Крыштап Францішак Сапега
![Крыштап Францішак Сапега. З Коданскай галерэі, 1709[1]](/wiki/%D0%A4%D0%B0%D0%B9%D0%BB:Kry%C5%A1tap_Franci%C5%A1ak_Sapieha._%D0%9A%D1%80%D1%8B%D1%88%D1%82%D0%B0%D0%BF_%D0%A4%D1%80%D0%B0%D0%BD%D1%86%D1%96%D1%88%D0%B0%D0%BA_%D0%A1%D0%B0%D0%BF%D0%B5%D0%B3%D0%B0_(1709).jpg) | |
 Герб «Ліс» | |
| Асабістыя зьвесткі | |
|---|---|
| Нарадзіўся | 2 лютага 1623 |
| Памёр | 5 верасьня 1665 |
| Пахаваны | |
| Род | Сапегі |
| Бацькі | Фрыдэрык Сапега Эва з Скашэўскіх |
| Жонка | Алена з Саламярэцкіх |
| Дзеці | Станіслаў Казімер, Уладзіслаў Язафат, Андрэй Францішак |
| Дзейнасьць | вайсковец |
Крыштап Францішак Сапега (2 лютага 1623 — 5 верасьня 1665) — дзяржаўны і вайсковы дзяяч Вялікага Княства Літоўскага. Чашнік і падстолі (з 1658), стольнік (з 1659), крайчы вялікі літоўскі (з 1661). Быў старостам ашмянскім.
Біяграфія
[рэдагаваць | рэдагаваць крыніцу]
З коданскай лініі магнацкага роду Сапегаў гербу «Ліс», сын Фрыдэрыка, падкаморага ўладзімерскага, і Эвы з Скашэўскіх. Меў братоў Яна Фрыдэрыка, Тамаша Казімера і Аляксандра Казімера.
Навучаўся ў Калегіюме Навадворскага ў Кракаве, з 1638 году — у Кракаўскай акадэміі. У 1641 годзе выехаў па навуку ў Балёньню, Італія.
Па вяртаньні на Радзіму стаў дваранінам караля і вялікага князя Ўладзіслава Вазы, з 1648 году — Яна Казімера.
Браў удзел у казацка-сялянскай вайне 1648—1654 гадоў. Удзельнічаў у бітвах пад Жоўтымі Водамі, Піляўцамі, Берастэчкам і Белай Царквой. З пачаткам вайны Маскоўскай дзяржавы з Рэччу Паспалітай (1654—1667) змагаўся з маскоўскім войскам, а таксама супраць швэдаў.
У лютым 1658 году атрымаў урад чашніка, празь месяц — падстоліем, у 1659 годзе — стольніка і нарэшце, у 1661 годзе — крайчага. Абіраўся паслом на соймы 1661, 1662, 1664 і 1665 гадоў.
Ажаніўся да 1657 году з Аленай (памерла па 1667), дачкой кашталяна смаленскага Мікалая Льва Саламярэцкага. У шлюбе нарадзіліся дзеці:
- Станіслаў Казімер (памёр каля 1673), староста трабскі;
- Уладзіслаў Язафат (памёр у 1733), ваявода менскі і берасьцейскі;
- Андрэй Францішак (1660—1681), староста чырвонагродзкага.
Крыніцы
[рэдагаваць | рэдагаваць крыніцу]- ^ Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008.
Літаратура
[рэдагаваць | рэдагаваць крыніцу]- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
Вонкавыя спасылкі
[рэдагаваць | рэдагаваць крыніцу]
Крыштап Францішак Сапега — сховішча мультымэдыйных матэрыялаў