Пятро Сіманенка

Пятро Сіманенка
	Пятро Сіманенка
	па-ўкраінску: Петро Миколайович Симоненко
Лідэр Камуністычнай партыі Ўкраіны
	люты 1993 — цяперашні час
Прэзыдэнт	Леанід Краўчук, Леанід Кучма, Віктар Юшчанка
Папярэднік	няма
Асабістыя зьвесткі
Нарадзіўся	1 жніўня 1952 (72 гады); Данецк, УССР, СССР
Партыя	Камуністычная партыя Ўкраіны
Адукацыя	Данецкі нацыянальны тэхнічны ўнівэрсытэт[d];
Узнагароды	ордэн святога роўнаапостальнага вялікага князя Уладзіміра[d]

Пятро Мікалаевіч Сіманенка (Сыманенка) (па-ўкраінску: Петро Миколайович Симоненко; нарадзіўся 1 жніўня 1952 году ў Данецку) — украінскі палітычны дзеяч, старшыня забароненай Камуністычнай партыі Ўкраіны. Народны дэпутат Украіны з другога па сёмае скліканьня, лідэр фракцыі камуністаў. На выбарах Прэзыдэнта Ўкраіны 1999 году выйшаў у другі тур выбараў, дзе саступіў Леаніду Кучму. Пакінуў тэрыторыю Украіны падчас расейскай акупацыі Кіеўскай вобласьці ў сакавіку 2022 года^[1]. Знаходзіцца ў вышуку Службы Бяспекі Украіны.

Біяграфія

Нарадзіўся 1 жніўня 1952 году ў Данецку (УССР, СССР). У 1974 годзе скончыў Данецкі політэхнічны інстытут. Працаваў у інстытуце «Донгіправуглемаш». У 1994 годзе абраны дэпутатам ад Чырвонаармейскай выбарчай акругі ў Данецкай вобласьці.

Удзел у выбарах

Прэзыдэнцкія выбары 1999 году

Пятро Сіманенка зьяўляўся кандыдатам на пост прэзыдэнта Ўкраіны на выбарах 1999 і 2004 году. На выбарах 1999 году ён атрымаў падтрымку 5 849 077 галасоў выбаршчыкаў, альбо 22,24%, і разам зь Леанідам Кучмам трапіў у другі тур выбараў. Нягледзячы на падтрымку амаль ўсіх левых сілаў, у другім туры ён прайграў дзейснаму прэзыдэнту Кучме. Пятра Сіманенку падтрымалі 10 665 420 выбаршчыкаў, альбо 37,80%.^[2]

Прэзыдэнцкія выбары 2004 году

На гэтых выбарах ён атрымаў падтрымку 1 396 135 галасоў выбаршчыкаў, альбо 4,97% (чацьвертае месца)^[3] Найбольшую падтрымку ён атрымаў на поўдні ды ўсходзе Ўкраіны: за яго кандыдатуру прагаласавалі 10,60% выбаршчыкоў Днепрапятроўскай, 10,04% Хэрсонскай, 8,84% жыхароў Севастопалю. Найменш Пятра Сіманенку падтрымалі выбаршчыкі Заходняй Ўкраіны. Так, яго падтрымлі 0,53% выбаршчыкоў Тарнопальскай, 0,70% Івана-Франкоўскай, ды 0,83% Львоўскай вобласьці.

Прэзыдэнцкія выбары 2010 году

Пятро Сіманенка зарэгістраваны^[4] Цэнтральнай выбарчай камісіяй Украіны як кандыдат ад блёку левых ды левацэнтрысцскіх сілаў.^[5] У гэты блёк апрача камуністычнай партыі ўвайшлі таксама Сацыял-дэмакратычная партыя Ўкраіны (аб'яднаная), Усеўкраінскае аб'яднаньне левых «Справядлівасьць» ды Зьвяз левых сілаў. Па выніках выбараў Пятро Сіманенка атрымаў 872 877 галасоў выбаршчыкаў, альбо 3,54%^[6] галасоў (шостае месца).

Крыніцы

Вонкавыя спасылкі

Пятро Сіманенка — сховішча мультымэдыйных матэрыялаў

Чырвоная мроя Сіманенкі — Артыкул ва «Украінскім Тыдні»

[1] СБУ абвесьціла ў вышук кіраўніка забароненай КПУ Пятра Сіманенку (укр.)

[2] Результати голосування (укр.)

[3] Результати голосування по Україні (укр.)

[4] Вибори Президента України 17 січня 2010 року. Кандидати на пост Президента України Цэнтральная Выбарчая Камісія Ўкраіны (укр.)

[5] Лідера КПУ Петра Симоненка висунуто єдиним кандидатом у Президенти України від Блоку лівих сил (укр.)

[6] Старонка Цэнтральнай выбарчай камісіі Ўкраіны па выбарах Прэзыдэнта Ўкраіны 2010 (укр.)

[1]

[2]

[3]

[4]

[5]

[6]