Яраш Малішэўскі

Яраш Малішэўскі
	Яраш Малішэўскі
Дата нараджэньня	4 жніўня 1973
Месца нараджэньня	Менск, БССР, СССР
Грамадзянства	Беларусь
Месца вучобы	гістарычны факультэт БДУ;
Прафэсія	музыка, пісьменьнік, гісторык
Месца працы	Беларускі дзяржаўны архіў навукова-тэхнічнай дакумэнтацыі[d]; Беларуская энцыкляпэдыя імя Петруся Броўкі; Нацыянальны навукова-асьветны цэнтар імя Францішка Скарыны;
Жанры	фолк, рок
Інструмэнты	гітара, беларуская дуда, дудка, жалейка, варган, мандаліна, колавая ліра, ударныя музычныя інструмэнты, акарына, пішчык, чаротка
Узнагароды	Блакітны сьвін
	Яраш Малішэўскі ў Вікісховішчы

Я́раш Малішэ́ўскі (нар. 4 жніўня 1973, Менск) — беларускі музыка, гісторык, фальклярыст, літаратар, калекцыянэр.

Жыцьцяпіс[рэдагаваць | рэдагаваць крыніцу]

Нарадзіўся 4 жніўня 1973 року ў Менску. Скончыў гістарычны факультэт БДУ. Працаваў намесьнікам дырэктара Беларускага дзяржаўнага архіву навукова-тэхнічнай дакументацыі, навуковым рэдактарам выдавецтва «Беларуская Энцыклапедыя», супрацоўнікам Беларускага навукова-адукацыйнага цэнтра імя Францішка Скарыны.

Сям’я[рэдагаваць | рэдагаваць крыніцу]

Паходзіць са шляхецкага роду Малішэўскіх. Жонка — беларуская паэтка Аксана Спрынчан, дачка — Альжбэта (Альжбэта–Браніслава Малішэўская–Спрынчан).

Музычная дзейнасьць[рэдагаваць | рэдагаваць крыніцу]

Выступае як бард, фолк-выканаўца. У сваіх выступах і запісах выкарыстоўвае інструмэнты: гітара, дуда, лера, пэркусія, дудкі, жалейкі, акарыны, пішчыкі, чароткі, арган, мандаліна й іншыя.

Удзельнік гурту «Paparać» (раньей — «Pete-Paff»). Супрацоўнічае як аўтар і выканаўца з гуртамі «N.R.M.», «P.L.A.N.», «Garadzkija», «Аляксандра й Канстанцін», «Krona», «Madera Hard Blues» і інш.. З 2019 году фолк-гурта «Astroūna».

Аўтар словаў і музыкі песьні «Застольная песьня» да фільму «Авантуры Пранціша Вырвіча» (2020 р.). Таксама выконваў ў фільме сола на аўтэнтычных інструмэнтах.

Сольная дзейнасьць:

«Жыць для Беларусі». Трыб’ют Ларысы Геніюш.
«Песьні з-за кратаў». Трыб’ют Сяргея Новіка-Пяюна.
«Песьні свабоды-3».

Гісторыка-дасьледчая дзейнасьць[рэдагаваць | рэдагаваць крыніцу]

Яраш Малішэўскі — арганізатар шматлікіх фальклёрных экспэдыцый па Беларусі. У сваёй творчасьці нярэдка выкарыстоўвае народныя й старажытныя песьні ва ўласнае апрацоўцы.

Дасьледчык архіўных дакумэнтаў часоў Вялікага Княства Літоўскага.

Літаратарская дзейнасьць[рэдагаваць | рэдагаваць крыніцу]

Аўтар першага ў краіне сыстэматызаванага выданьня для дзяцей пра народныя музычныя інструмэнты «Незвычайная энцыклапедыя беларускіх народных інструментаў» (у суаўтарстве з Аксанай Спрынчан). На думку літаратурнага крытыка Людмілы Рублеўскай кніга стала адной зь лепшых кніг 2010 року.

Як гісторык, друкаваўся ў часопісах «Беларуская мінуўшчына», «Прырода», «Маладосьць», «Вясёлка», газэтах «Наша Ніва», «Голас Радзімы», «Туризм и Отдых», зборніку «Вяртаньне», і інш.. Аўтар гістарычнага дасьледаваньня пра жыцьцё Эміліі Плятэр.

Узнагароджаны літаратурнай прэміяй «Блакітны сьвін — 2016»

Бібліяграфія[рэдагаваць | рэдагаваць крыніцу]

Я. Малішэўскі, А. Спрынчан. Незвычайная энцыклапедыя беларускіх народных інструментаў. — Мн.: Мастацкая літаратура, 2010. — 102 с. — 2 000 экз. — ISBN 978-985-02-1166-8.
Я. Малішэўскі. Дзіцячы атлас Беларусі. Замкі, крэпасці, бажніцы. — Мн.: Мастацкая літаратура, 2019. — 80 с. — 1 500 экз. — ISBN 978-985-02-1898-8.
Я. Малішэўскі, А. Спрынчан. Малочны кактэйль для Вужынага Караля, альбо Калякамп’ютарная казка. — Мн.: Мастацкая літаратура, 2019.

Вонкавыя спасылкі[рэдагаваць | рэдагаваць крыніцу]

Ганна Севярынец Якая музыка грала на танцах дзвесце год таму. Velvet.by (28 студзеня 2015). Праверана 23 студзеня 2021.
Міхась Скобла Яраш Малішэўскі: На вуліцах Парыжу за беларускія песьні мне плацілі больш. Радыё Свабода (17 студзеня 2017).
Малішэўскі Яраш, Спрынчан Аксана. Незвычайная энцыклапедыя беларускіх народных інструментаў. Prastora.by. Праверана 23 студзеня 2021.
Удзельнікі: Яраш Малішэўскі. Паэтычны тэатар Арт.С. Праверана 23 студзеня 2021.
Людміла Рублеўская, літаратурны аглядальнік газэты «Беларусь сегодня». Найлепшыя кнігі 2010. Беларуская Палічка. Праверана 23 студзеня 2021.
Алег Грушэцкі «Напрадвесні». Сустракайце вясну. Новы Час (16 сакавіка 2019). Праверана 23 студзеня 2021.
Грушэцкі А. З атласам замкаў – па Беларусі. Літаратура і мастацтва (7 чэрвеня 2019). Праверана 23 чэрвеня 2021.
Гісторык Яраш Малішэўскі – пра кнігі пра бальшавіцкія рэпрэсіі. 21.by (31 мая 2010). Праверана 23 студзеня 2021.
Дар’я Амяльковіч То ліцвінка Эмілія Плятэр. газэта «Культура (1991)». Праверана 23 студзеня 2021.
Алег Грушэцкі Завейная музыка беларускай дуды. Новы Час (9 сьнежня 2017). Праверана 23 студзеня 2021.
Алег Грушэцкі «Блакітны Сьвін» і сто пластыкавых кубкаў знайшлі гаспадароў. Новы Час (18 мая 2016). Праверана 23 студзеня 2021.