Юкіё Місыма

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Юкіа Місіма

Юкіё Місыма (сапр. Хіраока Кімітакэ; 14 студзеня 192525 лістапада 1970) — японскі пісьменьнік, драматург.

Біяграфія[рэдагаваць | рэдагаваць крыніцу]

Скончыў гімназію, Такійскі ўнівэрсытэт. Аўтар 40 раманаў, 18 п’ес, шматлікіх апавяданьняў, эсэ й публіцыстычных твораў. Сярод яго лепшых раманаў — «Споведзь маскі» (1948), «Залаты храм» (1956), «Вясеньні сьнег» (1968), «Храм Сьвітаньня» (1970) і інш. Вядомы таксама як рэжысэр, актор тэатра й кіно, дырыгент сымфанічнага аркестра, фатограф, спартовец (у сфэры бодыбілдынгу, каратэ). Глыбінныя вытокі сваёй творчасьці бачыў у сублімацыі сваіх агрэсіўных, разбуральных схільнасьцей і імпульсаў. Ягоныя творы перакладзены на многія мовы сьвету, неаднаразова экранізаваліся, ставіліся на тэатральнай сцэне. Для ягонай творчай манеры характэрны глыбокі псыхалягізм, парадаксальныя разважаньні й думкі, шакуючыя сюжэты й паводзіны пэрсанажаў, віртуознасьць стылю, спалучэньне традыцыяў эўрапейскага мадэрнізму й традыцыйных японскіх мастацкіх каштоўнасьцей. Скончыў жыцьцё самагубствам у форме традыцыйнага рытуалу японскіх самураяў (харакіры) пасьля няўдалай спробы манархічнага ваеннага перавароту.

Літаратура[рэдагаваць | рэдагаваць крыніцу]

  • Культуралогія: Энцыклапедычны даведнік. Мінск: Беларуская Энцыклапедыя, 2003. ISBN 985-11-0277-6