Ян Чыквін

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ян Чыквін
па-польску: Jan Czykwin
Род дзейнасьці паэт, гісторык літаратуры, перакладнік
Дата нараджэньня 18 траўня 1940 (80 гадоў)
Месца нараджэньня Дубічы Царкоўныя, Кляшчэльскі раён, Берасьцейская вобласьць, БССР, СССР
Грамадзянства Польшча
Месца вучобы Варшаўскі ўнівэрсытэт
Занятак літаратуразнаўца, перакладнік і паэт
Месца працы Беластоцкі ўнівэрсытэт і Варшаўскі ўнівэрсытэт
Узнагароды
залаты мэдаль «За заслугі ў культуры Gloria Artis» мэдаль Францішка Скарыны

Ян Чыквін (па-польску: Jan Czykwin; нарадзіўся 18 траўня 1940, Дубічы Царкоўныя, Кляшчэльскі раён, Берасьцейская вобласьць, цяпер Падляскае ваяводзтва, Польшча) — беларускі паэт, які жыве ў Польшчы, гісторык беларускае й расейскае літаратуры, перакладнік, доктар гуманітарных навукаў, прафэсар, грамадзкі дзяяч.

Біяграфія[рэдагаваць | рэдагаваць крыніцу]

Ян Чыквін нарадзіўся 18 траўня 1940 годзе ў вёсцы Дубічы-Царкоўныя Кляшчэльскага раёну Берасьцейскай вобласьці (цяпер Падляскае ваяводзтва, Польшча) ў сям’і настаўніка. У 1959 годзе скончыў агульнаадукацыйны ліцэй зь беларускай мовай навучаньня ў Бельску-Падляшскім, а потым скончыў русыстыку ў Варшаўскім Унівэрсытэце ў 1964. Ад 1969 навуковы супрацоўнік філіі Варшаўскага Ўнівэрсытэту ў Беластоку, у 19851997 — Варшаўскага Ўнівэрсытэту, ад 1998 — Беластоцкага Ўнівэрсытэту.

Пачаў друкаваацца ў 1957 году на старонках «Нівы». Ад 1969 году — сябар Польскага таварыства русыстаў, ад 1970 году— Саюзу польскіх пісьменьнікаў, ад 1991 году — Міжнароднае асацыяцыі беларусыстаў, ад 1996 году — беларускага ПЭН-цэнтру. Ад 1989 году — прэзыдэнт Беларускага Літаратурнага Таварыства «Белавежа», ад 1990 году працаваў рэдактарам выдавецкае сэрыі "Бібліятэка Беларускага літаратурнага аб’яднаньня «Белавежа», ад 1998 году — рэдакторам часопісу «Тэрмапілы».

Узнагароды[рэдагаваць | рэдагаваць крыніцу]

За распаўсюджванне культуры 28 красавіка 2008 г. быў узнагароджаны залатым мэдалём «Glorіa Artіs»[1]

За актыўную дзейнасьць па папулярызацыі беларускай культуры, мовы й літаратуры, значны асабісты ўклад у разьвіцьцё міжкультурных сувязяў і ўмацаваньне добрасуседзкіх адносін паміж Рэспублікай Беларусь і Рэспублікай Польшча 10 верасня 2015 узнагароджаны мэдалём «Францішка Скарыны».[2][3]

Бібліяграфія[рэдагаваць | рэдагаваць крыніцу]

У перакладзе на польскую мову выйшлі зборнікі:

  • «На парозе сьвету» («Na progu świata») (1983, Варшава)
  • «Сонечнае спляценьне» («Splot słoneczny») (1988, Ольштын)
  • «Адпачынак ля ссохлае крыніцы» (1996)

Манаграфіі[рэдагаваць | рэдагаваць крыніцу]

  • «Афанасій Фет: гістарычна-літаратурнае дасьледаваньне» (1984,па-польску)
  • «Далёкія й блізкія. Беларускія пісьменьнікі замежжа» (1997)

Крыніцы[рэдагаваць | рэдагаваць крыніцу]

  1. ^ у калёнку «Szukaj» трэба напісаць імя па польску
  2. ^ Каментарый да Указа № 390 ад 10 верасня 2015 г.
  3. ^ https://nagrady.by/persona/16280/