Заходняе апэратыўнае камандаваньне
Каардынаты: 53°40′48″ пн. ш. 22°50′28″ у. д. / 53.68° пн. ш. 22.84111° у. д.
| Заходняе апэратыўнае камандаваньне | |
 Нарукаўны знак кіраўніцтва | |
| Гады існаваньня | з 11 студзеня 1992 году |
|---|---|
| Краіна | Беларусь |
| Падпарадкаваньне | Міністэрства абароны Рэспублікі Беларусь |
| Уваходзіць у | Узброеныя сілы Рэспублікі Беларусь |
| Тып | аб’яднаньне |
| Уключае ў сябе | 5 брыгадаў, 4 палкі (2015 г.) |
| Функцыя | падтрыманьне баявой гатоўнасьці |
| Дысьлякацыя | Горадня |
| Узбраеньне | артылерыя, ЗРК, танкі |
| Дзейны камандзір | Віктар Хрэнін |
Заходняе апэратыўнае камандаваньне (ЗАК) — апэратыўнае аб’яднаньне Сухапутных войскаў Узброеных сілаў Рэспублікі Беларусь, створанае ў сьнежні 2001 году на аснове 28-га армейскага корпусу[1].
Штаб месьціцца ў Горадні па вул. Леніна, д. 9. Заходняе апэратыўнае камандаваньне складаецца з кіраўніцтва, злучэньняў і вайсковых частак родаў войскаў: спэцыяльных войскаў, тэхнічнага і тылавога забесьпячэньня. Асноўныя задачы ЗАК: 1) падтрыманьне баявой і мабілізацыйнай гатоўнасьці; 2) удасканаленьне баявой вывучкі і зладжанасьці; 3) плянаваньне прымяненьня падначаленых войскаў, узгадненьне дзейнасьці органаў вайсковага кіраваньня, мясцовага кіраваньня і самакіраваньня ў галіне абароны[1]. Вайсковыя часткі месьцяцца ў Берасьцейскай і Гарадзенскай абласьцях Беларусі.
Склад
[рэдагаваць | рэдагаваць крыніцу]На 2015 год Заходняе апэратыўнае камандаваньне ўлучала:
- Агульнавайсковыя злучэньні —
- 6-я асобная мэханізаваная брыгада (Горадня);
- 11-я асобная мэханізаваная брыгада (Слонім, Гарадзенская вобласьць);
- Злучэньні і часткі артылерыі —
- 111-я артылерыйская брыгада (Берасьце);
- 1199-ы зьмяшаны артылерыйскі полк (в. Слабудка, Пружанскі раён, Берасьцейская вобласьць);
- Злучэньні і часткі вайсковай супрацьпаветранай абароны —
- 62-я зэнітная ракетная брыгада (Горадня);
- 215-ы асобны радыётэхнічны полк (Наваградак, Гарадзенская вобласьць);
- Частка інжынэрных войскаў —
- 557-я інжынэрная брыгада (Горадня);
- Частка войскаў сувязі —
- 74-ы асобны полк сувязі (Горадня);
- Рамонтна-тэхнічныя часткі і часткі захоўваньня ўзбраеньня і вайсковай тэхнікі —
- 815-ы цэнтар тэхнічнага абслугоўваньня (Баранавічы, Берасьцейская вобласьць);
- 28-я база захоўваньня ўзбраеньня і тэхнікі (Баранавічы);
- Частка тылу —
- 108-ы асобны полк матэрыяльнага забесьпячэньня (Наваградак)[2].
Мінуўшчына
[рэдагаваць | рэдагаваць крыніцу]11 студзеня 1992 г. Вярхоўны Савет Рэспублікі Беларусь зацьвердзіў Пастанову № 1403-XII «Аб Узброеных сілах, якія дысьлякуюцца на тэрыторыі Рэспублікі Беларусь», паводле якой загадаў «Падначаліць усе фармаваньні Ўзброеных сілаў на тэрыторыі Рэспублікі Беларусь Савету міністраў Рэспублікі Беларусь»[3]. У выніку зімовы заклік вайскоўцаў 28-й арміі, штаб якой месьціўся ў Горадні зь верасьня 1945 году, прысягнуў на вернасьць Беларусі. У вайсковых частках увялі вывучэньне беларускай мовы для тых афіцэраў, якіх заклікалі ў войска за савецкім часам з Расейскай СФСР і іншых падсавецкіх краінаў[4]. 18 сакавіка 1992 г. Вярхоўны Савет Беларусі ўхваліў Пастанову № 1530 «Аб Узброеных сілах Рэспублікі Беларусь», паводле якой вырашыў: «Даручыць Савету міністраў Рэспублікі Беларусь з 20 сакавіка 1992 году прыступіць да ўтварэньня Ўзброеных сілаў Рэспублікі Беларусь»[5], у склад якіх такім чынам увайшла 28-я армія.
