Царква Праабражэньня Гасподняга (Моталь)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Помнік гісторыі
Царква Праабражэньня Гасподняга
Спаская царква
Спаская царква
Краіна Беларусь
Вёска Моталь
Каардынаты 52°19′02.39″ пн. ш. 25°36′35.22″ у. д. / 52.3173306° пн. ш. 25.6097833° у. д. / 52.3173306; 25.6097833Каардынаты: 52°19′02.39″ пн. ш. 25°36′35.22″ у. д. / 52.3173306° пн. ш. 25.6097833° у. д. / 52.3173306; 25.6097833
Канфэсія Беларуская праваслаўная царква
Эпархія Пінская япархія 
Архітэктурны стыль псэўдарускі стыль[d]
Аўтар праекту Мсціслаў Міхайлавіч Барташэўскі[d]
Дата заснаваньня 1888
Статус Дзяржаўны сьпіс гісторыка-культурных каштоўнасьцяў Рэспублікі Беларусь
Царква Праабражэньня Гасподняга на мапе Беларусі
Царква Праабражэньня Гасподняга
Царква Праабражэньня Гасподняга
Царква Праабражэньня Гасподняга
Commons-logo.svg Царква Праабражэньня Гасподняга на Вікісховішчы

Царква́ Праабражэ́ньня Гаспо́дняга[a] — помнік гісторыі другой паловы XIX ст. (мураўёўка) у Моталі. Знаходзіцца ў цэнтры колішняга мястэчка, на гістарычным Рынку[b]. Дзейнічае. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя[рэдагаваць | рэдагаваць крыніцу]

Царква, 1916 г.

Мураваную царкву Ўрадавага сыноду Расейскай імпэрыі (Маскоўскай царквы) у Моталі збудавалі ў 1888 годзе замест драўлянай царквы Сьвятога Пасаду.

Архітэктура[рэдагаваць | рэдагаваць крыніцу]

Прыклад сынадальнага кірунку эклектычнай царкоўнай архітэктуры Расейскай імпэрыі. Мае 4-часткавую кампазыцыю: разьмешчаныя падоўжнай восьсю званіца (2 васьмерыкі на чацьверыку), трапезная, кубічны асноўны аб’ём і 5-гранная апсыда. У сылюэце будынка дамінуюць купал-цыбуліна званіцы і пяць купалоў-цыбулінаў 4-схільнага даху асноўнага аб’ёму. Тры ўваходы вылучаюцца аркавымі парталамі з брылямі. У архітэктурным дэкоры выкарыстоўваюцца ліштвы лучковых аконных праёмаў, лапаткі, карніз з сухарыкамі, філёнгі.

Усярэдзіне пры ўваходзе месьцяцца хоры на аркадзе. Апсыда вылучаецца драўляным 4-ярусным іканастасам канца XIX ст. У інтэр’еры захоўваюцца абразы XVIII — XIX стагодзьдзяў: «Хрыстос Пантакратар», «Хрыстос у пустыне», «Адзігітрыя», «Сьвятое сямейства», «Праабражэньне», «Раство Прасьвятой Багародзіцы», «Серафім Сароўскі», «Спас Пантакратар», «Сьвяты Феадосі», «Маці Божая Замілаваньне» (у чаканным абкладзе, 1808 год)[1].

Заўвагі[рэдагаваць | рэдагаваць крыніцу]

  1. ^ Назва царквы прыводзіцца паводле афіцыйнага тытулу Маскоўскага патрыярхату (рас. Церковь Преображения Господнего, Спасо-Преображенская церковь), тым часам беларускай гістарычнай традыцыі адпавядае назва царква Сьвятога Спаса або Спаская царква
  2. ^ Цяперашні афіцыйны адрас — вуліца Леніна, 1В'.

Крыніцы[рэдагаваць | рэдагаваць крыніцу]

  1. ^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура[рэдагаваць | рэдагаваць крыніцу]

  • Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі[рэдагаваць | рэдагаваць крыніцу]

Histvalue sign export.svg Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000277