Эўразійскі эканамічны зьвяз

Зьвесткі зь Вікіпэдыі — вольнай энцыкляпэдыі
(Перанакіравана з «ЭАЭЗ»)
Перайсьці да навігацыі Перайсьці да пошуку
Эўразійскі эканамічны зьвяз

Эмблема Эўразійскага эканамічнага зьвязу
Абрэвіятура ЭАЭЗ
Дата ўтварэньня 1 студзеня 2015 (4 гады таму)
Юрыдычны статус міжнародная арганізацыя
Мэта эканамічная інтэграцыя
Месцазнаходжаньне Усходняя Эўропа, Цэнтральная Азія
Афіцыйныя мовы армняская, беларуская, казаская, расейская
Кіроўны орган Вышэйшая эўразійская эканамічная рада, Эўразійская эканамічная камісія
Сайт www.eaeunion.org

Эўразі́йскі эканамі́чны зьвя́з (ЭАЭЗ) — міжнародная арганізацыя рэгіянальнай эканамічнай інтэграцыі, якая валодае міжнароднай правасуб’ектнасьцю і заснаваная дамовай аб Эўразійскім эканамічным зьвязе[1]. У зьвязе забясьпечваецца свабода руху тавараў, а таксама паслуг, капіталу і працоўнай сілы, а таксама правядзеньне скаардынаванай, узгодненай або адзінай палітыкі ў галінах эканомікі[1].

Дзяржавамі-чальцамі Эўразійскага эканамічнага зьвязу зьяўляюцца Армэнія, Беларусь, Казахстан, Расея і Кыргыстан, апошні зь якіх далучыцца да арганізацыі 29 траўня 2015 году[1]. Дамова аб стварэньні ЭАЭЗ была падпісаная 29 траўня 2014 году ў Астане прэзыдэнтамі Беларусі, Казахстану і Расеі. 10 кастрычніка ў Менску дамова аб далучэньні да ЭАЭЗ падпісала Армэнія, а 23 сьнежня ў Маскве — Кыргыстан. ЭАЭЗ створаны ў мэтах усебаковай мадэрнізацыі, каапэрацыі і падвышэньня канкурэнтаздольнасьці нацыянальных эканомік і стварэньня ўмоваў для стабільнага разьвіцьця ў інтарэсах павышэньня жыцьцёвага ўзроўню насельніцтва дзяржаваў-чальцоў зьвязу[1].

Установы[рэдагаваць | рэдагаваць крыніцу]

  • Рада. Складаецца з кіраўнікоў дзяржаваў і ўрадаў. Зьбіраецца штогод. Ухваляе пастановы агульнай згодай. Дае даручэньні Камітэту, зьвяртаецца з запытамі да Міжпарлямэнцкай асамблеі і Суда. Абірае генэральнага сакратара.
  • Камітэт (Алматы, Казахстан; Масква, Расея). Складаецца з намесьнікаў кіраўнікоў урадаў. Зьбіраецца штоквартал. Ухваляе пастановы 2/3 галасоў (Расея мае 40 галасоў, Беларусь і Казахстан — па 15, Кыргыстан і Таджыкістан — па 7,5). Сочыць за выкананьнем каштарысу.
  • Міжпарлямэнцкая асамблея (Пецярбург, Расея). Складаецца з пасланьнікаў са складу парлямэнтаў. Зьвяртаецца з парадамі да Рады і Камітэта, з запытамі да Суда. Прызначае склад Суда.
  • Суд (Менск, Беларусь). Судзьдзі прызначаюцца на 6 год. Разглядае спрэчкі аб выкананьні дамоваў[2].

Крыніцы[рэдагаваць | рэдагаваць крыніцу]

  1. ^ а б в г Афіцыйны сайт ЭАЭЗ
  2. ^ Дамова аб заснаваньні Эўразійскай эканамічнай супольнасьці(рас.) // Нацыянальны прававы інтэрнэт-партал Рэспублікі Беларусь, 21 чэрвеня 2000 г. Праверана 14 жніўня 2013 г.

Вонкавыя спасылкі[рэдагаваць | рэдагаваць крыніцу]