Фарталеза (футбольны клюб)
| Фарталеза | |
 | |
| Поўная назва | Fortaleza Esporte Clube |
|---|---|
| Заснаваны | 1918 |
| Горад | Фарталеза, Бразылія |
| Стадыён | Кастэлан Умяшчальнасьць: 63 903 |
| Прэзыдэнт | Эдуарду Жыран[d] |
| Чэмпіянат | Сэрыя Б |
| · 2025 | Сэрыя А, 18 месца (паніжэньне) |
 Галерэя здымкаў у Вікісховішчыfortaleza1918.com.br (парт.) | |
«Фартале́за» (па-партугальску: Fortaleza) — бразыльскі футбольны клюб з гораду Фарталеза, штат Сэара. Быў зафундаваны 18 кастрычніка 1918 году[1]. Акрамя футбольнай сэкцыі клюб мае дружыны ў іншых відах спорту, як то футзал, гандбол і баскетбол. Традыцыйнымі колерамі клюбу ёсьць чырвоны, сіні і белы.
«Фарталеза» ўважаецца за адзін з самых пасьпяховых футбольных клюбаў на паўночным усходзе Бразыліі. Апытаньні ставіць яго на трэцяе месца паводле колькасьці заўзятараў на паўночным усходзе краіны. У гэтым паказьніку клюб саступае толькі «Баіі» і «Спорту»[2]. Галоўным супернікам «Фарталезы» лічыцца «Сэара», а сустрэчы паміж імі маюць назву «Клясыка каралёў»[3].
Гісторыя
[рэдагаваць | рэдагаваць код]
23 лютага 1912 году Алсыдэс Сантус заснаваў клюб пад назвай «Фарталеза» і неўзабаве пасьля гэтага ўзяў удзел у стварэньні футбольнага клюбу «Стэла». Колеры новай каманды адлюстроўваюць колеры францускага сьцяга, бо заснавальнік жыў у Францыі і пастанавіў дапасаваць колеры гэтай эўрапейскай краіны да колераў бразыльскага клюбу.
У 1920 годзе клюб стаў адным з фундатараў спартовай асацыяцыі штату Сэара. У той жа год «Фарталеза» стала пераможцам чэмпіянату штату. У 1951 годзе гарадзкія ўлады пастанавілі адрамантаваць стадыён імя Прэзыдэнтэ Варгаса. У 1957 годзе клюб набыў зямлю ў раёне Байру-ду-Пісі, дзе падчас Другой сусьветнай вайны ў Фарталезе месьцілася вайсковая база ЗША пад назвай Камандны пункт, і перадаў яе клюбу «Жэнтыландыя» ў абмен на іншы кавалак надзелу. Найбольшым посьпехам клюбу тых гадоў стаў выхад у фінал Кубка Бразыліі ў 1960 годзе.
Стадыён Алсыдэс Сантус адчыніў свае дзьверы ў чэрвені 1962 году. На новай арэне «Фарталеза» адзначылася ў першым матчы перамогай на клюбам «Усына». Заняўшы часьвертае месца ў Сэрыі А 2021 году, клюб упершыню ў гісторыі кваліфікаваўся ў Кубак Лібэртадорэс. У 2023 годзе яны фінішавалі другімі ў Паўднёваамэрыканскім кубку, у фінале якога зазналі паразу ад эквадорскага клюбу ЛДУ. У 2024 годзе «Фарталеза» паўтарыла свой посьпех, зноў спыніўшыся на чацьвертым радку айчыннага першынства.
Дасягненьні
[рэдагаваць | рэдагаваць код]- 1920, 1921, 1923, 1924, 1926, 1927, 1928, 1933, 1934, 1937,
- 1938, 1946, 1947, 1949, 1953, 1954, 1959, 1960, 1964, 1965,
- 1967, 1969, 1973, 1974, 1982, 1983, 1985, 1987, 1991, 1992,
- 2000, 2001, 2003, 2004, 2005, 2007, 2008, 2009, 2010, 2015,
- 2016, 2019, 2020, 2021, 2022, 2023, 2026