Берасьце (хакейны клюб)
| Берасьце | |
 | |
| Заснаваны | 2001 |
|---|---|
| Адкуль | Берасьце, Беларусь |
| Пляцоўка | Берасьцейскі лядовы палац спорту Зьмяшчальнасьць: 2000 |
| Фарм-клюб | Цытадэль |
| Дырэктар | Аляксей Ласко |
| Галоўны трэнэр | |
| Чэмпіянат | Экстраліга |
| brest-hockey.by | |
«Берасьце» — беларускі хакейны клюб з аднайменнага гораду, які выступае ў беларускай Экстралізе.
Гісторыя
[рэдагаваць | рэдагаваць крыніцу]Хакейны клюб паўстаў у 2000 годзе, калі быў пабудаваны Берасьцейскі лядовы палац спорту. Першы склад каманды быў сфармаваны пераважна маладымі беларускімі хакеістамі, а таксама шэрагам гульцоў з Расеі і Ўкраіны. У першым сэзоне 2001—2002 гадоў дружына заняла 7-е месца з васьмі ўдзельнікаў. Тым ня менш, пасьля другога этапу «Берасьце» захавала сваё месца і прабілася ў плэй-оф, дзе саступіла менскаму «Кераміну». Не зважаючы на тое, што ў наступным сэзоне клюб фінішаваў на 5 радку рэгулярнага сэзону, у плэй-оф каманда ня трапіла. Далейшы час «Берасьце» лічылася аўтсайдэрам чэмпіянату, фінішуючы па-за межамі месцаў з прасоўваньнем у плэй-оф. З 2007 году каманда тройчы запар замыкала турнірную табліцу паводле вынікаў сэзону.
У 2011 годзе каманда нарэшце прасунулася ў плэй-оф, але кіраўніцтва клюбу патрапіла ў скандал. У лютым хакеісты клюбу даслалі ліст кіраўніку Берасьцейскае вобласьці ў сувязі з гаротным станам гаспадаркі клюбу[2]. Дырэктар клюбу Вадзім Драчоў спачатку адмаўляў наяўнасьць ліста, а потым пагражаў сям’і аднаго з гульцоў каманды[3]. У дадатак была мажлівасьць пераносу матчаў вырашальнага раўнду ў Кобрынь праз дрэнны стан лёду на берасьцейскай пляцоўцы, але да пачатку матчаў зь «Юнацтвам» гэтую праблему разьвязалі[4]. Не зважаючы на розныя цяжкасьці, «Берасьце» належна змагалася з больш дасьведчаным «Юнацтвам». Першыя два матчы скончылі ў авэртайме зь перамогамі спачатку менчукоў, а потым і берасьцейцаў. Аднак майстэрства «Юнацтва» было вырашальным, і паводле вынікаў наступных двух матчаў менчукі рушылі далей па сетцы турніру. Пасьля сэзону разбіральніцтва ў клюбе працягнулася, і праз канфлікт з дырэктарам зь «Берасьця» сышла вялікая колькасьць гульцоў, у тым ліку найлепшы бамбардзір каманды Віктар Туркін[5] і дасьведчаны расеец Максім Балмачных[6]. Вынікі клюбу пагоршыліся, а фінансавы стан ня выправіўся.
Увесну 2012 году хакеісты каманда зьвярнуліся ў суд на кіраўніцтва клюбу[7], а дырэктар «Берасьця» скардзіўся на вялікія запазычанасьці клюбу[8]. У сэзоне 2013—2014 гадоў «Берасьце» прасунулася ў плэй-оф, але адразу ў чвэрцьфінале саступіла гарадзенскаму «Нёману». У міжсэзоньне каманду пакінуў найлепшы гулец сэзону брамнік Максім Гарадзецкі[9]. Таксама сышлі з клюбу два чэскія легіянэры Марцін Кадлэц і Якуб Мужык[10]. У лістападзе 2014 году з пасады галоўнага трэнэра быў звольнены Аляксандар Гаўрылёнак[11]. Крыху менш чым праз год з сваёй пасады дырэктара сышоў Драчоў, а ягонае месца заняў палкоўнік Сяргей Брытаў[12], які празь сямейныя абставіны звольніўся ў красавіку 2017 году[13]. Хакейны клюб, між тым, кожным разам фінішаваў па-за межамі плэй-оф. У 2018 годзе па рэформе Экстралігі «Берасьце» было далучанае да Экстралігі Б. У другой лізе берасьцейцы сталі сераднякамі турніру, а ў 2021 годзе зноўку прабіліся ў плэй-оф.
Пасьля чарговых зьменаў Экстралігі «Берасьце» вярнулася да наймацнейшых клюбаў. У кіраўніцтве зьмяніўся дырэктар: Сяргей Сушко перайшоў на працу ў менскае «Дынама», а ягоную пасаду заняў Аляксей Ласко[14][15]. «Берасьце» ня толькі захаваў лідэраў, але і ўмацаваўся. Да шыхтоў клюбу далучыліся брамнік Іван Палякоў[16], абаронцы Даніл Шчогалеў[17], Сяргей Шэлег[18] і Віталь Марчанка[19], а таксама нападнікі Рэнат Сафін[20], Уладзімер Міхайлаў[21] і Аляксандар Пухлоўскі[22]. Каманда скончыла сэзон 2021—2022 гадоў на 10-м месцы і прагуляла «Дынама-Маладэчна» ў матчах плэй-іну. У траўні 2022 году да складу «зуброў» далучыліся браты Маляўкі[23]. Клюб быў больш пасьпяховы ў рэгулярным сэзоне, скончыўшы яго на 8-м месцы. Аднак «Берасьце» зноў ня здолела перакрочыць плэй-ін, саступіўшы наваполацкаму «Хіміку». У траўні 2023 году «зубры» ўмацаваліся Ўсеваладам Кашкарам[24] і Паўлам Развадоўскім[25].
