Новы Быхаў

Новы Быхаў
Населены пункт
Краіна	Беларусь
Вобласьць	Магілёўская
Раён	Быхаўскі
Сельсавет	Навабыхаўскі
Часавы пас	UTC+3
Каардынаты	53°20′07″ пн. ш. 30°21′15″ у. д.
Насельніцтва
Колькасьць	543 чал. (2010)
Лічбавыя ідэнтыфікатары
Тэлефонны код	+375 2231
Паштовы індэкс	213348
СААТА	7213836026
Нумарны знак	6
Новы Быхаў на мапе Беларусі ± Новы Быхаў Новы Быхаў

Но́вы Бы́хаў — вёска ў Быхаўскім раёне Магілёўскай вобласьці. Уваходзіць у склад і зьяўляецца цэнтрам Навабыхаўскага сельсавету.

Гісторыя

Вёска Новы Быхаў вядомая з XVI ст. як мястэчка. Належала Хадкевічам, пазьней Слушкам. У 1685 годзе Дамінік Міхал Слушка прадаў маёнтак Новы Быхаў (інакш званае Тайманавам) Казімеру Яну Сапегу, які, у сваю чаргу, у той жа год перадаў яго свайму старэйшаму сыну Ежы Станіславу ў дзень ягонага вясельля. Новы Быхаў належаў Сапегам да 1820-х гг., калі быў прададзены Булгакам. У 1825 годзе апошні ўладальнік Новага Быхава з роду Сапегаў Астах Каэтан прымаў тут расейскага імпэратара Аляксандра I.

У 1742 годзе 41 двор, у 1758 годзе 19 двароў, 6 шынкоў, 3 крамы, сыраварня, ладзіўся кірмаш. У 1772 годзе налічвалася 92 двары, 734 жыхары, царква.

У 1858 годзе жыло 435 жыхароў мужчынскага полу, была цагельня, млын, піцейны дом. У 1864 годзе ў Новым Быхаве была адкрытая школа, пры якой у 1873 годзе арганізаванае рамеснае аддзяленьне. У 1897 годзе валасны цэнтар, 342 дамы, 2374 жыхары, хлебазапасны магазін (з 1882), 23 крамы, 2 ветракі, 2 шынкі, прыстань, царква, 2 сынагогі, 2-клясная царкоўна-прыходзкая школа, у 1903 годзе ператвораная ў жаночую царкоўна-настаўніцкую (37 вучаніц на 1913), акрамя таго, у 1913 г. дзейнічала яшчэ 2 школы, адна зь іх - узорная.

Насельніцтва

• 2010 год — 543 чалавекі
• 1999 год — 627 чалавек