас.)
Водгукі на газэту «Савецкая Беларусь» (рас.) на сайце Otzyvy.by

[_721cbc1890cb4fbe-1] The ISSN portal (анг.) — Paris: ISSN International Centre, 2005. — ISSN 1992-3058

[2] Лукашенко уволил Давыдько, Якубовича и Козиятко. Назначены новые руководители Белтелерадиокомпании, СТВ и «СБ. Беларусь Сегодня» Intex-press, /02/2018

[3] К 100-летию выхода газеты «Савецкая Беларусь». Нацыянальная бібліятэка Беларусі (2020-02-18).

[4] Поўны спіс 208 беларускіх чыноўнікаў, якім забаронены ўезд у ЕС - Наша Ніва, 11.10.2011

[EU2012-5] а ^б Council Decision 2012/642/CFSP of 15 October 2012 concerning restrictive measures against Belarus - Рашэньне Рады Эўрапейскага Зьвязу аб рэстрыктыўных мерах супраць Беларусі, 15 кастрычніка 2012 г.

[6] Council Decision (CFSP) 2024/2116 of 26 July 2024 (анг.). EUR-Lex(be).

[7] Ordinance on measures against Belarus (анг.). Дзяржаўны сакратарыят па эканамічных пытаньнях(de).

[1]

[2]

[3]

[4]

[5]

[6]

[7]