Фэстываль Be2gether

Зьвесткі зь Вікіпэдыі — вольнай энцыкляпэдыі

Гэты артыкул або разьдзел утрымлівае застарэлыя зьвесткі.
Вы можаце дапамагчы Вікіпэдыі, абнавіўшы яго. (дапамога)

Фэстываль «Be2gether» (па-летувіску: Festivalis Be2gether) — найбуйнейшы фэстываль музыкі і мастацтва на тэрыторыі Балтыйскіх краінаў, які праходзіць у Нарвілішках у Летуве, ля мяжы зь Беларусьсю.

Даты[рэдагаваць | рэдагаваць крыніцу]

Першы фэстываль «Be2gether» праходзіў 24—26 жніўня 2007 году. Другі адбыўся 14—17 жніўня 2008 году. Трэці фэстываль Be2gether прайшоў 12—14 чэрвеня 2009 году[1]. Чацьверты адбыўся 25-27 чэрвеня 2010 году[2].

Месца[рэдагаваць | рэдагаваць крыніцу]

Фэст праходзіць ва ўнікальных па сваёй прыродзе навакольлях мястэчка Дзевянішкі, якое мяжуе зь Беларусьсю. Адгэтуль свой пачатак бяруць пяць старадаўніх дарог, якія вядуць у Вільню.

Пра фэст[рэдагаваць | рэдагаваць крыніцу]

Фэст «Be2gether» на гістарычных землях Нарвіліскага замку зьбірае аматараў рознай музыкі. На трох сцэнах, накіраваных у бок дзяржаваў Эўразьвязу, гучыць рок, электроніка, «world» і альтэрнатыўная музыка, якую прадстаўляюць розныя выканаўцы і гурты з усяго сьвету[3][4]. Падчас фэсту можна ўладкавацца на тэрыторыі адмысловага абсталяванага кэмпінга.

На працягу фэсту таксама адчыненыя творчыя майстэрні, дзе госьці могуць паспрабаваць сябе ў розных відах мастацтва. Таксама да ўвагі гасьцёў кіно пад адчыненым небам, спартовыя спаборніцтвы, урокі музыкі і танца, заняткі жывапісам, адмысловыя зоны рэлаксацыі. На фэсьце таксама працуе адмыслова ўстроены дзіцячы садок, дзе бацькі могуць пакінуць сваіх малянят пад наглядам.

Фэст «Be2gether» уключаны ў сьпіс мерапрыемстваў праграмы «Вільня — культурная сталіца Эўропы 2009». Частка сродкаў, атрыманых за продаж квіткоў, аддаецца на гуманітарную дапамогу.

Be2gether-2007[рэдагаваць | рэдагаваць крыніцу]

На першым фэсьце былі абсталяваныя дзьве вялікія сцэны і клюб-намёт. За тры дні і дзьве ночы выступілі 32 выканаўцы з розных краінаў сьвету:

На тэрыторыі творчых майстэрняў і забаўляльных зон фэсту працавала амбасада «рэспублікі Ўжупіс», вядомая сваёй унікальнай творчасьцю. Таксама кіно пад адчыненым небам, студыя выяўленчага мастацтва, фотастудыя «LT 1000»; жадаючыя маглі нацешыцца фотапаляваньнем. Праводзіліся турніры па футболе і альтэрнатыўным баскетболе, жартоўныя шлюбы, прагляд extreme-фільмаў і матч footbag. Былі арганізаваныя конкурсы боды-арту (малюнкаў на целе) і графіці, вынікам якога стаў велізарны малюнак «Экалягічны блюз». Таксама былі прадстаўленыя гуманітарныя праекты: Big Brothers Big Sisters, Жывая бібліятэка.

Частка сродкаў, выгандлёваных за продаж квіткоў, была пераведзеная дзецям Чачэрску (побач з Гомелем, Беларусь), пацярпелым падчас Чарнобыльскай катастрофы.

Марцінас Статкус — стваральнік фільма аб першым фэсьце Be2gether 2007, паспрабаваў як мага дакладней перадаць усе настроі гэтай падзеі. Таму, па яго словах, фільм зьняты як бы з трох ракурсаў: арганізатараў і музыкаў, гасьцёў і мясцовых жыхароў. Пасьля выйшла абмежаваная колькасьць DVD-фільмаў, набываючы якія можна было купіць і першыя квіткі на фэст 2008 году.

Be2gether-2009[рэдагаваць | рэдагаваць крыніцу]

Фэстываль «Be2gether-2009» адбыўся 12—14 чэрвеня 2009 году. У фэсьце прынялі ўдзел Gogol Bordello, Polarkreis 18, Touch and Go, Clawfinger, Андрус Мантовас.

Be2gether-2010[рэдагаваць | рэдагаваць крыніцу]

Фэстываль «Be2gether-2010» адбыўся 25—27 чэрвеня 2009 году. У фэсьце прынялі ўдзел і беларускія музыкі і гурты: Лявон Вольскі, Akute, Cherryvata разам з Русяю, Open Space, DJ Laurel, Дзівасіл[6][7][8][9][10].

Забароны[рэдагаваць | рэдагаваць крыніцу]

Аўтобусы з гасьцямі імпрэзы ў 2008 годзе затрымліваліся на беларускім баку[11].

Крыніцы[рэдагаваць | рэдагаваць крыніцу]

  1. ^ Татьяна Замировская. (2009-06-22) BE2GETHER: МАССОВЫЙ ПСИХОЗ в метре от Европы (рас.). БелГазета. Праверана 2020-09-12 г. Архіўная копія ад 2009-06-30 г.
  2. ^ Вікторыя Целяшук. Фэстываль «Be2gether» адбудзецца напрыканцы чэрвеня // Зьвязда : газэта. — 16 сакавіка 2010. — № 47 (26655). — С. 8. — ISSN 1990-763x.
  3. ^ Воля Кузьміч. (2010-06-29) У чацьверты раз на Be2gether (бел.). generation.by. Праверана 2020-09-12 г. Архіўная копія ад 2020-09-12 г.
  4. ^ Вячеслав Радионов. (2010-06-29) be2gether 2010: сомнения развеяны (рас.). Ultra-music.com. Праверана 2020-09-12 г. Архіўная копія ад 2020-09-12 г.
  5. ^ Вадзім Вілейта. (2007-08-26) «Музыка адчыняе межы» (бел.). Нямецкая хваля. Праверана 2020-02-21 г. Архіўная копія ад 2020-02-21 г.
  6. ^ Ліза Кавальчык. (2010-06-27) «Гайдамакі», Вольскі і Будзьма together! (бел.). Наша Ніва. Праверана 2020-02-21 г. Архіўная копія ад 2010-06-30 г.
  7. ^ Сяргей Макарэвіч. (2011-01-22) Музыка ў 2011-м (бел.). Наша Ніва. Праверана 2020-02-22 г. Архіўная копія ад 2020-02-22 г.
  8. ^ Юлия Шейн; Ольга Макей; Андрей Сержантов. (2010-06-27) «Be2gether 2010» собрал и меломанов, и любителей экстрима (рас.). Сталічнае тэлебачаньне. Праверана 2020-03-04 г. Архіўная копія ад 2020-03-04 г.
  9. ^ Be2gether: працяг фэсту (фотарэпартаж). Будзьма беларусамі! (2010-06-28). Праверана 2020-09-12 г. Архіўная копія ад 2020-09-12 г.
  10. ^ Be2Gether 2010 - секс, наркотики и rock'n'roll? - Музыка (рас.). another.by. Праверана 2020-09-25 г. Архіўная копія ад 2020-09-25 г.
  11. ^ На мяжы затрыманы аўтобус з гасцямі фэста Be2gether (бел.). Хартыя’97 (2008-08-15). Праверана 2020-01-26 г. Архіўная копія ад 2009-09-17 г.

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Фэстываль_Be2gether&oldid=2156973»