Бачэшнікі

Бачэшнікі лац. Bačešniki
Хата ў вёсцы
Краіна:	Беларусь
Вобласьць:	Гарадзенская
Раён:	Івейскі
Сельсавет:	Лаздунскі
Насельніцтва:	100 чал. (2009)
Часавы пас:	UTC+3
Тэлефонны код:
Паштовы індэкс:	231337
СААТА:	4229820011
Нумарны знак:	4
Геаграфічныя каардынаты:	53°58′58″ пн. ш. 25°56′34″ у. д.
Бачэшнікі на мапе Беларусі ± Бачэшнікі Бачэшнікі
Галерэя здымкаў у Вікісховішчы

Бачэ́шнікі — вёска ў Лаздунскім сельсавеце Івейскага раёну Гарадзенскай вобласьці.

Гісторыя

У XVII стагодзьдзі сяло і маёнтак у Дудзкім старостве Ашмянскага павету Віленскага ваяводзтва. У 1690 г. у маёнтку 2 дымы, уласнасьць Хрыстафора Гарбачэўскага. У 1735 г. адносіліся да Трабскай парафіі. У 1789 г. у сяле 23 дымы, 201 валока зямлі, каралеўская дзяржава. Двор Бачэшнікі на той час аб’ядноўваў жылы дом, бровар, гумно, абору, хлявы, стайню, вазоўню, адрыну і іншыя гаспадарчыя пабудовы. Уласнасьць М. Абуховіча.

У 2-й палове XIX — пачатку XX ст. вёска і фальварак у Юрацішкаўскай воласьці Ашмянскага павету Віленскай губэрні. У 1861 г. 79 рэвіскіх душ, дзяржаўная ўласнасьць. У 1901 г. адкрыта школа граматы. У 1905 г. 330 жыхароў, 343 дзесяціны зямлі, у фальварку (належаў Швяйкоўскаму) 9 жыхароў, 68 дзесяцін зямлі.

У 1921—1939 гг. у Юрацішкаўскай гміне Валожынскага павету Наваградзкага ваяводзтва Польшчы. У 1921 г. у вёсцы 60 двароў, 283 жыхары, у фальварку 1 двор, 5 жыхароў.

3 12 кастрычніка 1940 г. вёска (95 двароў, 454 жыхары), цэнтар сельсавету Юрацішкаўскага раёну. Працавалі пачатковая школа, хата-чытальня. 3 чэрвеня 1941 г. да ліпеня 1944 г. акупаваная нямецкімі захопнікамі.

3 16 ліпеня 1954 г. у Лаздунскім сельсавеце. 3 20 студзеня 1960 г. у Івейскім раёне. У 1970 г. 335 жыхароў. Працаваў клюб, крама. Пасьля ў складзе калгасу імя С. М. Кірава. У 1999 г. 72 двары, 159 жыхароў.

Вёска знаходзіцца ў зоне радыяцыйнага кантролю.

Насельніцтва

• 2009 год — 100 чалавек
• 1999 год — 159 чалавек

Інфармацыя для турыстаў

Капліца

• Прыдарожная каплічка

Вонкавыя спасылкі

• Бачэшнікі , Radzima.org
• Бачэшнікі на Віртуальнай Івейшчыне