Irdorath

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Irdorath
Irdorath1.jpg
Выступ гурту на 600-годзьдзе Грунвальдзкай бітвы, Дудуткі, 31.07.2010
Інфармацыя
Гады з чэрвеня 2009
Адкуль Дзяржаўны сьцяг Беларусі Гародня, Беларусь
Жанр Trash-Folk-Medieval, Industrial-CyberPunk-Folk, фольк, сярэднявечная музыка
Афіцыйная старонка http://irdorath.by/
Удзельнікі Уладзімер Калач (Одо), Надзея (Muse), Антон Шніп
Былыя ўдзельнікі Віталь Буйвід, Павел Шмыга

Irdorath — беларускі гурт, які выконвае музыку напрамку трэш-фольк, кібер-фольк, сярэднявечную музыку. Заснаваны ў 2009 годзе.

У сваіх выступах гурт выконвае сярэднявечную і аўтарскую музыку на рэдкіх інструмэнтах. Музыкі выступаюць у фэнтэзі-касьцюмах, на канцэртах выкарыстоўваюць спэцэфэкты, элэмэнты неонавага і вогненага шоў, танцы і тэатральныя дзеі[1]. Аснову рэпертуару гурту складаюць эўрапейскія сярэднявечныя песьні[2].


Гісторыя[рэдагаваць | рэдагаваць крыніцу]

Irdorath3.jpg

Першапачаткова гурт складаўся з двух чалавек — Уладзімера (валынка) і Надзеі (тады студэнтка юрфака, клявішніца, пісала музыку й песьні). У чэрвені 2009 году дуэт назваўся «Irdorath» і пад такой назвай выступіў на фэсьце «Камянецкая вежа». Затым быў шэраг паездак па фэстах Беларусі, Польшчы, Расеі.

Улетку 2010 году пад час Фэсту Нацыянальных культур (Гародня) да гурту далучыўся ўдарнік Віталь Буйвід, а ў кастрычніку таго ж году — Павел Шмыга. Да інструмэнтаў дадаліся клявішныя, і пашырыўся рэпертуар.

У 2011 годзе ў гурце застаюцца толькі Ўладзімер і Надзея, якія, па прапанове гісторыка-культурнага цэнтру «Рыцарскі Замак» (Менск), у якім яны ладзілі выступы, пераяжджаюць у Менск, дзе пачынаюць сур’ёзную працу над сваім праектам[3]. Летам 2011 году да гурту далучыўся бубнач Антон Шніп.

На фэсьце «Белый Замок 2011» музыкі былі арганізатарамі музычнай часткі. Апроч таго, гурт правёў конкурс вогненых мастацтваў «Fire fight».

1 верасьня 2012 году ў менскім клюбе «Re:Public» гурт прэзентаваў свой дэбютны альбом «Ad Astra» (з латыні — «Да зорак»)[4].

Выкананьне, інструмэнты[рэдагаваць | рэдагаваць крыніцу]

  • Уладзімер Калач (Одо) — дудельзак, раўшпфайфы, дзіджерыду
  • Надзея (Muse) — дудельзак, клявішы, вакал, давул, флейты
  • Антон Шніп — бузукі, ударныя інструмэнты
  • Валерый Прыёмка - ударныя інструмэнты

Крыніцы[рэдагаваць | рэдагаваць крыніцу]

  1. ^ Деятельность(рас.) Праверана 3 верасьня 2012 г.
  2. ^ Курыленка С. (3 лютага 2012) Irdorath(рас.). час. «Арт-меню». Праверана 3 верасьня 2012 г.
  3. ^ История группы(рас.) Праверана 3 верасьня 2012 г.
  4. ^ Irdorath(рас.). ИА «Интерфакс-Запад». Праверана 3 верасьня 2012 г.

Вонкавыя спасылкі[рэдагаваць | рэдагаваць крыніцу]

Commons-logo.svg Irdorathсховішча мультымэдыйных матэрыялаў