Перайсьці да зьместу

Сяргей Карповіч

Зьвесткі зь Вікіпэдыі — вольнай энцыкляпэдыі
Сяргей Карповіч
Пэрсанальная інфармацыя
Нарадзіўся 29 сакавіка 1994(1994-03-29)[1][2][3] (32 гады)
Рост 182 см
Вага 78 кг[4]
Пазыцыя абаронца
Клюбная інфармацыя
Клюб Дынама Менск
(у арэндзе з клюбу «МЛ Віцебск»)
Нумар 33
Клюбы
Гады Клюб Гульні (галы)¹
2012—2017 Дынама Менск 30 (0)
2013 → Бяроза-2010 24 (0)
2015 → Нафтан 11 (1)
2016 → Менск 14 (0)
2017 → Гарадзея 12 (0)
2018 Тарпэда-БелАЗ 18 (0)
2019—2020 Іслач 57 (2)
2021 Кайсар 17 (0)
2021—2022 Балтыка 27 (1)
2022—2024 Нёман Горадня 66 (7)
2025 Наўбахор[d] 15 (0)
2025—4 МЛ Віцебск 13 (0)
2026—4 → Дынама Менск
Зборныя
2012 Беларусь (да 19)[d] 2 (0)
2013—2016 Беларусь (да 21) 33 (2)
2020—4 Беларусь 18 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
29 лістапада 2025.
² Колькасьць гульняў і галоў за нацыянальную зборную
ў афіцыйных матчах, адкарэктавана на
12 кастрычніка 2025.

Сяргей Карповіч (нар. 29 сакавіка 1994 году, Пятрышкі, Беларусь) — беларускі футбаліст, абаронца менскага «Дынама» (у арэндзе зь віцебскага МЛ) і нацыянальнай зборнай Беларусі. У 2023 і 2024 гадах прызнаваўся найлепшым абаронцам Найвышэйшай лігі.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Выхаванец СДЮШАР менскага «Дынама», з 2010 году пачаў гуляць за дубль менчукоў. Сэзон 2013 году павёў у арэндзе ў клюбе «Бяроза-2010», дзе трывала гуляў у аснове, дамапог клюбу заняць выніковае 5-е месца ў Першай лізе. Па заканчэньні сэзону ў сьнежні 2013 году вярнуўся ў «Дынама»[5].

Сэзон 2014 году пачаў у дублі «Дынама». 4 траўня 2014 году дэбютаваў за «Дынама» у Найвышэйшай лізе, выйшаўшы на 89-й хвіліне замест Андрэя Залескага ў матчы супраць «Белшыны» (4:1). Пазьней стаў трывала зьяўляцца ў стартавым складзе менскага клюбу на пазыцыі правага абаронцы, здолеўшы выцесьніць з складу Залескага. Падчас групавога раўнду Лігі Эўропы сэзону 2014—2015 гадоў малады абаронца правёў 4 матчы за клюб.

Пасьля сыходу з клюбу галоўнага трэнэра Ўладзімера Жураўля і пачаткам працы новага спэцыяліста Душана Угрына, Сяргей ня страціў сваё месца ў асноўным складзе, выйшаўшы ў дэбютным матчы сэзону 2015 году супраць гарадзенскага «Нёману». У ліпені 2015 году быў аддадзены ў арэнду наваполацкаму «Нафтану» да канца сэзону[6]. У сакавіку 2016 году аддадзены ў арэнду клюбу «Менск»[7], у ліпені 2016 году вярнуўся ў менскае «Дынама»[8]. У сакавіку 2017 году быў аддадзены ў арэнду клюбу «Гарадзея» да канца сэзону[9]. У ліпені 2017 году вярнуўся ў «Дынама» з арэнды[10]. У сьнежні 2017 году перайшоў у «Тарпэда-БелАЗ», зь якім падпісаў кантракт на два гады[11]. У студзені 2019 году падпісаў кантракт з клюбам «Іслач»[12]. У складзе новай каманды хутка замацаваўся на пазыцыі асноўнага правага абаронцы. У лістападзе 2019 году падоўжыў кантракт з клюбам[13]. Заставаўся гульцом стартавага складу ў сэзоне 2020 году, згуляўшы ўсе 30 матчаў у чэмпіянаце Беларусі.

У студзені 2021 году накіраваўся на прагляд у расейскі клюб «Тамбоў», аднак пераход не адбыўся. У лютым 2021 году пакінуў «Іслач»[14] і неўзабаве далучыўся да казаскага «Кайсару», зь якім у сакавіку падпісаў кантракт[15]. Пакінуў «Кайсар» паводле пагадненьня бакоў у ліпені 2021 году[16] і неўзабаве стаў гульцом калінінградзкай «Балтыкі»[17]. Пакінуў расейцаў паводле заканчэньня кантракту ў чэрвені 2022 году[18].

