Павал Масьленікаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Павал Масьленікаў
Pavel Maslenikov 100 let moneta.jpg
Імя пры нараджэньні Павал Васільевіч Масьленікаў
Дата нараджэньня 14 лютага 1914
Месца нараджэньня в. Нізкая Вуліца, Княжыцкая воласьць, Магілёўскі павет, Расейская імпэрыя
Дата сьмерці 6 верасьня 1995
Месца сьмерці в. Княжыцы, Шклоўскі раён, Магілёўская вобласьць, Беларусь
Грамадзянства Расейская імпэрыя
Расейская імпэрыя
Расейская імпэрыя
Адукацыя Віцебскае мастацкае вучылішча (1938)
Альма-матэр Віцебскае народнае мастацкае вучылішча і Інстытут жывапісу, скульптуры і архітэктуры імя Рэпіна
Занятак жывапіс
Працы «На ўскраіне Менскай» (1963), «На Вячы» (1971)
Узнагароды
Ордэн «Знак Пашаны»
Вікіпэдыя мае артыкулы пра іншых асобаў з прозьвішчам Масьленікаў.

Павал Масьленікаў (14 лютага 1914, вёска Нізкая вуліца, цяпер Магілёўскі раён — 6 верасьня 1995, в. Княжыцы, Шклоўскі раён) — беларускі мастак, жывапісец, мастацтвазнаўца, пэдагог. Заслужаны дзеяч мастацтва БССР (1954). Народны мастак Беларусі (1994).

Біяграфія[рэдагаваць | рэдагаваць крыніцу]

Нарадзіўся 14 лютага 1914 ў вёсцы Нізкая вуліца (Магілёўскі павет), недалёка ад в. Княжыцы.

Адукацыя[рэдагаваць | рэдагаваць крыніцу]

Скончыў Віцебскую мастацкую вучэльню (1938) і Інстытут жывапісу, скульптуры, архітэктуры ім. В. Рэпіна ў Ленінградзе (1953). У 1953—1957 гадах навучаўся ў асьпірантуры Інстытуту мастацтвазнаўства, этнаграфіі і фальклёру Акадэміі Навук БССР без адрыву ад вытворчасьці.

Праца і творчасьць[рэдагаваць | рэдагаваць крыніцу]

З 1938 году працаваў у Дзяржаўным тэатры оперы і балету Беларусі.

У 1941—1945 гадах удзельнічаў у Вялікай Айчыннай вайне. З 1946 па 1960 гады працаваў мастаком-пастаноўшчыкам у Дзяржаўным тэатры опэры і балету. З 1960 па 1964 гады займаў пасаду рэктара Беларускага тэатральна-мастацкага інстытута. У 1965—1967 гг. кіраваў майстэрняй тэатральных мастакоў БДТМІ.

З 1967 па 1979 гг. — загадчык катэдры мастацкага афармленьня тканін і вырабаў зь іх.

Займаўся афармленьнем спэктакляў у Беларускім тэатры імя Я. Купалы.

Аўтар пэйзажаў: «Жнівень» (1953), «Хвоі» (1956), «Перад цьвіценьнем» (1957), «Золата бярозы» (1959), «Пачатак вясны» (1961), «Беларускі пэйзаж» і «На ўскраіне Менскай» (1963), «Над возерам» і «Абуджэньне» (1969), «Азёрны край» (1970), «На Вячы» (1971), сэрыі «Па родным краі» і «Алтайскі цыкл» (1972), «На раўнінах Палесься» (1980) і іншыя.

Аўтар манаграфіі «Беларускі савецкі тэматычны жывапіс» (1962), адзін з аўтараў «Гісторыі беларускага мастацтва» (т. 4-6, 1990—1994).

У 1978 годзе выйшаў на пэнсію.

У 1994 годзе ў Магілёўскім абласным мастацкім музэі адкрыта карцінная галерэя Масьленікава, а з 1997 году музэй носіць імя мастака, побач з музэем усталяваны яго бюст працы скульптара У. Лятуна.

Памёр 6 верасьня 1995 году ў вёсцы Княжыцы Гарадзецкага сельсавета (Шклоўскі раён, Магілёўская вобласьць).

Галерэя[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • История Могилёва: Мультимедийный проект// Беляева Г. Н., СШ № 34: Разработка и дизайн МГКУП «ЦГИС», 2006—2010. DVD

Вонкавыя спасылкі[рэдагаваць | рэдагаваць крыніцу]

Commons-logo.svg Павал Масьленікаўсховішча мультымэдыйных матэрыялаў