Кузава

Зьвесткі зь Вікіпэдыі — вольнай энцыкляпэдыі
Кузава
польск. Kuzawa
Кузава
Першыя згадкі: 1560
Былая назва: Бабічы
Мясцовая назва: Kuzava
Краіна: Польшча
Ваяводзтва: Падляскае
Павет: Гайнаўскі
Гміна: Чаромха
Насельніцтва: 195 чал. (2013)[1]
Часавы пас: UTC+1
летні час: UTC+2
Тэлефонны код: (+48) 85
Паштовы індэкс: 17-240
Нумарны знак: BHA
Геаграфічныя каардынаты: 52°30′0″ пн. ш. 23°24′0″ у. д. / 52.5° пн. ш. 23.4° у. д. / 52.5; 23.4Каардынаты: 52°30′0″ пн. ш. 23°24′0″ у. д. / 52.5° пн. ш. 23.4° у. д. / 52.5; 23.4
Кузава на мапе Польшчы
Кузава
Кузава
Кузава
Галерэя здымкаў у Вікісховішчы

Ку́зава (па-польску: Kuzawa, па-падляску: Kúzava[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Чаромха.

Царква сьв. Барбары (1980 г.).

Насельніцтва[рэдагаваць | рэдагаваць крыніцу]

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход сьв. Барбары на месцы[3]). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя.

Гісторыя[рэдагаваць | рэдагаваць крыніцу]

У 1560 годзе вёска Бабічы (праўдападобна першым арандатарам вёскі быў Бабіцкі) зьяўлялася каралеўскім прадмесьцем суседніх Кляшчэляў і разьмяшчалася на 30 валоках кепскай зямлі. Пасьля Люблінскай вуніі знаходзілася на самой мяжы паміж Каронай Польскай і ВКЛ (на падляскім, каралеўскім боку). У люстрацыі клашчэлеўскіх маёмасьцяў 1660 году ўпершыню сустракаецца назва Кузава. На рэчцы Нурэц былі тут млыны, а побач зь вёскай існавалі 2 фальваркі. Ужо ў першай палове 19 ст. мясцовымі жыхарамі была пабудаваная вясковая школа[4]. У міжваенны пэрыяд Кузава прыналежала да гміны Кляшчэлі Бельскага павету Беластоцкага ваяводзтва. Паводле польскага перапісу насельніцтва 1921 г. пражывала тут 180 жыхароў (6 каталікоў і 174 праваслаўных, усе пагалоўна запісаныя палякамі)[5]. Пасьля Другой сусьветнай вайны Кузава была далучаная да гміны Чаромха. У 1980 годзе была пабудаваная царква ў гонар сьв. Барбары, а ў 1984 г. заснаваная самастояная парафія (раней жыхары Кузавы прыналежалі да парафіі ў Кляшчэлях.

Зноскі[рэдагаваць | рэдагаваць крыніцу]

  1. ^ Główny Urząd Statystyczny. Bank Danych Lokalnych. (пол.) Праверана 10 чэрвеня 2015 г.
  2. ^ Pudlaśki nazvy. Kuzava svoja.org Праверана 10 чэрвеня 2015 г.
  3. ^ Rys historyczny Parafii Prawosławnej w Kuzawie pod wezw. Św. Barbary (пол.) Parafie. Gmina Czeremcha. Праверана 10 чэрвеня 2015 г.
  4. ^ Nadzieja Sulima (red.), Słownik nazw geograficznych gminy Czeremcha, Czeremcha 2008, s. 107
  5. ^ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 21 (пол.) Праверана 10 чэрвеня 2015 г.