Парэцкі раён (Беластоцкая вобласьць)
| Парэцкі раён | |
| Агульныя зьвесткі | |
|---|---|
| Краіна | |
| Статус | раён Беларусі і былая адміністрацыйна-тэрытарыяльная адзінка[d] |
| Адміністрацыйны цэнтар | Парэчча |
| Дата ўтварэньня | 15 студзеня 1940 |
| Дата скасаваньня | 25 лістапада 1940 |
| Месцазнаходжаньне | |
.svg)
| |
 Дадатковыя мультымэдыйныя матэрыялы | |
Парэ́цкі раён — адміністрацыйна-тэрытарыяльная адзінка ў складзе Беластоцкай вобласьці БССР. Адміністрацыйны цэнтар — мястэчка (афіцыйна — вёска) Парэчча.
Гісторыя
[рэдагаваць | рэдагаваць крыніцу]Быў створаны 15 студзеня 1940 году. Тэрыторыя раёну складала 1405 км² з насельніцтвам 21 500 чалавек.
12 кастрычніка 1940 году раён падзелены на 1 пасялковы (Друскеніцкі) і 10 сельскіх саветаў (Берштаўскі, Друскеніцкі, Ліхачаўскі, Марцінканцаўскі, Мошчніцкі, Наварудзкі, Парэцкі, Плябанішкаўскі, Прывалкаўскі, Шгелярскі).
На поўначы раён межаваў зь незалежнай Летувіскай Рэспублікай.
У другой палове 1940 году частка раёну разам з Друскенікамі была перададзеная новаўступілай у Савецкі Саюз Летувіскай ССР. Друскеніцкі, Марцінканцаўскі, Мошчніцкі і Шгелярскі сельсаветы ўвайшлі ў склад Аліцкага павету.
У выніку 25 лістапада 1940 году раён быў скасаваны, а пазасталая частка была падзеленая паміж Гарадзенскім (Ліхачоўскі, Парэцкі, Плябанішкаўскі і Прывалкаўскі сельсаветы) і Скідзельскім (Берштаўскі і Наварудзкі сельсаветы) раёнамі.
Літаратура
[рэдагаваць | рэдагаваць крыніцу]- Памяць: Гіст.-дакум. хроніка Гродзенскага р-на. — Мн.: БелЭн, 1993. — 431 с.: іл. ISBN 5-85700-084-Х. С. 115
- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2001. — Т. 12: Палікрат — Праметэй. — 576 с. — ISBN 985-11-0198-2 С. 157
- Адміністрацыйна-тэрытарыяльны падзел Беларусі / Склад. М.І. Камінскі. — Мн.: Беларуская савецкая энцыклапедыя, 1985. — 100 с. — (Энцыклапедычная бібліятэчка «Беларусь»). С. 65