Перайсьці да зьместу

Троцкі замак на паўвысьпе

Зьвесткі зь Вікіпэдыі — вольнай энцыкляпэдыі
Помнік абарончай архітэктуры
Троцкі замак
Троцкі замак на паўвысьпе
Троцкі замак на паўвысьпе
Краіна Летува
Места Трокі
Каардынаты 54°38′46″ пн. ш. 24°56′12″ у. д. / 54.64611° пн. ш. 24.93667° у. д. / 54.64611; 24.93667Каардынаты: 54°38′46″ пн. ш. 24°56′12″ у. д. / 54.64611° пн. ш. 24.93667° у. д. / 54.64611; 24.93667
Троцкі замак на мапе Летувы
Троцкі замак
Троцкі замак
Троцкі замак
Троцкі замак на Вікісховішчы

Троцкі замак на паўвысьпе або Стары замак — помнік архітэктуры XIV—XV стагодзьдзяў у Троках, рэзыдэнцыя гаспадароў Вялікага Княства Літоўскага. Уваходзіў у лінію фартыфікацыяў Ліда — Наваградак — Крэва — Меднікі. Знаходзіцца на паўвысьпе ў паўночнай частцы места, на паўднёвым беразе возера Гальвы. Твор гатычнай архітэктуры ВКЛ. Аб’ект Рэгістру культурных каштоўнасьцяў Летувы.

Замкі. Т. Макоўскі, 1600 г.

Вялікае Княства Літоўскае

[рэдагаваць | рэдагаваць крыніцу]
Плян замка, 1827 г.

Будаваньне першага мураванага замка ў Троках вялося ў XVI ст.: у 1345—1381 гадох места было рэзыдэнцыяй вялікага князя Кейстута, суваладара Альгерда. За часамі змаганьня за ўладу паміж Кейстутам і Вітаўтам з аднаго боку і Ягайлам — з другога, у 1382—1383 гадох замак шмат разоў бралі ў аблогу і штурмавалі крыжакі.

У 1414—1430 гадох у выніку рэканструкцыі Верхні замак стаў мураваным. Тады ж на цэнтральным пагорку (Ахвярнай гары) пачалі будаваць мураваны палац, які аднак, ня скончылі з прычыны будаваньня замка на высьпе.

У 1678 годзе на тэрыторыі замка пачаў дзейнічаць кляштар дамініканаў. У 1779 годзе пачалося будаваньне мураванага касьцёла.

Пад уладай Расейскай імпэрыі

[рэдагаваць | рэдагаваць крыніцу]

Па трэцім падзеле Рэчы Паспалітай (1795 год), калі Трокі апынуліся ў складзе Расейскай імпэрыі, паскорыўся заняпад замка. У 1822 годзе ў адным нэфе касьцёла дамініканаў пачала дзейнічаць капліца, у астатняй частцы зрабілі кляштарны корпус. Па здушэньні вызвольнага паўстаньня 1830—1831 гадоў расейскія ўлады ліквідавалі кляштар.

У 1953—1961 гадох праводзілася кансэрвацыя рэшткаў замка. У 2002 годзе пачалася рэстаўрацыя на Ахвярнай гары (Верхнім замку).

Займаў плошчу каля 4 га і складаўся зь дзьвюх частак: уласна замка, або Верхняга замка, і прылеглага да места нашмат большага памерамі прадзамча, або Ніжняга замка. Ніжні замак меў мур і 6 або 7 квадратных вежаў. Больш старажытны Верхні замак далучаўся да мураванай часткі з поўначы і атачаўся азёрамі Гальвай і Бэрнардынскім. Драўляны княскі палац знаходзіўся ў цэнтры Верхняга замка на Ахвярнай гары. Па рэканструкцыі Верхні замак атрымаў тры мураваныя вежы[1].

Гістарычная графіка

[рэдагаваць | рэдагаваць крыніцу]

Гістарычныя здымкі

[рэдагаваць | рэдагаваць крыніцу]
  1. ^ ВКЛ. Энцыкл. — Мн.: 2005 Т. 2. С. 670.

Вонкавыя спасылкі

[рэдагаваць | рэдагаваць крыніцу]