Ежы Папялушка
| Ежы Папялушка | |
| польск. Jerzy Popiełuszko | |
 | |
| Адукацыя | Вышэйшая мэтрапаліцкая духоўная сэмінарыя ў Варшаве[d] |
|---|---|
| Дзейнасьць | ксёндз і прафсаюзны дзяяч |
| Сапраўднае імя | польск. Alfons Popiełuszko |
| Нарадзіўся | 14 верасьня 1947[1][2] Акопы[d], Сухаволя, Сакольскі павет, Падляскае ваяводзтва, Польшча |
| Памёр | 19 кастрычніка 1984[3][1][2] (37 гадоў) Улацлавак |
| Пахаваны | магіла Ежы Папялушкі ў Варшаве[d] і касьцёл сьвятога Станіслава Косткі[d] |
| Маці | Мар’яна Папялушка[d] |
| Узнагароды |   
|
 Галерэя здымкаў у Вікісховішчы | |
Е́жы Папялу́шка (па-польску: Jerzy Popiełuszko; 14 верасьня 1947, Акопы ў гміне Сухаволя Падляскага ваяводзтва — 19 кастрычніка 1984, каля Улацлаўку) — польскі каталіцкі сьвятар, зьвязаны з «Салідарнасьцю», капэлян працоўных. Быў забіты функцыянэрамі Службы бясьпекі (СБ). Блаславёны.
Біяграфія[рэдагаваць | рэдагаваць крыніцу]
Нарадзіўся ў 1947 годзе, па некаторых сьведчаньнях, у сям’і этнічных беларусаў[4].
Скончыў духоўную сэмінарыю ў Варшаве. У 1972 годзе быў высьвячаны на сьвятара кардыналам Стэфанам Вышынскім. У час забастовак у 1980 годзе займаўся душпастырскай апекай у асяродзьдзі працаўнікоў Варшавы (спавядаў, правіў літургіі падчас страйку ў Гуце-Варшава).
Лічыўся адным з духоўных пастыраў арганізацыі «Салідарнасьць». Публічна крытыкаваў камуністычную ўладу, адкрыта выступаў у абарону правоў чалавека і захаваньня ідэалаў «Салідарнасьці» (літургіі за Бацькаўшчыну ў парафіі сьв. Станіслава Косткі ў Варшаве падчас ваеннага становішча). 19 кастрычніка 1984 году ксёндз Папялушка быў выкрадзены функцыянэрамі Службы бясьпекі, жорстка закатаваны і ўтоплены ў Вісьле.
Сёньня яго магіла знаходзіцца ля касьцёлу сьв. Станіслава Косткі ў варшаўскім раёне Жалібож.
Памяць[рэдагаваць | рэдагаваць крыніцу]
Працэс бэатыфікацыі ксяндза Папялушкі афіцыйна пачаўся 8 лютага 1997 году ў касьцёле сьв. Станіслава Косткі, а дыяцэзіяльны этап працэсу скончыўся дакладна чатыры гады пазьней. Затым з 3 траўня 2001 году пачалася праца Кангрэгацыі па справах кананізацыі, якая ў 2002 годзе выдала пастанову пра сапраўднасьць працэсу. 19 сьнежня 2009 году быў аб’яўлены дэкрэт Папы Рымскага Бэнэдыкта XVI пра яго мучаніцтва[5]. Бэатыфікацыю прызначылі на 6 чэрвеня 2010 году ў Варшаве.
Фільмы пра Папялушку зьнялі: у 1988 годзе Агнешка Голанд — «Забіць сьвятара» («To Kill a Priest») і ў 2009 годзе Рафал Вячынскі — «Popiełuszko. Wolność jest w nas» («Папялушка. Свабода ўнутры нас»).
13 кастрычніка 2009 году быў пасьмяротна ўзнагароджаны Ордэнам Белага Арла[6]. У 2009 годзе, на 25-ую гадавіну сьмерці сьвятара, Польская пошта выпусьціла марку 1,55 злотага з яго выявай[7].
- Помнік ксяндзу Папялушку ў Беластоку
Крыніцы[рэдагаваць | рэдагаваць крыніцу]
- ^ а б SNAC — 2010.
- ^ а б Find a Grave — 1995. — ed. size: 165000000
- ^ data.bnf.fr: плятформа адкрытых зьвестак — 2011.
- ^ http://nn.by/?c=ar&i=117247
- ^ Ewa K. Czaczkowska, Jan Paweł II i ks. Jerzy na ołtarze w 2010 r. // rp.pl, 21.12.2009 (пол.)
- ^ Postanowienie Prezydenta Rzeczypospolitej Polskiej z dnia 13 października 2009 r. o nadaniu orderu, M.P. Nr 28, poz. 314 // (пол.)
- ^ Znaczki wprowadzone do obiegu w okresie: 30.09 — 31.12 2009r.: // poczta-polska.pl (пол.)
Літаратура[рэдагаваць | рэдагаваць крыніцу]
- Milena Kindziuk, Ksiądz Jerzy Popiełuszko. Axel Springer, ISBN 978-83-7558-255-0.
Вонкавыя спасылкі[рэдагаваць | рэдагаваць крыніцу]
Ежы Папялушка — сховішча мультымэдыйных матэрыялаў
- Нарадзіліся 14 верасьня
- Нарадзіліся ў 1947 годзе
- Нарадзіліся ў Падляскім ваяводзтве
- Памерлі 19 кастрычніка
- Памерлі ў 1984 годзе
- Пахаваныя ў Варшаве
- Узнагароджаныя ордэнам Белага арла
- Польскія каталіцкія сьвятары
- Рэпрэсаваныя ў Польскай Народнай Рэспубліцы
- Памерлі ў Куяўска-Паморскім ваяводзтве
- Забітыя сьвятары
- Асобы на марках
- Каталіцкія блаславёныя
- Ежы Папялушка
