Беларускі саюз мастакоў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Беларускі саюз мастакоў
Абрэвіятура БСМ
Дата ўтварэньня 9 сьнежня 1938 (80 гадоў таму)
Юрыдычны статус Грамадзкае аб’яднаньне
Мэта Распаўсюд твораў мастацтва
Штаб-кватэра Менск, вул. Якуба Коласа, д. 29а
Старшыня Рыгор Сітніца
Першы намесьнік Аляксандр Дранец
Кіроўны орган Зьезд
Зьвязаныя кампаніі «Беларт», «Мастацтва-БСМ» (Гомель)
Колькасьць валянтэраў 1058 (2011)
Сайт www.belartunion.by
Колішняя назва Саюз мастакоў Беларусі (да 1992 году)

Белару́скі саю́з мастако́ў — грамадзкае аб’яднаньне мастакоў Беларусі, створанае ў 1938 годзе. Пры заснаваньні ў яго складзе адсутнічалі этнічныя беларусы ды налічвалася толькі 8 чальцоў[1]. БСМ ладзіць выставы твораў сваіх удзельнікаў, як і штогадовыя маладзёвыя выставы мастакоў-пачаткоўцаў[2]. У валоданьні аб’яднаньня знаходзіцца 300 майстэрняў[3]. З 28 лістапада 2007 году пасаду старшыні БСМ займаў Уладзімер Савіч[4]. З 28 сьнежня 2013 году пасаду старшыні БСМ займае Рыгор Сітніца[5].

Задачы[рэдагаваць | рэдагаваць крыніцу]

Задачамі БСМ зьяўляюцца:

  • стварэньне ўмоваў для плённай творчасьці мастакоў;
  • спрыяньне працы мастацтвазнаўцаў;
  • паляпшэньне побытава-жыльлёвых умоваў сябраў саюза;
  • ахова аўтарскіх правоў сябраў саюза;
  • супраца з творчымі саюзамі, установамі культуры, урадавымі ведамствамі ды грамадзкімі аб’яднаньнямі дзеля распаўсюду твораў сябраў сярод насельніцтва краіны;
  • захаваньне маёмасьці саюза.

Кіраваньне[рэдагаваць | рэдагаваць крыніцу]

  • Зьезд. Склікаецца прынамсі аднойчы на тры гады. Правамоцны пры наяўнасьці дзьвюх трацінаў абраных прадстаўнікоў. Ухваляе кірункі дзейнасьці ды Статут саюза, справаздачы Рады ды Рэвізійнае камісіі ды пастановы аб ператварэньні або самароспуску саюза. Абірае старшыню ды вызначае склад Рады й Рэвізійнае камісіі.
  • Рада. Зьбіраецца прынамсі двойчы на год. Вызначае выдаткі саюза ды памер сяброўскіх складак. Наглядае за выкананьнем пастановаў Зьезду ды ўхваляе прыём і выключэньне сябраў ды расцэнкі на іх творы, як і статуты падпарадкаваных установаў.
  • Прэзыдыюм. Зьбіраецца прынамсі штомесяц. Складаецца з старшыні, яго першага намесьніка, намесьніка па выставах ды кіраўнікоў падпарадкаваных установаў саюза. Ухваляе пастановы дзьвюма трацінамі галасоў ад поўнага складу. Прынамсі двойчы на год падае справаздачы ў Раду. Стварае, касуе ды ўхваляе статуты прадпрыемстваў саюза. Зацьвярджае кіраўнікоў прадпрыемстваў саюза ды вызначае памер выдаткаў на творчасьць сябраў і ўмовы іх узнагароджаньня.
  • Сакратарыят. Складаецца з старшыні, яго першага намесьніка ды намесьніка па выставах. Ладзіць узаеміны з урадам ды грамадзкімі аб’яднаньнямі. Рыхтуе парадак пасяджэньняў Зьезду, Рады й Прэзыдыюму.
  • Рэвізійная камісія. Зьбіраецца прынамсі штоквартал. Наглядае за выкананьнем статутаў ды пастановаў саюза, як і за адказамі выбраных установаў саюза на заявы ды скаргі сябраў. Паведамляе аб выніках праверак у Раду ды Прэзыдыюм і прапануе захады па выпраўленьні выяўленых парушэньняў.

Прадпрыемствы[рэдагаваць | рэдагаваць крыніцу]

БСМ валодае прадпрыемствамі: «Беларт», «Галерэя мастацтва», «Камбінат дэкаратыўна-прыкладнога мастацтва ім. А. М. Кішчанкі» (Барысаў, Менская вобласьць), «Мастацкі камбінат», «Мастацтва» (Берасьце, Віцебск ды Горадня), «Мастацтва-БСМ» (Гомель), «Рэспубліканская мастацкая галерэя» ды «Скульптурны камбінат».

Сэкцыі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Сяргей Харэўскі. (1 сьнежня 2008) Вельмі круглая дата Культура. Наша НіваПраверана 19 ліпеня 2011 г.
  2. ^ Маладзёвая-2011. Look.by (3 сакавіка 2011). Праверана 19 ліпеня 2011 г.
  3. ^ Менскіх мастакоў выселяць на вуліцу Культура. Хартыя’97 (14 траўня 2008). Праверана 19 ліпеня 2011 г.
  4. ^ Зьміцер Панкавец. (28 лістапада 2007) Уладзімер Савіч — новы старшыня Саюзу мастакоў Культура. Наша НіваПраверана 19 ліпеня 2011 г.
  5. ^ Нікіта Капкоў. Новым главой Союза художников избран Рыгор Ситница(рас.). Наша НіваПраверана 24 сьнежня 2013 г.

Вонкавыя спасылкі[рэдагаваць | рэдагаваць крыніцу]