Вэлколінец

Зьвесткі зь Вікіпэдыі — вольнай энцыкляпэдыі
Вэлколінец
Vlkolínec*
Сусьветная спадчына ЮНЭСКО

Уваход у вёску Вэлколінец
Краіна Славаччына
Тып культурны
Крытэры iv, v
Спасылка 622
Рэгіён** Эўропа і Паўночная Амэрыка
Гісторыя ўключэньня
Уключэньне 1993  (17 сэсія)
* Назва ў афіцыйным сьпісе па-ангельску
** Рэгіён паводле клясыфікацыі ЮНЭСКО

Вэлколінец (па-славацку: Vlkolínec) — жывапісная вёска ў Жылінскім краі Славаччыны, цяпер частка гораду Ружамбэрака, якая зьяўляецца тыповым узорам народнай архітэктуры паўночных Карпатаў. Плошча складае 7,97 км², а насельніцтва — 35 чалавек.

Першыя згадкі пра Вэлколінец адносяцца да 1376, а ў 1882 вёска была адміністрацыйна ўключана ў склад суседнягя гораду Ружамбэрак. Вёска з 1977 уваходзіць у сьпіс дзесяці этнаграфічных вёсак — музэяў народнай архітэктуры Славаччыны, а з 1993 як найбольш цэльны яе ўзор была ўключана ў сьпіс Сусьветнай спадчыны UNESCO па крытэрах iv і v.

Вэлколінец прадстаўляе тыповую для Цэнтральнай Эўропы вёску з царквой, званіцай і школай 1860 году пабудовы ў цэнтры паселішча, забудаваную больш за 45 драўлянымі хатамі з чарапічным пакрыцьцём дахаў, якія маюць па два-тры пакоі. Хоць драўляная званіца, якая прымыкае да школы, адносіцца да 1770 году, царква Багародзіцы, пабудаваная ў барочным стылі, была збудаваная толькі ў 1875.