Арлен Кашкурэвіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Арлен Кашкурэвіч
Arlen Kashkurevich Photo by Eugeny Kolchev.jpg
Арлен Кашкурэвіч. 8 лютага 2013 г.
Імя пры нараджэньні Арсен Міхайлавіч Кашкурэвіч
Дата нараджэньня 15 верасьня 1929(1929-09-15)
Месца нараджэньня Менск, БССР
Дата сьмерці 26 жніўня 2013(2013-08-26) (83 гады)
Месца сьмерці Менск, Беларусь
Месца пахаваньня Усходнія могілкі
Грамадзянства СССР
СССР
Адукацыя БДТМІ
Альма-матэр Беларуская дзяржаўная акадэмія мастацтваў
Занятак мастак
Працы сэрыя «Партызаны» (1969—1970)
Узнагароды Дзяржаўная прэмія Беларусі (1972)

Арле́н Міха́йлавіч Кашкурэ́віч (Арсен; 15 верасьня 192926 жніўня 2013[1]) — беларускі мастак-графік. Народны мастак Беларусі (1973)[2]. Ляўрэат Дзяржаўнай прэміі Беларусі (1972), Заслужаны дзяяч мастацтваў Рэспублікі Беларусь.

Біяграфія[рэдагаваць | рэдагаваць крыніцу]

Нарадзіўся 15 верасьня 1929 году ў сям’і службоўца. У Вялікую Айчынную вайну ў эвакуацыі ў Саратаве. У 1953 годзе скончыў Менскую мастацкую вучэльню[3]1959 годзе скончыў аддзяленьне графікі Беларускага Дзяржаўнага тэатральна-мастацкага інстытуту. Дыплёмная праца — ілюстрацыі да раману ісьляндзкага пісьменьніка Г. Лякснэса «Атамная станцыя». Ад 1959 да 1969 г. выкладаў у гэтым інстытуце. Сябра Саюзу мастакоў СССР, Беларускага саюзу мастакоў. Працаваў ў жанры станковай графікі, афармляе кнігі. Прафэсар-візытатар ЭГУ. Уладальнік дзясяткаў міжнародных і нацыянальных прэміяў за кніжнае афармленьне[4]. Працы экспанаваліся ў шматлікіх краінах сьвету. Памёр 26 жніўня 2013 году, пахаваны на Ўсходніх могілках Менску[5].

Творчасьць[рэдагаваць | рэдагаваць крыніцу]

Сярод працаў станковай графікі:

  • сэрыя «Горад і людзі» (1963—1964)
  • сэрыя «Партызаны» (1969—1970)
  • сэрыя «Купаліяна» (на аснове вобразаў твораў Янкі Купалы, 1971)
  • сэрыя «Блякада» (1979)
  • «Прысьвячэньне В. Быкаву» (трыпціх, 1984)
  • «Спрадвечнае» (трыпціх, 1984)
  • «Напалм» (дыпціх, 1985)
  • сэрыя «Асьветнікі» (1989)
  • сэрыя «Сьвятыя зямлі Беларускай» (ад 1993)

Ілюстрацыі

  • Біблейскія кнігі «Найвышэйшая песьня Салямонава», «Эвангельле паводле Лукі», «Апакаліпсіс».
  • Апавяданьне «Курган» Янкі Купалы (1967).
  • Раман «Авадзень» Э.Войніч (1968).
  • Раман «Каласы пад сярпом тваім» Уладзімера Караткевіча (1968).
  • Раман «Дзікае паляваньне караля Стаха» Уладзімера Караткевіча (1983).
  • Паэма «Песьня пра зубра» Міколы Гусоўскага (у перакладзе на беларускую мову 1973).
  • «Чазенія» Уладзімера Караткевіча.
  • «Ладзьдзя роспачы» Уладзімера Караткевіча.
  • Драма «Фауст» Гётэ (1976).
  • Аповесьць «Карнікі» Алеся Адамовіча.
  • Кніга «Рандэву на манэўрах» Уладзімера Арлова.

Партрэты гістарычных дзеячаў Беларусі (Міндоўга, Жыгімонта Старога ды іншых).

Ілюстрацыі выкананыя ў тэхніцы афорту, лінагравюры ды эстампу. За сэрыі станковых працаў «Партызаны» ды «Купаліяна» ў 1972 годзе ўзнагароджаны Дзяржаўнай прэміяй Беларусі.

Выставы

  • 2007 «Разам» (супольная, Менск)
  • 2005 «Concerto Grosso» (пэрсанальная, Менск)
  • 1987 Графіка А. Кашкурэвіча (пэрсанальная, Полацак)

Асабістае жыцьцё[рэдагаваць | рэдагаваць крыніцу]

Жонка — Людміла Аляксандраўна Красьнеўская-Кашкурэвіч, сыны Ігар ды Тодар таксама мастакі[6].

Крыніцы[рэдагаваць | рэдагаваць крыніцу]

  1. ^ Панкавец, Зміцер. Памёр мастак Арлен Кашкурэвіч // Наша Ніва, 27 жніўня 2013 г. Праверана 28 жніўня 2013 г.
  2. ^ Беларуская энцыклапедыя: У 18 т. Т. 8: Канто — Кулі / Рэдкал.: Г.П. Пашкоў і інш. — Менск: БелЭн, 1999. — 576 с.: іл. ISBN 985-11-0144-3
  3. ^ Пётра Васілеўскі. Urbi et orbi — гораду і сьвету. // Дзеяслоў №3(16),2005
  4. ^ Артыкул «Ісландскі след у творчасці Арлена Кашкурэвіча» у Блогу Дзьмітра і Юлі Гурневічаў
  5. ^ Арлена Кашкурэвіча пахавалі на Ўсходніх могілках // Радыё Свабода, 28 жніўня 2013 г. Праверана 28 жніўня 2013 г.
  6. ^ Барыс Крэпак. «Складаны просты сьвет» Арлена Кашкурэвіча. БДГ. 13 верасьня 1999.

Літаратура[рэдагаваць | рэдагаваць крыніцу]