ГЭС Паперня

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

ГЭС «Паперня»малая гідраэлектрастанцыя ў Пружанскім раёне Берасьцейскай вобласьці на рацэ Зэльвянка. Пабудавана ў 1946 годзе на сродкі мясцовых жыхароў, мела вызначаную магутнасьць 100 кВт, забясьпечвала электраэнэргіяй два дзясяткі навакольных вёсак. Зачынена ў сувязі з пускам Бярозаўскай ДРЭС. У 2006 годзе пасьля рэканструкцыі зноў ўведзена ў эксплюатацыю з вызначанай магутнасьцю 200 кВт (два агрэгаты на 100 кВт кожны), забясьпечвае электраэнэргіяй СПК ААТ «Зеляневічы» і суседнія вёскі.

Работы па рэканструкцыі пачаліся ў верасьні 2004 году. Работы выконваў ПМК-52 «Берасьцеводбуд», падчас земляных работ выпадкова былі знойдзеныя чалавечыя парэшткі, верагодна часоў Вялікай Айчыннай вайны. Далейшую працу зь імі праводзіў 52-і асобны спэцыялізаваны пошукавы батальён МА РБ, былі выяўлены парэшткі 6 чырвонаармейцаў, якія былі перазахаваныя з воінскай пашанай у брацкай магіле на вайсковых могілках у вёсцы Слабудка.