Гарадзенская ГЭС
| Гарадзенская гідраэлектрастанцыя | |
 | |
| Краіна | Беларусь |
|---|---|
| Месцазнаходжаньне | Гарадзенскі раён |
| Пачатак будаўніцтва | 2008 (14 гадоў таму) |
| Пачатак эксплюатацыі | 31 жніўня 2012 (10 гадоў таму) |
| Кошт будаўніцтва | 118,4 млн даляраў ЗША |
| Уласьнік | Горадняэнэрга[1] |
| Эксплюатуючая арганізацыя | «Горадняэнэрга» |
| Тэхнічныя парамэтры | |
| На вадаёме | Нёман[1] |
| Генэруючая магутнасьць | 17 мэгаватаў |
| Месцазнаходжаньне | |
| Геаграфічныя каардынаты | 53° пн. ш. 23° у. д. / 53° пн. ш. 23° у. д.Каардынаты: 53° пн. ш. 23° у. д. / 53° пн. ш. 23° у. д. |
| Гарадзенская гідраэлектрастанцыя на мапе Беларусі   Гарадзенская гідраэлектрастанцыя | |
Гарадзенская ГЭС — 1-я ў Беларусі гідраэлектрастанцыя сярэдняй магутнасьці, запушчаная на Нёмане каля Шчачынава ў жніўні 2012 году.
Месьцілася вышэй па цячэньні за Горадню. Плошча вадасховішча перад плацінай складала каля 20 кв.км. Вызначаная магутнасьць — 17 мэгаватаў. Праектная гадавая выпрацоўка электраэнэргіі — 84,4 млн кіляват-гадзіна.
Узьвядзеньне[рэдагаваць | рэдагаваць крыніцу]
У траўніь 2008 году ў Гарадзенскім раёне пачалі ўзводзіць Гарадзенскую гідраэлектрастанцыю з агульным коштам праекту 131,26 млн рублёў у цэнах 1991 году «Гарадзенская ГЭС на р. Нёман Гарадзенскай вобласьці». Dадавая выпрацоўка электраэнэргіі мела скласьці 87,6 млн кВт-гадзіна[2].
31 жніўня 2012 году на Нёмане запусьцілі Гарадзенскую гідраэлектрастанцыю, якая стала 1-й у Беларусі ГЭС сярэдняй магутнасьці. Папярэдне на рацэ стварылі вадасховішча абсягам 2 млн кубамэтраў, якое адгарадзілі жалезабэтоннай плацінай. Агульную магутнасьць 17 мэгаватаў (МВт) выдавалі 5 чэскіх генэратараў «Мавэл» па 3,4 МВт кожны. Праектная гадавая выпрацоўка электраэнэргіі мела складаць 84,4 млн кіляват-гадзіна (кВт-гадз). Пры гэтым, за 2013 год атрымалі 91,7 млн кВт-гадз. Гэта адпавядала 25 300 тонам паліва і задавольвала патрэбу ў электрычнасьці насельніцтва Бераставіцкага, Гарадзенскага і Шчучынскага раёнаў. У сакавіку 2014 году кіраўнік Гарадзенскай ГЭС Уладзімер Шатэрнік паведаміў: «Атрыманьне за год такой колькасьці «чыстай» электраэнэргіі дазволіла краіне ня спальваць за сэзон 22,3 млн кубічіных мэтраў газу і скараціць выкід шкодных рэчываў у атмасфэру на 28 тонаў. Атрыманая эканомія па паліве дасягае 15 млн даляраў, бо сабекошт вытворчасьці энэргіі склаў па выніках году 2,6 цэнты ЗША за кВт-г». Будаўніцтва Гарадзенскай ГЭС каштавала 118,4 млн даляраў з акупнасьцю цягам каля 20 гадоў. Створанае для ГЭС вадасховішча мела плошчу каля 20 кв.км, даўжыню каля 44-х км і шырыню каля 1500 мэтраў. У выніку вадасховішча заняло землі ў межах паплавоў Нёману падчас веснавой паводкі, таму ўдалося пазьбегнуць затапленьня сельскагаспадарчых земляў, зносу пабудоваў і адсяленьня жыхароў. Пры гэтым, добраўпарадкавалі 3 кв.км закінутых земляў і пабудавалі мост з новай дарогай. Пад рыбаводзтва адвялі 105 гектараў. Сабекошт вадасховішча склаў 30 млн даляраў. Урэшце, Гарадзенскую ГЭС праектавалі і будавалі пераважна беларускія прадпрыемствы[3].
Крыніцы[рэдагаваць | рэдагаваць крыніцу]
- ^ а б https://zviazda.by/be/news/20140303/1393880108-energiya-efektyunasci
- ^ Тэндэр на закупку асноўнага абсталяваньня для Гарадзенскай ГЭС будзе аб’яўлены ў ліпені — пачатку жніўня // БелТА, 7 ліпеня 2007 г,(недаступная спасылка)
- ^ Сяргей Куркач. Энэргія эфэктыўнасьці // Зьвязда : газэта. — 4 сакавіка 2014. — № 40 (27650). — С. 5. — ISSN 1990-763x.
