Андрэй Залескі
| Андрэй Залескі | ||
| Пэрсанальная інфармацыя | ||
|---|---|---|
| Нарадзіўся | 20 студзеня 1991[1][2][3] (34 гады) | |
| Рост | 179 см | |
| Вага | 74 кг[5] | |
| Пазыцыя | абаронца | |
| Клюбная інфармацыя | ||
| Клюб | Іслач | |
| Нумар | 31 | |
| Клюбы | ||
| Гады | Клюб | Гульні (галы)¹ |
| 2009—2014 | Дынама Менск | 38 (0) |
| 2012—2013 | → Бяроза-2010 | 57 (3) |
| 2015—2017 | Слуцак | 72 (1) |
| 2018 | Дынама Берасьце | 16 (0) |
| 2019 | Дынама Менск | 12 (0) |
| 2020 | Жэтысу | 14 (1) |
| 2021—2022 | Туран | 45 (0) |
| 2023—2024 | Славія Мазыр | 48 (2) |
| 2025— | Іслач | 6 (0) |
| Зборныя | ||
| 2010—2011 | Беларусь (да 21) | 7 (0) |
|
¹ Колькасьць гульняў і галоў за прафэсійны клюб лічыцца толькі | ||
Андрэ́й Іва́навіч Зале́скі (нар. 20 студзеня 1991 году) — беларускі футбаліст, абаронца «Іслачы». Малодшы брат Андрэя, Аляксей, таксама футбаліст.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец ДЮСШ горада Ліды. З 2008 году пачаў абараняць колеры дубля менскага «Дынама». Яшчэ ў 2008 годзе дэбютаваў за асноўную каманду дынамаўцаў у матчы на Кубак Беларусі, а з наступнага сэзону пачаў прыцягвацца да матчаў асноўнай каманды. Сэзоны 2012 і 2013 гадоў правёў у арэндзе ў «Бярозе-2010» у Першай лізе, дзе рэгулярна гуляў у асноўным складзе. На пачатку 2014 году вярнуўся ў «Дынама». Сэзон 2014 году распачаў як асноўны левы абаронца, але з жніўня 2014 году перастаў зьяўляцца на полі і выступаў толькі за дубль. У студзені 2015 году пакінуў «Дынама» па заканчэньні кантракта[6].
У лютым 2015 году пасьля прагляду стаў гульцом «Слуцку»[7]. У слуцкім клюбе замацаваўся ў асноўным складзе, дзе выкарыстоўваўся на пазыцыі левага абаронцы або апорнага паўабаронцы. У верасьні і кастрычніку 2015 году не гуляў праз траўмы. У сьнежні 2015 году ўзгодніў новы кантракт з «Слуцкам»[8]. У сэзоне 2016 году быў футбалістам першага складу, выступаючы на розных пазыцыях у абароне. У cэзоне 2017 году пачаў выступаць пераважна ў якасьці правага абаронцы.
У студзені 2018 году пачынаў трэнавацца з «Слуцкам», але неўзабаве паводле пагадненьня бакоў скасаваў кантракт з клюбам[9] і ў лютым стаў гульцом берасьцейскага «Дынама»[10]. У cэзоне 2018 году нерэгулярна зьяўляўся на полі. У студзені 2019 году па заканчэньні кантракта зышоў з берасьцейскай каманды[11]. У лютым 2019 году вярнуўся ў менскае «Дынама»[12]. У cэзоне 2019 году звычайна быў рэзэрвовым гульцом, толькі ў чэрвені-ліпені ды верасьні-кастрычніку выходзіў у стартавым складзе. У сьнежні 2019 году па заканчэньні кантракта пакінуў сталічны клюб[13].
