Суд Фрунзэнскага раёну

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Асноўны артыкул: Раённы суд

Суд Фрунзэнскага раёна места Менск[1] — дзяржаўная ўстанова, агульны суд. Месца дзейнасьці — Фрунзэнскі раён, Менск, Беларусь. Суд выносіць судовыя пастановы, якія абавязковыя для выкананьня па ўсёй Беларусі. Большасьць грамадзянскіх і карных справаў у раёне разглядаюцца гэтым судом.

Паводле прыкладаў, прадстаўленных у рашэньні Эўрапейскай рады(be) ад 21 чэрвеня 2021 году, падчас пратэстаў у Беларусі (2020—2021) суд дапускаў парушэньні правоў чалавека, падрыў вяршэнства закона, ажыцьцяўляў рэпрэсій супраць грамадзянскай супольнасьці й дэмакратычнае апазыцыі[2].

Санкцыі ЭЗ[рэдагаваць | рэдагаваць крыніцу]

Згодна з рашэньнем Рады Эўрапейскага зьвязу(be) ад 21 чэрвеня 2021 году, судзьдзя суда Натальля Бугук была ўнесена ў Чорны сьпіс Эўразьвязу ў тым ліку за «шматлікія палітычна матываваныя пастановы ў дачыненьні да журналістаў і пратэстуючых, у прыватнасьці вынясеньне выраку Кацярыне Бахвалавай (Андрэевай) і Дар’і Чульцовай» і парушэньні правоў на абарону й справядлівы суд(uk)[2]. Гэтым жа рашэньнем у санкцыйны сьпіс былі ўключаны памочнік пракурора суда Аліна Касьянчык за прыцягненьне да крымінальнае адказнасьці журналістак за «відэазапіс мірных акцыяў пратэсту паводле беспадстаўных абвінавачваньняў у „змове“ й „парушэньні грамадзкага парадку“» й за тое, што пастаянна патрабавала доўгатэрміновыя тэрміны зьняволеньня й прыцягвала да крымінальнае адказнасьці членаў грамадзянскай супольнасьці, напрыклад за ўдзел у мірных акцыях пратэсту і ўшанаваньне памяці забітага дэманстранта Аляксандра Тарайкоўскага, а таксама старшы сьледчы суда Ігар Курыловіч у тым ліку за падрыхтоўку палітычна матываванае крымінальнае справы супраць журналістак, якія зафіксавалі мірныя акцыі пратэсту[2].

Крыніцы[рэдагаваць | рэдагаваць крыніцу]