Last.fm

Last.fm
	Last.fm
Тып	музыка, статыстыка, супольнасьць
Даступныя мовы	шматмоўны (12)
Уладальнік	CBS Interactive
Пачатак працы	20 сакавіка 2002
Камэрцыйны?	так
Рэгістрацыя	вольная + падпіска за $3 у месяц (для радыё)
Актуальны стан	актыўны
Рэйтынг Alexa	1438
Ліцэнзія	GNU General Public License[d]
	last.fm

Last.fm — інтэрнэт-праект музычнай тэматыкі, асноўным сэрвісам якога зьяўляецца збор інфармацыі аб музыцы, якую слухае карыстач, і яе каталягізацыя ў індывідуальных і агульных чартах.

Гісторыя Last.fm[рэдагаваць | рэдагаваць крыніцу]

Чатыры мэляманы з Аўстрыі і Нямеччыны — Фэлікс Мілер (Felix Miller), Мартын Стыксэль (Martin Stiksel), Міхаэль Брайдэнбрукер (Michael Breidenbruecker) і Томас Віляміцэр (Thomas Willomitzer) — у 2002 годзе заснавалі інтэрнэт-радыё і сацыяльны сайт Last.fm.

Да пачатку 2003 году праекты Audioscrobbler і Last.fm аб’ядналіся і пачалі працаваць разам.

30 траўня 2007 году амэрыканская кампанія CBS Interactive набыла Last.fm за $280 млн. Гэтае пагадненьне стала найбуйнейшым у гісторыі набыцьцём брытанскага Web 2.0 сэрвісу. Новыя ўладальнікі плянуюць захаваць пераемнасьць каманды і пакінуць ранейшы мэнэджмэнт, узмацніўшы яго новымі кадрамі, пераважна ў вобласьці фінансавага аналізу і плянаваньня.

Пасьля продажу сайту ягоная палітыка зьмянілася ў бок манэтызацыі, прычым адбылося гэта ня шляхам увядзеньня больш прывабных прапановаў для платных падпісак на сэрвіс, а скарачэньнем бясплатнага функцыяналу.^[3] З 22 красавіка 2009 году набылі моц зьмены ў функцыянаваньні сайту, якія патрабуюць падпіску ў памеры $3 у месяц з карыстальнікаў, якія хочуць слухаць радыё (бясплатна можна праслухаць 30 песень), за выключэньнем карыстальнікаў, якія знаходзяцца ў ЗША, Нямеччыне або Вялікабрытаніі.

Сёньня лік карыстачоў Last.fm дасягае 20 мільёнаў чалавек з больш чым 240 краінаў.