У студзені 2020 году выправіўся на прагляд у казаскі клюб «Жэтысу» і ў выніку падпісаў зь ім дамову[14]. У студзені 2021 году стала вядома, што Залескі разам зь іншымі беларускімі гульцамі пакінуў «Жэтысу»[15]. У лютым 2021 году стаў гульцом дэбютанта казаскай Прэм’ер-лігі «Турана»[16]. Замацаваўся ў пачатковым складзе каманды. У студзені 2022 году падоўжыў кантракт з клюбам[17]. Паводле вынікаў cэзону 2022 году «Туран» страціў месца ў Прэм’ер-лізе. У сакавіку 2023 году стаў гульцом мазырскай «Славіі»[18]. Пакінуў клюб у сьнежні 2023 году[19], аднак у студзені 2024 году склаў новую працоўную ўгоду з мазырчукамі[20]. У студзені 2025 году прыяднаўся да «Іслачы»[21][22].
Міжнародная
[рэдагаваць | рэдагаваць крыніцу]У 2010—2011 гадах абараняў колеры моладзевай зборнай Беларусі.
Дасягненьні
[рэдагаваць | рэдагаваць крыніцу]- Срэбраны прызэр чэмпіянату Беларусі: 2014
- Уладальнік Кубка Беларусі: 2018
- Уладальнік Супэркубка Беларусі: 2018
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Слуцак | 2015 | Найвышэйшая ліга | 17 | 0 |
| 2016 | Найвышэйшая ліга | 28 | 0 | |
| 2017 | Найвышэйшая ліга | 27 | 1 | |
| Дынама Берасьце | 2018 | Найвышэйшая ліга | 16 | 0 |
Крыніцы
[рэдагаваць | рэдагаваць крыніцу]- ^ а б в Andrey Zaleskiy // Transfermarkt (мн.) — 2000.
- ^ а б в Andrey Zaleski // FBref (мн.)
- ^ а б в Andrey Zaleskiy // As (гішп.) — Madrid: PRISA, 1967. — ISSN 1888-6671
- ^ а б https://fcisloch.by/player.asp?id=%D0%90ndrej-Zale%D1%81kij-770&season=2025MEN
- ^ а б https://fcslavia.by/ru/player/zaleskiy-0
- ^ Минское "Динамо" продлило контракт с Воронковым, рассталось с Залеским и выставило на трансфер Диоманде (рас.)
- ^ Мараховский, Залесский, Левицкий и Гаврюшко пополнили ряды "Слуцка" (рас.)
- ^ Андрей Залеский продлил контракт со "Слуцком" (рас.)
- ^ Залеский покинул «Слуцк» (рас.)
- ^ Брестское "Динамо" объявило о подписании контракта с Андреем Залеским (рас.)
- ^ Андрей Залеский покинул брестское "Динамо" (рас.)
- ^ Андрей Залеский перешел в минское "Динамо" (рас.)
- ^ Галович, Яхая, Ятченко и еще три игрока покинули минское "Динамо" (рас.)
- ^ Андрей Залеский подписал контракт с "Жетысу" (рас.)
- ^ Все белорусы покинули "Жетысу" (рас.)
- ^ Андрей Залеский продолжит карьеру в "Туране" (рас.)
- ^ Андрей Залеский продлил контракт с "Тураном" (рас.)
- ^ Андрей Залеский заключил соглашение со "Славией" (рас.)
- ^ Защитник Андрей Залеский покинул "Славию" (рас.)
- ^ Залеский-старший продолжит выступать за "Славию" (рас.)
- ^ Андрей Залеский перешел в "Ислочь" (рас.). Sport5 (2025-01-09). Праверана 2025-03-08 г.
- ^ Андрей Залеский — футболист "Ислочи" (рас.). Прессбол (2025-01-09). Праверана 2025-03-08 г.
Вонкавыя спасылкі
[рэдагаваць | рэдагаваць крыніцу]- Нарадзіліся 20 студзеня
- Нарадзіліся ў 1991 годзе
- Нарадзіліся ў Наваградку
- Футбалісты клюбу «Іслач» Менскі раён
- Футбалісты клюбу «Дынама» Менск
- Футбалісты клюбу «Бяроза-2010»
- Футбалісты клюбу «Слуцак»
- Футбалісты клюбу «Дынама» Берасьце
- Футбалісты клюбу «Жэтысу» Талдыкарган
- Футбалісты клюбу «Туран» Туркестан
- Футбалісты клюбу «Славія» Мазыр
- Футбалісты моладзевай зборнай Беларусі
- Беларускія футбалісты