У ліпені 2022 году склаў угоду з гарадзенскім «Нёманам»[19]. Замацаваўся ў першай адзінаццатцы каманды. У пачатку 2023 году не прымаў удзел у таварыскім матчах каманды, а ў лютым падоўжыў кантракт з гарадзенцамі[20]. Паводле вынікаў сэзону 2023 году дапамог камандзе здабыць срэбныя мэдалі чэмпіянату Беларусі, а сам быў прызнаны найлепшым абаронцам чэмпіянату[21]. У студзені 2024 году падпісаў новае пагадненьне зь «Нёманам»[22]. Гулец выдатна згуляў і наступны сэзон, зноў дапамогшы здабыць срэбныя мэдалі чэмпіянату. Як і годам раней Карповіч быў прызнаны найлепшым абаронцам лігі. У сьнежні 2024 году далучыўся да ўзбэцкага клюбу «Наўбахор», які быў бронзавым прызэрам мясцовага першынства[23][24]. Улетку 2025 году склаў працоўную ўгоду на тры з паловай гады зь віцебскім МЛ[25]. Перад пачаткам сэзону 2026 году сышоў у арэнду ў сталічнае «Дынама»[26].

Міжнародная

[рэдагаваць | рэдагаваць код]

У 2010—2012 гадах гуляў за юнацкія зборныя Беларусі. Улетку 2013 году выступаў за малодшую моладзевую зборную Беларусі (да 20 гадоў). 25 студзеня 2014 году дэбютаваў у зборнай да 21 году ў матчы супраць зборнай Казахстану на Кубку Садружнасьці. Хутка замацаваўся ў моладзевай зборнай як асноўны правы абаронца.

23 лютага 2020 году дэбютаваў за нацыянальную зборную Беларусі ў таварыскім матчы супраць зборнай Узбэкістану (1:0), выйшаўшы на замену ў канцы сустрэчы.

Дасягненьні

[рэдагаваць | рэдагаваць код]

«Дынама»:

«Нёман»:

МЛ:

Статыстыка

[рэдагаваць | рэдагаваць код]
КлюбСэзонЧэмпіянат
ДывізіёнМатчыГалы
Дынама Менск2015Найвышэйшая ліга50
Нафтан111
Менск2016Найвышэйшая ліга140
Дынама Менск40
Гарадзея2017Найвышэйшая ліга120
Дынама Менск40
Тарпэда-БелАЗ2018Найвышэйшая ліга180

Крыніцы

[рэдагаваць | рэдагаваць код]
  1. ↑ Sergey Karpovich // Transfermarkt (мн.) — 2000.
  2. ↑ Sergey Karpovich // FBref (анг.)
  3. ↑ Sergey Karpovich // As (гішп.) — Madrid: PRISA, 1967. — ISSN 1888-6671
  4. 1 2 https://www.fcneman.by/by/komanda/main/760.html
  5. ↑ Гущенко, Куган и еще ряд игроков вернулись в минское «Динамо» по окончании аренды (рас.)
  6. ↑ «Нафтан» подтвердил аренду Сергея Карповича (рас.)
  7. ↑ Минское «Динамо» отдало в аренду Сергея Карповича «Минску», Валерия Горбачика — «Смолевичам-СТИ» (рас.)
  8. ↑ Минское «Динамо» объявило о подписании Сергея Концевого и возвращении из аренды Сергея Карповича (рас.)
  9. ↑ «Городея» арендовала у минского «Динамо» Сергея Карповича (рас.)
  10. ↑ Минское «Динамо» вернула из аренды Карповича и расторгло контракт с Юзепчуком (рас.)
  11. ↑ Сергей Карпович подписал двухлетний контракт с «Торпедо-БелАЗ» (рас.)
  12. ↑ Карпович стал игроком «Ислочи» (рас.)
  13. ↑ "Ислочь" продлила контракт с Карповичем
  14. ↑ Сергей Карпович покинул "Ислочь"
  15. ↑ "Кайсар" объявил о подписании Карповича
  16. ↑ "Кайсар" объявил об уходе Карповича
  17. ↑ Карпович сменил "Кайсар" на "Балтику"
  18. ↑ Калининградская «Балтика» объявила об уходе четверых футболистов
  19. ↑ Сергей Карпович - игрок "Немана"
  20. ↑ Карпович на год продлил контракт с "Неманом" (рас.) Праверана 2023-02-10 г.
  21. ↑ Игнатович стал лучшим вратарем высшей лиги-2023, Карпович - лучшим защитником, Ковалевич - лучшим тренером (рас.)
  22. ↑ Сергей Карпович остался в "Немане" (рас.)
  23. ↑ Сергей Карпович перешел в "Навбахор" из Узбекистана (рас.). Football.by (2024-12-23). Праверана 2025-03-05 г.
  24. ↑ Стало известно, где продолжит карьеру лучший защитник чемпионата Беларуси (рас.). Прессбол (2024-12-22). Праверана 2025-03-05 г.
  25. ↑ Сергей Карпович подписал долгосрочный контракт с "МЛ" (рас.). Football.by (2025-07-21). Праверана 2025-08-09 г.
  26. ↑ Сергей Карпович вернулся в минское "Динамо" (рас.). Football.by (2026-03-18). Праверана 2026-03-19 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Сяргей_Карповіч&oldid=2662277»