Склад
[рэдагаваць | рэдагаваць крыніцу]Паводле стану на 14 верасьня 2024 году
| Брамнікі | |||||||
|---|---|---|---|---|---|---|---|
| 31 | .svg){kind=small}
|
Максім Яўтуховіч | 12.09.2003 | 69 | 
|
Сяргей Броньнікаў | 11.03.1996 |
| — |
|
Максім Гарадзецкі | 08.06.1995 | ||||
| Абаронцы | |||||||
| 2 |
|
Сяргей Шэлег | 24.05.1990 | 8 |
|
Уладзіслаў Мартынюк | 28.08.1998 |
| 10 |
|
Раман Пятручык | 24.08.1999 | 14 |
|
Канстанцін Татарэнка | 14.12.2001 |
| 44 |
|
Мікалай Філановіч | 02.03.2003 | 55 |
|
Ільля Сушко | 28.12.1997 |
| 73 |
|
Ян Дудко | 27.11.2004 | 97 |
|
Антон Грышанаў | 19.11.1997 |
| — |
|
Сяргей Рамановіч | 18.03.1997 | ||||
| Нападнікі | |||||||
| 12 |
|
Станіслаў Герасімаў | 23.05.2002 | 13 |
|
Аляксей Селівонік | 04.06.2001 |
| 18 |
|
Ігар Карабанаў | 05.05.1992 | 19 |
|
Павал Баярчук | 07.11.1990 |
| 22 |
|
Віктар Боўбель | 02.06.1998 | 25 |
|
Магамэд Гімбатаў | 11.11.1990 |
| 26 |
|
Юры Верамеенка | 05.09.2002 | 38 |
|
Сяргей Маляўка | 28.09.1990 |
| 57 |
|
Ахмэд Гімбатаў | 14.03.1994 | 70 |
|
Яраслаў Косаў | 05.07.1993 |
| 81 |
|
Сяргей Ханас | 23.01.2005 | 83 |
|
Аляксандар Маляўка | 28.09.1990 |
| 90 |
|
Фёдар Качан | 15.11.1993 | — |
|
Арцём Серада | 17.03.2004 |
| — |
|
Дзяніс Цыганоў | 28.10.1993 | — |
|
Павал Варфаламееў | 15.04.1995 |
| — |
|
Валеры Жыгалаў | 12.04.2002 | ||||
Крыніцы
[рэдагаваць | рэдагаваць крыніцу]- ^ Владимир Свито стал главным тренером «Бреста»
- ^ Хоккеисты «Бреста» написали письмо губернатору области. Беларускі хакей.
- ^ Клименкова: Директор ХК «Бреста» угрожал моей семье. Беларускі хакей.
- ^ Гавриленок: Все замечания по состоянию площадки мы устранили. Беларускі хакей.
- ^ Лучший бомбардир «Бреста» перешел в «Металлург» из Жлобина. Беларускі хакей.
- ^ Александр Гавриленок: Жаль, что ХК «Брест» покинул Балмочных. Беларускі хакей.
- ^ Директор ХК «Брест»: Хоккеисты подали в суд по поводу задержек по выплате заработной платы. Беларускі хакей.
- ^ Вадим Драчев: С прошлых лет на «Бресте» висит миллиардный кредит перед банком. Беларускі хакей.
- ^ ЧБ: Голкипер «Бреста» перешел в «Неман». Беларускі хакей.
- ^ ВХЛ: Два лидера «Бреста» продолжат карьеру в «Рязани». Беларускі хакей.
- ^ ЧБ: Наставник «Бреста» отстранен от занимаемой должности. Беларускі хакей.
- ^ ЧБ: Новым директором «Бреста» стал полковник. Беларускі хакей.
- ^ ЧБ: Стала известна причина ухода директора «Бреста». Беларускі хакей.
- ^ Сергей Сушко покинул пост директора ХК «Брест». Беларускі хакей.
- ^ Сергей Сушко прокомментировал назначение Алексея Лоско и.о. директора «Бреста». Беларускі хакей.
- ^ Один из надежнейших голкиперов Экстралиги прошлого сезона переходит в «Брест». Беларускі хакеіст.
- ^ Самый полезный игрок экстралиги «Б» сменил «Химик» на «Брест». Беларускі хакей.
- ^ «Брест» достиг соглашения о подписании контракта с трёхкратным чемпионом Беларуси. Беларускі хакей.
- ^ Трехкратный чемпион Беларуси перешёл в «Брест». Беларускі хакей.
- ^ Один из лучших бомбардиров Экстралиги «Б» подписал соглашение с «Брестом». Беларускі хакей.
- ^ Обладатель Континентального кубка перешёл в «Брест». Беларускі хакей.
- ^ Александр Пухловский: После объединения лиг понял, что хочу играть в родном клубе. Беларускі хакей.
- ^ Братья Малявко перешли в «Брест». Беларускі хакей.
- ^ «ХВ». Старожил минской «Юности» перейдет в другой клуб Betera-Экстралиги. Беларускі хакей.
- ^ Павел Развадовский стал новичком «Бреста». Беларускі хакей.
Вонкавыя спасылкі
[рэдагаваць | рэдагаваць крыніцу]
| ||||||||||||||