Рыгор Сітніца

Рыгор Сітніца
	Рыгор Сітніца
Дата нараджэньня	1 студзеня 1958 (66 гадоў)
Месца нараджэньня	Курыцічы[d], Сьмятаніцкі сельсавет[d], Петрыкаўскі раён, Гомельская вобласьць, БССР, СССР;
Месца вучобы	Гімназія-коледж мастацтваў імя І. В. Ахрэмчыка[d] (1976); Беларускі дзяржаўны тэатральна-мастацкі інстытут (1982);
Занятак	маляр, паэт, графік, прафэсар унівэрсытэту
Навуковая сфэра	графіка[d] і паэзія
Месца працы	Беларуская дзяржаўная акадэмія мастацтваў;
Сябра ў	Беларускі саюз мастакоў
Узнагароды	Залаты апостраф (2006)
	Рыгор Сітніца ў Вікісховішчы

Рыго́р Сямё́навіч Сі́тніца (нар. 1 студзеня 1958, Курыцічы, Петрыкаўскі раён, Гомельская вобласьць) — беларускі графік, паэт. Ляўрэат літаратурнай прэміі «Залаты апостраф» (2006).

Біяграфія

Нарадзіўся 1 студзеня 1958 году ў в. Курыцічы Петрыкаўскага раёну Гомельскай вобласьці. Пасьля заканчэньня шостай клясы сярэдняй школы на радзіме, па рэкамэндацыі настаўніка Івана Маліноўскага перавёўся вучыцца ў Менск, у Рэспубліканскую школу-інтэрнат па выяўленчым мастацтве і музыцы імя І. Ахрэмчыка, якую скончыў у 1976 годзе. Пасьля паступіў на аддзяленьне графікі Беларускага тэатральна-мастацкага інстытуту, які скончыў у 1982 годзе. Вучыўся ў В. П. Шаранговіча.

З 1980 году прымае ўдзел ў рэспубліканскіх, замежных і міжнародных мастацкіх выставах і літаратурных імпрэзах. З 1983 году выкладае ў Беларускім каледжы мастацтваў. Выкладаў таксама ў Беларускай акадэміі мастацтваў.

У 1985 годзе стаў сябрам Беларускага саюзу мастакоў, а ў 2007 годзе — першым намесьнікам грамадзкага аб’яднаньня «Беларускі саюз мастакоў». У 2013 годзе абраны кіраўніком Беларускага саюзу мастакоў.

Творчасьць

Творы мастака знаходзяцца ў фондах наступных музэяў і збораў:

Нацыянальны мастацкі музэй Рэспублікі Беларусь,
Мастацкі фонд Беларускага саюзу мастакоў,
Музэй сучаснага выяўленчага мастацтва,
Літаратурны музэй Максіма Багдановіча,
Дзяржаўны літаратурны музэй Янкі Купалы,
Дзяржаўны музэй гісторыі Вялікай Айчынай вайны,
Магілёўскі абласны мастацкі музэй імя Паўла Масьленікава,
Гісторыка-культурны музэй-запаведнік «Заслаўе»,
Мастацкі збор Царквы Сьвятых Апосталаў Пятра і Паўла ў Менску,
Музэй і асяродак беларускай культуры ў Гайнаўцы (Польшча),
Муніцыпальны мастацкі цэнтар гораду Бельска-Бяла (Польшча),
Прыватны збор — калекцыя графікі Франса Салеса Грыля ў Мюнхене^[2],
Манастыр Сьвятога Георга на грэцкім востраве Касас, дзе мастак быў на плэнэры.
Мастацкі збор Міністэрства марскога гандлю Грэцыі^[3].

Рыгор Сітніца вядомы таксама як паэт і публіцыст. Яго творы друкаваліся ў Беларусі ў часопісах «Полымя» і «Дзеяслоў», а таксама за мяжой. Зьяўляецца ляўрэатам літаратурных прэмій «Полымя» (2001) і «Залаты апостраф» (2006).

Узнагароды

Крыніцы

[_f8f52c61322ecc90-1] а ^б Sìtnìca, Ryhor Sjamenavìč // Нацыянальная служба Чэскай рэспублікі

[2] Рыгор Сітніца

[3] «Гаспо́да. Суб’ектыўная рэчаіснасць». Выстаўка Рыгора Сітніцы ў Нацыянальным мастацкім музеі

[nagrady-4] а ^б Узнагароды Беларусі: Сітніца Рыгор Сямёнавіч

[1]

[2]

[3]

[4]