6 траўня 1992 г. Савет міністраў Беларусі зацьвердзіў Пастанову № 262 «Аб перападпарадкаваньні фармаваньняў Узброеных сілаў, якія дысьлякуюцца на тэрыторыі Рэспублікі Беларусь, Міністэрству абароны»[6], якому стала падпарадкоўвацца і 28-я армія. Да канца 1992 г. склад арміі істотна скарацілі, у тым ліку ў Слабудцы (Пружанскі раён, Берасьцейская вобласьць) расфармавалі 954-ы рэактыўна-артылерыйскі полк. Тамсама на пачатку 1993 г. расфармавалі і 801-ы рэактыўна-артылерыйскі полк. 1 чэрвеня 1993 г. 28-ю агульнавайскавую армію ў выніку скарачэньня пераўтварылі ў 28-ы армейскі корпус. 17 сьнежня 2001 г. 28-ы армейскі корпус пераўтварылі ў Заходняе апэратыўнае камандаваньне[4].
Камандзіры
[рэдагаваць | рэдагаваць крыніцу]- Павал Казлоўскі, генэрал-лейтэнант (сакавік 1989 — ліпень 1991)
- Уладзімер Чыліндзін, генэрал-маёр (ліпень 1991 — лістапад 1992)
- Леанід Мальцаў (7 красавіка 1993 — жнівень 1994)
- Сяргей Гурулёў (ліпень 2000 — люты 2001)
- Віктар Хрэнін, генэрал-маёр (з 23 чэрвеня 2015 году[7] — 20 студзеня 2020)
Начальнікі штаба:
- Аляксандар Мяжуеў (2000-я)
- Аляксей Еўсьцігнееў, палкоўнік (з 27 ліпеня 2007 г.[8])
- Аляксандар Райко, генэрал-маёр (да 2 траўня 2014 г.[9])
- Віктар Хрэнін (7 ліпеня 2014 г.[10] — 2015)
- Алег Мельнікаў, палкоўнік (2015 — 4 траўня 2016)[11]
- Руслан Касыгін, палкоўнік (з 1 чэрвеня 2016 году)
Крыніцы
[рэдагаваць | рэдагаваць крыніцу]- ^ а б Заходняе апэратыўнае камандаваньне // Міністэрства абароны Рэспублікі Беларусь, 2016 г. Праверана 20 кастрычніка 2017 г.
- ^ Заходняе апэратыўнае камандаваньне (рас.) // Партал «Беларуская армія», 14 сакавіка 2011 г. Праверана 20 кастрычніка 2017 г.
- ^ Станіслаў Шушкевіч. Пастанова Вярхоўнага Савета Рэспублікі Беларусь ад 11 студзеня 1992 г. № 1403-XII «Аб Узброеных сілах, якія дысьлякуюцца на тэрыторыі Рэспублікі Беларусь» (рас.) // Партал «Бусел», 2008 г. Праверана 19 кастрычніка 2017 г.
- ^ а б Натальля Пракаповіч. Забытая гісторыя Слабудкі: на зломе эпох // Газэта «Раённыя будні» (Пружаны), 10 лютага 2014 г. Архіўная копія ад 10 лютага 2014 г. Праверана 20 кастрычніка 2017 г.
- ^ Станіслаў Шушкевіч. Пастанова Вярхоўнага Савета Рэспублікі Беларусь ад 18 сакавіка 1992 г. № 1530-XII «Аб Узброеных сілах Рэспублікі Беларусь» (рас.) // Партал «Банк законаў», 2010 г. Праверана 20 кастрычніка 2017 г.
- ^ Вячаслаў Кебіч. Пастанова Савета міністраў Рэспублікі Беларусь ад 6 траўня 1992 г. № 262 «Аб перападпарадкаваньні фармаваньняў Узброеных сілаў, якія дысьлякуюцца на тэрыторыі Рэспублікі Беларусь, Міністэрству абароны» (рас.) // Бачына «Беларускае заканадаўства», 16 студзеня 2007 г. Праверана 20 кастрычніка 2017 г.
- ^ Аляксандар Лукашэнка правёў шэраг кадравых прызначэньняў // Прэс-служба прэзыдэнта Рэспублікі Беларусь, 23 чэрвеня 2015 г. Праверана 20 кастрычніка 2017 г.
- ^ Прэзыдэнт зьдзейсьніў шэраг кадравых ракіровак ва Ўзброеных сілах // Эўрарадыё, 27 ліпеня 2007 г. Архіўная копія ад 27 ліпеня 2007 г. Праверана 20 кастрычніка 2017 г.
- ^ Райко звольнены з ваеннай службы ў запас па хваробе // Беларускае тэлеграфнае агенцтва, 2 траўня 2014 г. Праверана 20 кастрычніка 2017 г.
- ^ Ва Ўзброеных сілах Беларусі адбыліся кадравыя перастаноўкі // Эўрарадыё, 7 ліпеня 2014 г. Архіўная копія ад 7 ліпеня 2014 г. Праверана 20 кастрычніка 2017 г.
- ^ Тэлеканал «Беларусь 1». Андрэй Галь вызвалены з пасады кіраўніка Кітайска-беларускага індустрыяльнага парка «Вялікі камень» // Белтэлерадыёкампанія, 4 траўня 2016 г. Праверана 20 кастрычніка 2017 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |