Уладзімер Патупчык

	Уладзімер Патупчык
Міністар энэргетыкі Рэспублікі Беларусь
	22 красавіка 2013 — 2 траўня 2018
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч
Папярэднік:	Аляксандар Азярэц
Наступнік:	Віктар Каранкевіч
Намесьнік прэм’ер-міністра Рэспублікі Беларусь
	4 чэрвеня 2009 — 28 сьнежня 2010
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Міністар працы і сацыяльнай абароны Рэспублікі Беларусь
	5 траўня 2006 — 4 чэрвеня 2009
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Папярэднік:	Антаніна Морава
Наступнік:	Марыяна Шчоткіна
Асабістыя зьвесткі
Нарадзіўся:	1958; Шацілавічы, БССР
Партыя:	Камуністычная партыя Савецкага Саюзу;
Адукацыя:	Беларускі політэхнічны інстытут (1980); Расейская акадэмія дзяржаўнай службы[d] (2002);

Вікіпэдыя мае артыкулы пра іншых асобаў з прозьвішчам Патупчык (неадназначнасьць).

Уладзі́мер Мікала́евіч Пату́пчык (нарадзіўся ў 1958 годзе, Шацілавічы, Беларуская ССР) — беларускі дзяржаўны дзяяч, міністар энэргетыкі Рэспублікі Беларусь (2013—2018).

Біяграфія

Нарадзіўся ў Шацілавічах Гомельскае вобласьці ў 1958 г. У 1980 годзе скончыў Беларускі політэхнічны інстытут.

Працаваў машыністам-абходчыкам турбіннага абсталяваньня Мазырскай ЦЭЦ (1980—1981), машыністам, потым начальнікам зьмены на Шацілавіцкай ЦЭЦ (1981—1983). У 1983 годзе — намесьнік начальніка цэнтральнай службы раённай энэргетычнай управы «Гомельэнерга». У 1983—1984 гадох — начальнік лябараторыі мэталаў Шацілавіцкай ЦЭЦ.

Інструктар арганізацыйнага аддзелу, загаднік прамыслова-транспартнага аддзелу, загаднік арганізацыйнага аддзелу Шацілавіцкага гаркаму КПБ (1984—1990). Намесьнік старшыні Шацілавіцкага гарадзкога Савету народных дэпутатаў (1990—1993). У 1993—1997 гадох — намесьнік старшыні Шацілавіцкага гарвыканкаму. У 1997—1998 гадох — першы намесьнік старшыні Шацілавіцкага гарвыканкаму. Старшыня камітэту па эканоміцы і рынкавых адносінах Гомельскага аблвыканкаму (1998—2001). У 2001 годзе — старшыня Мазырскага гарвыканкаму. У 2001—2004 гадох — намесьнік старшыні Гомельскага аблвыканкаму.

У 2002 годзе скончыў Расейскую акадэмію дзяржаўнай службы пры прэзыдэнце Расейскай Фэдэрацыі.

У 2004 годзе прызначаны памочнікам Прэзыдэнта Рэспублікі Беларусь — галоўным інспэктарам па горадзе Менску. 5 траўня 2006 году прызначаны міністрам працы і сацыяльнай абароны Беларусі.

З 6 лістапада 2007^[1] да 2012 року ўзначальваў Беларускую фэдэрацыю лёгкай атлетыкі. Пасьля правалу на Алімпіядзе ў Лёндане і скандалу з трэнэрам Бадуевым быў зьняты з пасады^[2].

4 чэрвеня 2009 — 28 сьнежня 2010 — намесьнік прэм’ер-міністра Рэспублікі Беларусь.

16 чэрвеня 2011 году стаў чальцом Савету Рэспублікі Нацыянальнага сходу Рэспублікі Беларусь 4-га скліканьня^[3], намесьнік старшыні.

Ад 22 красавіка 2013 да 2 траўня 2018 году займаў пасаду міністра энэргетыкі Рэспублікі Беларусь^[4]. Адпраўлены ў адстаўку з фармулёўкай «за садзейнічаньне незаконнаму сямейнаму бізнэсу». У дзень адстаўкі чыноўніка адразу ж быў арыштаваны яго катэдж непадалёку ад «Менск-Арэны» на «вуліцы банкіраў» і апячатаная яго кватэра^[5].

Жанаты, мае сына і дачку^[6].

Крыніцы

^ ЗП.. Міністар працы стаў старшынём Фэдэрацыі лёгкай атлетыкі // Наша Ніва, 30 лістапада 2007 г. Праверана 23 красавіка 2013 г.
^ Іна Студзінская. (22 красавіка 2013) Патупчык 20 гадоў ня меў дачыненьня да энэргетыкі Эканоміка. Радыё «Свабода». Праверана 23 красавіка 2013 г.
^ УКАЗ ПРЕЗИДЕНТА РЕСПУБЛИКИ БЕЛАРУСЬ от 16 июня 2011 г. № 252 «О назначении В. Н. Потупчика»(недаступная спасылка) (рас.)
^ Лукашэнка зняў Уладзіміра Патупчыка з пасады міністра энергетыкі. БелТА (2 мая 2018).
^ КДБ арыштаваў элітны катэдж міністра Патупчыка і яго кватэру, прыватызаваную па дзіўнай схеме, Наша ніва, 8-06-2018
^ Намеснік прэм'ер-міністра Рэспублікі Беларусь Патупчык Уладзімір Мікалаевіч. Савет Міністраў Рэспублікі Беларусь. Праверана 10 верасьня 2010 г.

Вонкавыя спасылкі

Старонка на праекце «Хто ёсьць хто ў Рэспубліцы Беларусь» (рас.)

[1] ЗП.. Міністар працы стаў старшынём Фэдэрацыі лёгкай атлетыкі // Наша Ніва, 30 лістапада 2007 г. Праверана 23 красавіка 2013 г.

[2] Іна Студзінская. (22 красавіка 2013) Патупчык 20 гадоў ня меў дачыненьня да энэргетыкі Эканоміка. Радыё «Свабода». Праверана 23 красавіка 2013 г.

[3] УКАЗ ПРЕЗИДЕНТА РЕСПУБЛИКИ БЕЛАРУСЬ от 16 июня 2011 г. № 252 «О назначении В. Н. Потупчика»(недаступная спасылка) (рас.)

[4] Лукашэнка зняў Уладзіміра Патупчыка з пасады міністра энергетыкі. БелТА (2 мая 2018).

[5] КДБ арыштаваў элітны катэдж міністра Патупчыка і яго кватэру, прыватызаваную па дзіўнай схеме, Наша ніва, 8-06-2018

[govby-6] Намеснік прэм'ер-міністра Рэспублікі Беларусь Патупчык Уладзімір Мікалаевіч. Савет Міністраў Рэспублікі Беларусь. Праверана 10 верасьня 2010 г.

[1]

[2]

[3]

[4]

[5]

[6]