Олі Ўоткінз
| Олі Ўоткінз | ||
_(cropped).jpg)
| ||
| Пэрсанальная інфармацыя | ||
|---|---|---|
| Нарадзіўся | 30 сьнежня 1995[1] (28 гадоў) | |
| Рост | 180 см | |
| Вага | 70 кг | |
| Пазыцыя | нападнік | |
| Клюбная інфармацыя | ||
| Клюб | Астан Віла | |
| Нумар | 11 | |
| Клюбы | ||
| Гады | Клюб | Гульні (галы)¹ |
| 2014—2017 2014—2015 2017—2020 2020— |
Экзэтэр Сіці → Ўэстан (арэнда) Брэнтфард Астан Віла |
71 (23) 0 (0) 135 (46) 150 (61) |
| Зборныя | ||
| 2021— | Ангельшчына | 15 (4) |
|
¹ Колькасьць гульняў і галоў за прафэсійны клюб лічыцца толькі | ||
Олівэр Джордж Артур Ўоткінз (па-ангельску: Oliver George Arthur Watkins; нар. 30 сьнежня 1995 году) — ангельскі футбаліст, нападнік «Астан Віла» і нацыянальнай зборнай Ангельшчыны.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Ўоткінз ёсьць выхаванцам акадэміі «Эксэтэр Сіці». У складзе каманды і дэбютаваў у Другой лізе ў матчы сэзону 2013—2014 гадоў супраць «Гартэлпул Юнайтэду». 8 сьнежня 2014 году паданік на час арэнды далучыўся да нялігавага клюбу «Ўэстан-сьюпэр-Мэр», дзе цягам апошняй часткі сэзону здолеў улучыць 10 галоў за 24 матчы. Па вяртаньні з арэнды Ўоткінзу было цяжка змагацца за месца ў складзе, у выніку чаго свой першы матч сэзону згуляў у канцы кастрычніка, а ў пачатковым складзе першы раз зьявіўся 6 сьнежня на дэванскім дэрбі супраць клюбу «Плімут Аргайл». Да сакавіка 2016 году гулец, нарэшце, здабыў месца ў першай адзінаццатцы. Наступны сэзон футбаліст быў адным з ключавых.
18 ліпеня 2017 году Ўоткінз далучыўся да клуба з Чэмпіёншыпу «Брэнтфарду» паводле працоўнай угоды на чатыры гады[2]. Паводле чутак за гэтае падпісаньне брэнтфардцы выклалі блізу 1,8 мільёнаў фунтаў стэрлінгаў[3]. Свой першы гол у новай камандзе нападнік забіў 8 жніўня падчас іх матчу першага раўнду Кубка лігі супраць «Ўімбэлдану». Праз два гады Ўоткінз склаў новы кантракт з клюбам, які меўся доўжыцца чатыры гады[4].
9 верасьня 2020 году Ўоткінз далучыўся да клюбу Прэм’ер-лігі «Астан Вілы», склаўшы пяцігадовы кантракт[5]. Бірмінггэмцы выдаткавалі 28 мільёнаў фунтаў стэрлінгаў[6]. «Эксэтэр Сіці» зарабіў на гэтым трансфэры 4 мільёны фунтаў стэрлінгаў ды яшчэ 750 тысячаў фунтаў[7]. 15 верасьня згуляў у кашулі новага клюбу ў матчы Кубка лігі, а праз шэсьць дзён запачаткаваў выступы ў найвышэйшай лізе Ангельшчыны ў матчы супраць «Шэфілд Юнайтэду». 4 кастрычніка гулец тройчы ўлучыў мячы ў браму «Лівэрпулу» ў хатнім пераможным матчы, які скончыўся зь лікам 7:2. 25 лютага 2023 году Ўоткінз забіў гол у сваім пятым запар матчы Прэм’ер-лігі, стаўшы першым гульцом «Астан Вілы», які здолеў дасягнуць такога паказьніка[8]. Сэзон 2023—2024 гадоў ангелец скончыў з 19 галамі ў Прэм’ер-лізе на сваім рахунку.
Міжнародная
[рэдагаваць | рэдагаваць крыніцу]18 сакавіка 2021 году Ўоткінз быў уключаны ў склад зборнай Ангельшчыны Гарэтам Саўтгейтам на адборачныя матчы да чэмпіянату сьвету 2022 году супраць зборных Сан-Марына, Альбаніі і Польшчы[9]. 25 сакавіка нападнік дэбютаваў у зборнай, выйшаўшы на замену ў другім тайме ў матчы супраць зборнай Сан-Марына на Ўэмблі.
Крыніцы
[рэдагаваць | рэдагаваць крыніцу]- ^ а б в Ollie Watkins // Transfermarkt (мн.) — 2000.
- ^ «Brentford sign Ollie Watkins». Brentford F.C.
- ^ «Brentford agree £1.8m deal to sign Exeter striker Ollie Watkins». Sky Sports.
- ^ «Ollie Watkins signs long-term contract extension». Brentford F.C.
- ^ «Villa announce Watkins signing». Aston Villa F.C.
- ^ «Confirmed: Aston Villa see off Tottenham challenge as £28m star completes transfer». Birmingham Mail.
- ^ «Ollie Watkins: England goalscorer’s friends react to Euro 2024 win». BBC Sport.
- ^ «Watkins on history-making five goals in five». Aston Villa F.C.
- ^ «England squad: Ollie Watkins earns first England call-up; Jesse Lingard, Luke Shaw, John Stones all recalled». Sky Sports.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball