Аляксандар Астрамовіч

Зьвесткі зь Вікіпэдыі — вольнай энцыкляпэдыі
(Перанакіравана з «Андрэй Зязюля»)
Перайсьці да навігацыі Перайсьці да пошуку

Алякса́ндар Астрамо́віч (псэўданім Андрэй Зязюля; 7 сьнежня 1878, вёска Навасады (цяпер Ашмянскі раён) — 17 студзеня 1921) — беларускі каталіцкі сьвятар, паэт.

Жыцьцяпіс[рэдагаваць | рэдагаваць крыніцу]

Скончыў павятовую школу ў Ашмянах. Служыў у войску. У 1905—1910 вучыўся ў каталіцкай духоўнай сэмінарыі ў Пецярбургу, дзе ўсьвядоміўся як беларус. Служыў ксяндзом у мястэчках Трабы (цяпер Іўеўскі раён) (тут пачаў гаварыць касьцельныя казаньні па-беларуску), Ракаў, Новы Сьвержань, Аннопаль, Сьмілавічы, Сянно. Перасьледаваўся касьцельнымі ўладамі за прыхільнасьць да роднага слова, два гады быў без парафіі. Актыўна ўдзельнічаў у грамадзкім жыцьці Беларусі. Удзельнік зьезду беларускага каталіцкага духавенства ў Менску (1917).

Творчасьць[рэдагаваць | рэдагаваць крыніцу]

Друкаваў вершы з 1909 (у газэтах «Наша Ніва», «Biełarus», «Krynica», «Вольная Беларусь», «Świetač», «Белорусская рада», «Беларускае жыццё». Выдаў зборнік паэзіі «З роднага загону» (Вільня, 1913, 2-ое дапоўненае выданьне 1931), паэму «Слова праўды аб мове і долі беларуса» (Прага, 1917). Выйшла ягонае вершаванае апавяданьне «Аленчына вясельле» (Вільня, 1923). Зьбіраў народныя песьні, якія разам з запісамі Антона Грыневіча склалі зборнік «Беларускія песьні з нотамі» Т. 2. (Пецярбург, 1912).

Літаратура[рэдагаваць | рэдагаваць крыніцу]

  • Віцьбіч Ю. Бог і Бацькаўшчына: 1878—1968. У 90-я ўгодкі ад нараджэньня Андрэя Зязюлі // Божым шляхам. 1968. № 6. С. 12—15.
  • Гэрмановіч Я. Мае прыяцелі: Аляксандар Астрамовіч (Андрэй Зязюля) 26.ХІ.1878 — 17.І.1921 // Божым шляхам. 1965. № 2. С. 6—7.
  • Саламевіч Я. Паэт-святар Андрэй Зязюля // Беларуская мова і літаратура ў школе. 1991. № 7—8. С. 140—144.
  • Х. М-а. Замест вянка на магілу Андрэя Зязюлі // Божым шляхам. 1951. № 3. С. 10—12.
  • Шаставец У. Крыж і церні жыцця: Андрэй Зязюля // Полымя. 1999. № 4. С. 285—296.

Вонкавыя спасылкі[рэдагаваць | рэдагаваць крыніцу]