Баранавіцкая транспартная пракуратура
| Баранавіцкая транспартная пракуратура | |
| Даведка | |
|---|---|
| Папярэднік | Баранавіцкая тр. пр-ра БССР |
| Наступнік | Берасьцейская тр. пр-ра |
| Дата ўтварэньня | 27 ліпеня 1991 (33 гады таму) |
| Дата спыненьня існаваньня | 1 ліпеня 2017[1] |
| Задача | 1) перадача карных і грамадзянскіх справаў у суд, 2) удзел у судзе дзяржаўным абвінаваўцам |
| Сядзіба | 225320 Беларусь, м. Баранавічы, вул. Даватара, 2а |
| Дзейнічае ў месцах | Берасьцейская вобласьць |
| Службовыя мовы | расейская беларуская |
| Управа | Пр-ра Берасьцейскае в-сьці |
| Галоўная ўправа | Ген. пракуратура |
| Зьвязаныя службы | суд СК РБ міліцыя ДПК РБ КДБ РБ Адвакатура |
| Старонка ў сеціве | Старонка ў сеціве |
Баранавіцкая транспартная пракуратура[2] — земская ўправа ў Берасьцейскае вобласьці, якая існавала з распадам СССР. Прыпыніла існаваньне 1 ліпеня 2017[3][4].
Вышэйшая ўстанова:
- Беларуская транспартная пракуратура з 1991 па 1 сьнежня 2014 г.[5]
- Пракуратура Берасьцейскае вобласьці з 1 сьнежня 2014 па 1 ліпеня 2017[6].
Пракуратура знаходзілася ў месцы: 225320 Беларусь, м. Баранавічы, вул. Даватара, 2а.
Назва
[рэдагаваць | рэдагаваць крыніцу]Назва ўправы ня мае адрозьненьня ад правапісу:
| Сьцяг | Правапіс | Назва |
.svg){kind=small}
|
Тарашкевіца | Баранавіцкая транспартная пракуратура |
.svg){kind=small}
|
Наркамаўка | Баранавіцкая транспартная пракуратура |
Дзейнасьць
[рэдагаваць | рэдагаваць крыніцу]Транспартная пракуратура назірала за выкананьнем права на беларускае чыгунцы. Галоўныя веды аб правапарушэньнях браліся з транспартнае міліцыі (аддзел унутраных спраў на транспарце). Сьледзтва аб злачынствах вядзе мясцовы аддзел сьледчага камітэту Беларусі. Па асобных карных справах могуць весьці карную справу КДБ і ДПК, а потым перадаць пракуратуры для далейшае перадачы карнае справы ў суд.
Права
[рэдагаваць | рэдагаваць крыніцу]У адпаведнасьці з артыкулам 4 Закона Рэспублікі Беларусь "Аб пракуратуры Рэспублікі Беларусь" ад 8 траўня 2007 г. №220-З задачамі пракуратуры зьяўляюцца[7]:
- забесьпячэньне вяршэнства права, законнасьці й правапарадку,
- абарона правоў і законных інтарэсаў грамадзян і грамадаў, а таксама грамадзкіх і дзяржаўных інтарэсаў.
У мэтах выкананьня гэтых задач пракуратура ажыцьцяўляла нагляд за:
- дакладным і аднастайным выкананьнем законаў, дэкрэтаў, указаў і іншых нарматыўных прававых актаў дзяржаўнымі органамі кіраваньня і іншымі дзяржаўнымі арганізацыямі, падпарадкаванымі Савету Міністраў Рэспублікі Беларусь, мясцовымі прадстаўнічымі, выканаўчымі і распарадчымі органамі, грамадзкімі абьяднаньнямі, рэлігійнымі арганізацыямі і іншымі арганізацыямі, службовымі асобамі і іншымі грамадзянамі, у тым ліку індывідуальнымі прадпрымальнікамі;
- выкананьнем заканадаўства пры ажыцьцяўленьні апэратыўна-вышуковае дзейнасьці;
- выкананьнем закона падчас дасудовае вытворчасьці, пры вытворчасьці папярэдняга сьледзтва і дазнаньні;
- адпаведнасьцю закону судовых пастаноў, а таксама за выкананьнем заканадаўства пры іх выкананьні;
- выкананьнем заканадаўства пры выкананьні пакараньня і іншых мер карнае адказнасьці, а таксама мер прымусовага характару.
Пракуратура павінна правіць праваахоўнаю дзейнасьцю дзяржаўных органаў, якія ажыцьцяўляюць барацьбу са злачыннасьцю і карупцыяю, а таксама дзейнасьць па барацьбе са злачыннасьцю іншых арганізацыяў, якія ўдзельнічаюць у барацьбе са злачыннасьцю, дзейнасьць па папярэджаньню правапарушэньняў.
Пракуратура праводзіла папярэдняе сьледзтва ў выпадках, прадугледжаных Крымінальна-працэсуальным кодэксам Рэспублікі Беларусь.
Пракуроры прымаюць удзел у разглядзе судамі грамадзянскіх спраў, спраў, зьвязаных з ажыцьцяўленьнем прадпрымальніцкае і іншай гаспадарчае (эканамічнае) дзейнасьці, падтрымліваюць дзяржаўнае абвінавачаньне па карных справах, удзельнічаюць у адміністрацыйным працэсе.
Сьпіс законаў
[рэдагаваць | рэдагаваць крыніцу]Пракуратура дзейнічае ў адпаведнасьці з наступнымі законамі:
- Грамадзянска-працэсуальны кодэкс Рэспублікі Беларусь,
- Гаспадарча-працэсуальны кодэкс Рэспублікі Беларусь,
- Крымінальна-працэсуальны кодэкс Рэспублікі Беларусь,
- Працэсуальна-выканаўчы кодэкс Рэспублікі Беларусь аб адміністрацыйных правапарушэньнях.
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ Указ Прэзыдэнта Рэспублікі Беларусь ад 31 траўня 2017 г. № 200
- ^ Дзеяпіс станаўленьня транспартнае пракуратуры Беларусі. Пракуратура Беларусі. Праверана 1 студзеня 2022 г.
- ^ Ліквідацыя пракуратуры. Аршанскі рэгіянальны партал. Праверана 1 студзеня 2022 г.
- ^ Указ Прэзыдэнта Рэспублікі Беларусь ад 31 траўня 2017 г. № 200
- ^ Указ Прэзыдэнта Рэспублікі Беларусь ад 1 кастрычніка 2014 г. № 463 "Аб ліквідацыі Беларускае транспартнае пракуратуры"
- ^ Указ Прэзыдэнта Рэспублікі Беларусь ад 31 траўня 2017 г. № 200
- ^ Закон Рэспублікі Беларусь "Аб пракуратуры Рэспублікі Беларусь" ад 8 траўня 2007 г. №220-З. Генэральная пракуратура Рэспублікі Беларусь. Праверана 1 студзеня 2022 г.