Яўген Клапоцкі
| Яўген Клапоцкі | ||
| Пэрсанальная інфармацыя | ||
|---|---|---|
| Нарадзіўся | 12 жніўня 1993[1][2] (31 год) | |
| Рост | 187 см | |
| Вага | 77 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2010—2015 | Дынама Берасьце | 68 (2) |
| 2016—2017 | Тарпэда-БелАЗ | 37 (1) |
| 2018—2020 | Віцебск | 57 (5) |
| 2021 | Рух Берасьце | 0 (0) |
| Зборныя | ||
| 2012—2014 | Беларусь (да 21) | 27 (3) |
Яўген Клапоцкі (нар. 12 жніўня 1993 году) — колішні беларускі футбаліст, абаронца.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец берасьцейскага футболу. З 2011 году гуляў за асноўны склад берасьцейскага «Дынама». У красавіку 2013 году, пасьля зыходу з клюбу Віталя Гайдучыка, стаў асноўным цэнтральным абаронцам і капітанам берасьцейскага клюбу[3]. У ліпені 2013 году атрымаў траўму, празь якую прапусьціў тры месяцы. Вярнуўся на поле ў кастрычніку 2013 году і зноў замацаваўся ў асноўным складзе.
У пачатку 2014 году капітанства ў камандзе перайшло да Рамана Васілюка, але Клапоцкі застаўся асноўным цэнтральным абаронцам. У чэрвені атрымаў чарговую траўму і выбыў да канца сэзону. У лютым 2015 году падоўжыў кантракт з «Дынама»[4]. У траўні зноў атрымаў траўму, а пасьля акрыяньня ў верасьні быў пераведзены ў дубль[5]. У сьнежні 2015 году праз запазычанасьці «Дынама» перад футбалістам АБФФ надаў Клапоцкаму статус свабоднага агента[6].
У лютым 2016 году пасьля прагляду падпісаў кантракт з «Тарпэда-БелАЗ»[7]. У складзе жодзінскага клюбу неўзабаве замацаваўся ў якасьці асноўнага цэнтральнага абаронцы. Дапамог камандзе здабыць Кубак Беларусі 2016 году, забіўшы пераможныя мячы ў чвэрцьфінале супраць менскага «Дынама» і паўфінале супраць «Менску». 14 ліпеня 2016 году трапным ударам з штрафнога прынёс «Тарпэда-БелАЗ» гасьцявую перамогу над «Дэбрэцэнам» у Лізе Эўропы (2:1). Дзякуючы пасьпяховай гульні за жодзінскі клюб пачаў выклікацца ў нацыянальную зборную Беларусі, хоць у 2016 годзе гэтак і не дэбютаваў за яе. У студзені 2017 году падоўжыў пагадненьне з жодзінцамі[8]. У сэзоне 2017 году зьяўляўся на полі нерэгулярна, чаргуючыся ў складзе зь іншымі футбалістамі. Па заканчэньні сэзону ў лістападзе 2017 году пакінуў «Тарпэда-БелАЗ»[9].
У лютым 2018 году стаў гульцом «Віцебску»[10], дзе замацаваўся ў асноўным складзе. У другой палове 2019 году не гуляў праз траўму, пасьля вярнуўся ў склад. У студзені 2021 году пакінуў «Віцебск»[11] і неўзабаве падпісаў кантракт зь берасьцейскім «Рухам»[12]. Аднак, маючы траўму гэтак і не згуляў за берасьцейскую каманду. У сьнежні 2021 году паводле пагадненьня бакоў пакінуў «Рух»[13]. У верасьні 2022 году стала вядома, што Клапоцкі завяршыў кар’еру і пачаў працаваць трэнэрам у юнацкай камандзе берасьцейскага «Дынама»[14].
Міжнародная
[рэдагаваць | рэдагаваць крыніцу]Гуляў за моладзевую зборную Беларусі. У ейным складзе ў студзені 2014 выступаў на Кубку Садружнасьці, дзе дапамог зборнай Беларусі заняць трэцяе месца і адзначыўся 3 галамі на турніры. У 2016 годзе прыцягваўся да збораў нацыянальнай зборнай Беларусі, але гэтак і не згуляў за яе. У ліпені 2017 году выступаў за другую зборную Беларусі на Кубку Караля ў Тайляндзе.
Дасягненьні
[рэдагаваць | рэдагаваць крыніцу]- Уладальнік Кубка Беларусі: 2016
- У сьпісе 22 найлепшых футбалістаў чэмпіянату Беларусі: 2016
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Берасьце | 2015 | Найвышэйшая ліга | 5 | 0 |
| Тарпэда-БелАЗ | 2016 | Найвышэйшая ліга | 22 | 1 |
| 2017 | Найвышэйшая ліга | 15 | 0 | |
| Віцебск | 2018 | Найвышэйшая ліга | 24 | 3 |
Крыніцы
[рэдагаваць | рэдагаваць крыніцу]- ^ а б в Evgeni Klopotskiy // Transfermarkt (мн.) — 2000.
- ^ а б в Yevgeniy Klopotskiy // FBref (мн.)
- ^ Острый диалог «Динамо» и болельщиков Архівавана 17 чэрвеня 2013.
- ^ Клопоцкий, Щербо, Нечаев и Соловей продлили контракты с брестским "Динамо"
- ^ Клопоцкий отправлен в дубль брестского «Динамо» и, скорее всего, покинет команду
- ^ Клопоцкий и Шемрук стали свободными агентами
- ^ Евгений Клопоцкий подписал контракт с "Торпедо-БелАЗ"
- ^ Клопоцкий продолжит карьеру в Жодино
- ^ Девять футболистов покинули "Торпедо-БелАЗ"
- ^ «Витебск» подписал контракты с Фурланом и Клопоцким
- ^ Клопоцкий покинул "Витебск"
- ^ "Рух" объявил о подписании Клопоцкого
- ^ Евгений Клопоцкий и Виллиам покинули "Рух"
- ^ Евгений Клопоцкий принимает юношескую команду брестского "Динамо"
Вонкавыя спасылкі
[рэдагаваць | рэдагаваць крыніцу]- Профіль на сайце берасьцейскага «Дынама» (рас.)
- Статыстыка «ПБ-Инфо» (рас.)