Турасы

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Возера
Турасы
Краіна Беларусь
Плошча 0,74 км²
Плошча вадазбору 2,94 км²
Максымальная глыбіня 15,3 м
Найбольшая даўжыня 1,74 км
Найбольшая шырыня 0,74 км
Даўжыня берагавой лініі 6,14 км
Аб’ём вады 3,67 млн м³
Каардынаты 55°9′1.20″ пн. ш. 28°59′59.54″ у. д. / 55.1503333° пн. ш. 28.9998722° у. д. / 55.1503333; 28.9998722Каардынаты: 55°9′1.20″ пн. ш. 28°59′59.54″ у. д. / 55.1503333° пн. ш. 28.9998722° у. д. / 55.1503333; 28.9998722
Турасы на мапе Беларусі
Турасы
Турасы
Турасы

Турасы (Тураса) — возера ў Ушацкім раёне Віцебскай вобласьці. Знаходзіцца за 24 км на ўсход ад Ушачаў, каля вёскі Калкі. Належыць да групы Ушацкіх азёр.

Возера знаходзіцца ў басэйне ракі Сарачанка. Плошча Турасаў складае 0,74 км². Найбольшая глыбіня возера — 15,3 м. Даўжыня возера — 1,74 км, найбольшая шырыня — 0,74 км. Даўжыня берагавой лініі — 6,14 км. Аб’ём вады ў возеры складае 3,67 млн м³, плошча вадазбору возера — 2,94 км².

Схілы катлавіны возера маюць вышыню да 15 м, на захадзе і поўначы возера разьпяшчаецца озавая града і таму схілы там сягаюць вышыні 20—32 м. На поўдні і ўсходзе схілы разараныя. Добра выражаная тэраса, якая мае вышыню 0,8—1,2 м.

Берагі возера нізкія, на захадзе і ўсходзе месцамі зьліваюцца з схіламі, пяшчаныя.

Дно вадаёма ў прыбярэжнай частцы пяшчанае, на глыбінях — глеістая і сапрапэлістая.

Возера зарастае слаба. Надводная расьліннасьць пашыраная да глыбіні 1,9 м.

Праз Турасы цячэ рака Дзіва, якая злучае яго з возерам Атолава.

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1..