Крывое возера (Ушацкі раён)

Возера Крывое возера Краіна Беларусь Плошча 4,5 км² Плошча вадазбору 65,4 км² Максымальная глыбіня 31,5 м Найбольшая даўжыня 6 км Найбольшая шырыня 1,1 км Даўжыня берагавой лініі 21 км Вышыня над узроўнем мора 128 м Аб’ём вады 43 млн м³ Каардынаты 55°9′45.16″ пн. ш. 29°2′5.61″ у. д. Крывое возера на мапе Беларусі Крывое возера

Галерэя здымкаў у Вікісховішчы

Крывое возера — возера ва Ўшацкім раёне Віцебскай вобласьці. Знаходзіцца за 25 км на ўсход ад Ушачаў, каля вёскі Дубраўка. Належыць да групы Ўшацкіх азёр.

Возера знаходзіцца ў басэйне ракі Тураўлянка. Плошча возера Крывое складае 4,5 км². Найбольшая глыбіня возера — 31,5 м. Даўжыня возера — 6 км, найбольшая шырыня — 1,1 км. Даўжыня берагавой лініі — 21 км. Аб’ём вады ў возеры складае 43 млн м³, плошча вадазбору возера — 65,4 км².

Схілы катлавіны возера маюць вышыню 10—15 м, пераважна парослыя ялова-хваёвым лесам і хмызьняком. На паўночным захадзе і паўднёвым усходзе вышыня схілаў сягае да 50 м. На мысах схілы прадстаўленыя озавымі градамі. Берагі на пэўнах участках зьліваюцца з схіламі, знаходзяцца пад хмызьняком. На поўначы і поўдні берагі нізкія, часта забалочаныя.

Дно вадаёма да глыбіні 10—20 м высланае сапрапэлем, на большых глыбінях — глеем.

Возера мае выспу, плошча якой складае 0,2 га (0,002 км²).

Крывое вызера вызначаецца высокай празрастасьцю вады. Зарастае ня вельмі моцна. Шырыня паласы надводнай прыбярэжнай расьліннасьці складае 5—10 м.

У возера расьце палушнік азёрны, які занесены ў Чырвоную кнігу.

Крывое возера злучанае ручаямі з азёрамі Сосенка, Усая, Жэнна, Паўазер’е. З возера выцякае ручаіна ў раку Дзіва.

У 1979 годзе возера і прылеглая тэрыторыя былі абвешчаныя азёрным заказьнікам «Крывое».

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1