Катавіцы
Катаві́цы (па-польску: Katowice, па-нямецку: Kattowitz, па-сылеску: Katowicy, па-чэску: Katovice) – горад, разьмешчаны ў паўднёвай Польшчы, зьяўляецца адміністрацыйным цэнтрам Сылескага ваяводзтва, цэнтар Горнасылесай прамысловай акругі. Колькасьць насельніцтва наічвае каля 310 тыс. чалавек і па гэтым паказчыку горад займае дзесятае месца ў краіне. Катавіцы займаюць плошчу 165 км² і гэта адзінаццаты паказчык у Польшчы. Горад уваходзіць у Зьвяз польскіх мэтраполій.
Геаграфія
Катавіцы знаходзяцца на Катавіцкім узвышшы, якое адносіцца да Сылескага Ўзвышша. Горад знаходзіцца на мяжы водных падзелаў Віслы і Одры, і натуральнай мяжы паміж Малапольскай і Сылезіяй. Праз Катавіцы цякуць рэкі Рава (прыток Віслы) і Кладніца (прыток Одры), а так сама некалькі невялікіх рэчак.
Плошча гораду характарызуецца невялікімі перападамі вышыні, якія складаюць каля 100 мэтраў. Самая высокая кропка гораду знаходзіцца на вышыні 352 мэтры над узроўнем мора (раён Мурцкі), а самая нізкая кропка на вышыні 261 м (раён Зарэчча). З геалягічнага пункту гледжаньня Катавіцы знаходзяцца над Горнасылескім вугальным радовішчам, якое ўключае Горнасылеская прамысловая акруга і Рыбніцкая вугальная акруга.
Сярэднегавадвая тэмпэратура паветра ў горадзе складае каля +7,9ºC, сярэдняя тэмпэратура ліпеня +17,4 ºC, студзеня – 2,7 ºC. Сярэдняя колькасьць ападкаў на працягу года складае 721 мм, зь якіх большасьць выпадае ў жніўні - 110 мм. Вецер характарызуецца слабай сілай, з сярэдняй хуткасьцю 3,3 м/с, большасьць зь якіх дзьме з захаду (21%). Сьнег пакрывае Катавіцы, ў сярэднім, 60 дзён у годзе.
На адлегласьці сотні кілямэтраў ад Катавіцаў знаходзяцца шэсьць эўрапейскіх сталіцаў: Бэрлін, Братыслава, Будапэшт, Прага, Варшава, Вена.
Дэмаграфія
Дэмаграфічнае разьвіцьцё гораду зьвязана з уключэньнем у склад Катавіцаў прыгарадаў. З атрыманьнем у 1865 годзе правоў горада, Катавіцы ў некалькі разоў павялічылі сваю плошчу і некалькі разоў зьмянялі сваю адміністрацыйную структуру. 15 ліпеня 1924 года колькасьць насельніцтва перавысіла 100 тыс. чалавек. У гэты дзень у склад гораду былі уключаны некалькі прыгарадаў (Багучыцы, Брунаў, Дуб, Лігота, Залеская, Галда і Зоддзьзе), што павялічыла колькасьць жыхароў Катавіцаў амаль удвая, з 57 тыс. да 113 тыс. наступныя далучэньні прыгарадаў адбыліся ў 1951, 1960 і 1975 г.г. Але ў 1980-х г.г. наступіла зьмена тэндэнцыі дэмакратычнага разьвіцьця гораду і пачалося зьмяньшэньне колькасьці насельніцтва з 368 621 чалавек у 1987 годзе да 309 621 чалавек у 2008 годзе.
Эканоміка
Эканоміка Катавіцаў заснавана на разьвіцьці сэктара паслугаў. З 150 тыс. працуючых жыхароў горада, каля 73% працаўладкаваныя ў гэтым сэктары. Такія посьпехі эканоміка гораду змагла дасягнуць дзякуючы эканамічным рэформам гарадзкіх уладаў, якія доўжацца апошнія некалькі гадоў. У 2006 годзе сярэдні заробак у Катавіцах склаў каля 4,3 тыс. злотых (каля 3,4 млн. рублёў), і гэта адзін з самых высокіх паказчыкаў у Польшчы. Акрамя гэтага Катавіцы маюць адзін з самых высокіх паказчыкаў у Польшчы па адносінах СУП на аднаго жыхара (каля 67,5 тыс. злотых, ці 54 млн. рублёў).
На тэрыторыі гораду зарэгістравана каля 48 тыс. эканамічных суб’ектаў, што складае каля 10% ад усіх эканамічных суб’ектаў ва ўсім ваяводзтве. Тэмп росту колькасьці складае каля 8-10% у год. Каля 1/5 з гэтых суб’ектаў дзейнічаюць з удзелам замежнага капіталу. Акрамя гэтага ў Катавіцах знаходзіцца свабодная эканамічная зона.
Партнэрскія гарады
Вонкавыя спасылкі
Катавіцы — сховішча мультымэдыйных матэрыялаў