Сярога

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сярога
Сяргей Васільевіч Пархоменка
Дата нараджэньня 8 кастрычніка 1976(1976-10-08)[1] (42 гады)
Месца нараджэньня Гомель, БССР
Гады творчасьці 2001 — цяпер
Краіна Беларусь, Расея
Прафэсіі сьпявак, рэпер, музычны прадусар, прадусар
Інструмэнты голас
Жанры хіп-хоп
Псэўданімы Серёга, Айвенго, Диез
Гурты Контра-да-банда
Супрацоўніцтва St1m, Сацура, Макс Лоренс
Лэйблы Moon records, BMG, Go-Records, King Ring
www.seryoga.ru

Сяро́га (па-расейску: Серёга, сапраўднае імя Сярге́й Васільевіч Пархо́менка; нарадзіўся 8 кастрычніка 1976) — расейскі рэпэр беларускага паходжаньня.

Біяграфія[рэдагаваць | рэдагаваць крыніцу]

Афіцыйная біяграфія Сярогі занадта міталягізаваная, і таму ставіцца да яе варта крытычна. Вядома, што Сярога нарадзіўся ў Гомлі. У 1993 скончыў гомельскую сярэднюю школу № 49 з паглыбленым вывучэньнем нямецкае мовы. Паводле розных зьвестак мае або дзьве вышэйшыя адукацыі (нямецкая філялёгія; паліталёгія), або адну няскончаную. Афіцыйныя біёграфы сьцьвярджаюць, што да пачатку рэалізацыі ўласнага рэп-праекту Сярога жыў пяць гадоў у Нямеччыне, дзе нібыта працаваў чарнарабочым. Між тым людзі, блізкія да колішняга гомельскага Сярогіна асяродзьдзя, вельмі скептычна азываюцца на гэты конт. Так ці інакш, але ад пачатку раскруткі праекту (20032004) Сярога фактычна пакінуў Гомель, жывучы пераважна ва Ўкраіне, а потым і ў Расеі. Паводле няспраўджаных зьвестак — халасты.

Дыскаграфія[рэдагаваць | рэдагаваць крыніцу]

  • «Змардавалі Лялю» (па-расейску: Загубили Лялю) (2003) — максі-сынгл
  • «Мой двор: вясельлі & хаўтуры» (Мой двор: свадьбы & похороны) (2004) — паўнафарматны альбом. У Расеі выдаваўся са зьмененым падзагалоўкам: «Мой двор. Спартовыя прыпеўкі» (Мой двор. Спортивные частушки)
  • «Дыскаліхаманка» (Дискомалярия) (2005) — паўнафарматны альбом.
  • «Хроніка дзецюка з гомельскіх вуліц» (Хроника парнишки с гомельских улиц) (2008) — паўнафарматны альбом.

Ацэнкі творчасьці[рэдагаваць | рэдагаваць крыніцу]

Творчасьць Сярогі выклікае неадназначную рэакцыю на постсавецкай прасторы і ў Заходняй Эўропе. Дзеля таго ён мае ад журналістаў розныя мянушкі накшталт «славянскі Эмінэм», «расейскі Эмінэм».

«Чорны бумэр» — адзін з мэга-гітоў Сярогі, дзякуючы якому ён здабыў шалёную папулярнасьць ва Ўкраіне і Расеі, а ўжо потым і ў Беларусі. У калямузычных беларускіх колах ходзіць PR-легенда, быццам гэтая песьня сьпярша прапаноўвалася ўсім менскім FM-станцыям, але не была належным чынам ацэнена і трапіла ў ратацыю толькі пасьля посьпеху ў суседніх краінах. Аматары Сярогі зь Беларусі і Ўкраіны пераклалі песьню на беларускую і ўкраінскую мовы (вядомы, прынамсі, па адным перастварэньні). Аднак рэпэр аддае перавагу расейскай мове. На адной з інтэрнэт-канфэрэнцыяў для беларускай аўдыторыі ў 2006 годзе ён зазначыў пра гэтую прэфэрэнцыю адмыслова. Тым ня менш у яго даробку ёсьць беларускамоўны трэк «Лялька», які выдаваўся на CD-кампіляцыях «Пасадзіў DEAD RAPку» і «Наша Музыка — 2» (2004).

Вонкавыя спасылкі[рэдагаваць | рэдагаваць крыніцу]

  • ^ Нямецкая нацыянальная бібліятэка, Бэрлінская дзяржаўная бібліятэка, Баварская дзяржаўная бібліятэка і інш. Record #135504295 // Gemeinsame Normdatei — 2012—2016.