Левача

Левача
славац. Levoča
Герб Левачы Сьцяг Левачы
Дата заснаваньня:	1249
Краіна:	Славаччына
Край:	Прашаўскі
Плошча:	114,767133 км² (2024)
Вышыня:	628 м н. у. м.
Насельніцтва:	▼13 905 чал. (31 сьнежня 2024)
Часавы пас:	UTC+1
летні час:	UTC+2
Тэлефонны код:	053
Паштовы індэкс:	054 01
Нумарны знак:	LE
Геаграфічныя каардынаты:	49°1′22″ пн. ш. 20°35′26″ у. д.
Левача на мапе Славаччыны Левача
Галерэя здымкаў у Вікісховішчы
http://www.levoca.sk

Ле́вача (па-славацку: Levoča, па-нямецку: Leutschau, па-вугорску: Lőcse) — горад ва ўсходняй Славаччыне (гістарычная вобласьць Сьпіш) ля падножжа Левацкіх Врхоў, непадалёк ад замку Сьпіскі Град. Насельніцтва каля 14 тыс. чалавек.

Гісторыя

Упершыню Левача згадваецца ў 1249 годзе ў лісьце караля Бэлы IV, хоць горад існаваў задоўга да гэтага — раманскі касьцёл сьв. Мікалая існаваў тут яшчэ ў XI ст. У 1241 годзе, пасьля мангола-татарскага нашэсьця, сюды прыйшлі першыя нямецкія каляністы.

У 1271 Левача згадваецца ўжо як свабодны каралеўскі горад, цэнтар правінцыі. У XV ст. левацкія купцы атрымалі ад вугорскага караля шэраг прывілеяў і горад пачаў хутка разьвівацца. Дамінантнае становішча Левачы пацьвярдзіў і факт перамогі ў так званай «стогадовай вайне» зь іншымі сьпіскімі гарадамі за права першынства на Сьпішы. У гэты час Левача становіцца цэнтрам пратэстанцкага руху на Славаччыне.

Горад пачаў прыходзіць у занядбаньне ў XVII ст. падчас антыгабсбурскіх паўстаньняў. Страту значэньні Левачы пацьвярдзіў 1871 год, калі новая чыгунка мінула горад.

У цяперашні час Левача невялікае мястэчка з цудоўна захаванымі цэнтрам і шматлікімі помнікамі архітэктуры. У 2009 годзе разам са Сьпіскім Градам сярэднявечныя помнікі Левачы ўтварылі адзіны аб’ект Сусьветнай спадчыны ЮНЭСКО.

Гарады-сябры

• Стары Сонч, Польшча
• Ланьцут, Польшча
• Кальвар’я-Зэбжыдоўская, Польшча
• Кэстхэй, Вугоршчына
• Літаміш, Чэхія