Сяргей Курганскі

**Сяргей Курганскі**
	Сяргей Курганскі
Пэрсанальная інфармацыя
Нарадзіўся	15 траўня 1986 (38 гадоў); Горадня, БССР, СССР;
Рост	191 см
Вага	76 кг
Пазыцыя	брамнік
Клюбы

Сярге́й Курга́нскі (нарадзіўся 15 траўня 1986 году) — беларускі футбаліст, брамнік.

Кар’ера

Выхаванец гарадзенскай СДЮШАР-6. Пачынаў кар’еру ў дублі мясцовага «Нёману». У 2005 годзе зьяўляўся ў асноўнай камандзе гарадзенцаў, але пазьней зноў выступаў толькі за дубль. Улетку 2007 году трапіў у арэнду ў «Савіт» (быў там першым брамнікам), правёў у гэтым клюбе адзін год. Другую палову 2008 году правёў у складзе менскага МТЗ-РІПА, дзе быў другім брамнікам пасьля Аляксандра Сулімы. Некаторы час праз дыскваліфікацыю Сулімы трапляў у пачатковы склад менчукоў.

Сэзон 2009 году правёў у «Белшыне», разам зь якой здабыў перамогу ў Першай лізе. У 2010 годзе выступаў за берасьцейскае «Дынама», дзе гуляў пераважна за дубль, у першай камандзе правёў толькі адзін матч. З 2011 году пачаў выступаць у клюбах Першай лігі, пры гэтым «Партызану» і «Дняпру» дапамагаў вярнуцца ў Найвышэйшую лігу. Першую палову 2013 году знаходзіўся бяз клюбу, пасьля чаго стаў гульцом «Слоніму». У 2014 годзе быў першым брамнікам «Ліды».

У сакавіку 2015 году пасьля прагляду падпісаў кантракт зь «Нёманам»^[3]. Пачынаў сэзон 2015 году ў якасьці другога брамніка, але неўзабаве выцесьніў Уладзіслава Васілючка і заняў месца ў асноўным складзе. У студзені 2016 году падоўжыў кантракт з гарадзенцамі^[4]. У сэзоне 2016 году ўжо быў трывалым першым брамнікам каманды.

Па заканчэньні сэзону ў сьнежні 2016 году Курганскім цікавілася берасьцейскае «Дынама», але ён вырашыў застацца ў Горадні на наступны год^[5]. Сэзон 2017 году распачаў у асноўным складзе, аднак у траўні выбыў праз траўмы, і пазьней пачаў саступаць месца ў складзе Уладзімеру Жураву. У лістападзе 2017 году яшчэ на год падоўжыў кантракт зь «Нёманам»^[6]. Сэзон 2018 году пачынаў у якасьці галоўнага брамніка, аднак у красавіку атрымаў траўму. У жніўні 2018 году вярнуўся да шыхтаў і зноў атрымаў месца ў асноўным складзе.

У сьнежні 2018 году падпісаў пагадненьне з гарадзенцамі на сэзон 2019 году^[7]. Пачынаў сэзон асноўным брамнікам, аднак у ліпені атрымаў траўму, пасьля аднаўленьня ў верасьні пачаў заставацца на лаўцы запасных. У сьнежні 2019 году падоўжыў кантракт зь «Нёманам» на два гады^[8]. У 2020—2021 гадах ня меў трывалага месца ў складзе, чаргаваўся зь іншымі брамнікамі, пераважна зь Дзьмітром Дударам. У студзені 2022 году падоўжыў пагадненьне з гарадзенскім клюбам на год^[9]. У 2022 годзе правёў толькі тры матчы ў Найвышэйшай лізе за клюб.

У пачатку 2023 году праз забарону Міністэрства спорту і турызму ня трапіў у заяўку «Нёмана» на сэзон і ня браў удзелу ў афіцыйных матчах каманды ў 2023 годзе, але працягваў трэнавацца з гарадзенцамі. У ліпені 2023 году абвесьціў пра зыход з клюбу^[10] і далучыўся да «Макслайну»^[11]. У сьнежні 2023 году пакінуў «Макслайн»^[12].

Статыстыка

Клюб	Сэзон	Чэмпіянат
Клюб	Сэзон	Дывізіён	Матчы	Галы
Нёман	2015	Найвышэйшая ліга	16	–12
	2016	Найвышэйшая ліга	29	–36
	2017	Найвышэйшая ліга	11	–13
	2018	Найвышэйшая ліга	16	–10

Крыніцы

Вонкавыя спасылкі

Профіль на сайце «Нёману» (рас.)
Статыстыка «ПБ-Инфо» (рас.)

[_4d53b7f5f536e245-1] а ^б ^в Sergey Kurganski // Transfermarkt (мн.) — 2000.

[_e66b9f8e4baefb21-2] а ^б ^в ^г https://www.fcneman.by/by/komanda/main/26.html

[3] Курганский и Фомин заключили контракты с «Неманом», Каборда покинул клуб (рас.)

[4] Сергей Курганский продлил контракт с "Неманом" (рас.)

[5] Курганский подписал новый контракт с «Неманом» (рас.)

[6] Журов и Курганский продолжат защищать ворота "Немана" (рас.)

[7] Сергей Курганский поставил подпись под новым контрактом с "Неманом" (рас.)

[8] Сергей Курганский продлил контракт с "Неманом" (рас.)

[9] "Неман" продлил контракт с вратарем Курганским (рас.)

[10] Сергей Курганский покинул "Неман" (рас.)

[11] Жуковский и Курганский после полугодового простоя перешли в "Макслайн" (рас.)

[12] Курганский и Азарко покинули "Макслайн" (рас.)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

Пэрсанальная інфармацыя
Сяргей Курганскі
Нарадзіўся	15 траўня 1986(1986-05-15)^[1] (38 гадоў) Горадня, БССР, СССР^[2]
Рост	191 см
Вага	76 кг^[2]
Пазыцыя	брамнік
Клюбы
Гады	Клюб	Гульні (галы)¹
2005—2007	Нёман Горадня	4 (0)
2008	Савіт Магілёў	19 (0)
2008—2009	Партызан Менск	5 (0)
2009	→ Белшына	13 (0)
2010	Дынама Берасьце	1 (0)
2011	Партызан Менск	9 (0)
2012	Дняпро Магілёў	14 (0)
2013	Слонім-2017	13 (0)
2014	Ліда	21 (0)
2015—2022	Нёман Горадня	113 (0)
2023	Макслайн	8 (0)