Беларускае (Крывіцкае) культурнае таварыства імя Францішка Скарыны

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Беларускае (Крывіцкае) культурнае таварыства імя Францішка Скарыны ў Празе — грамадзкая арганізацыя беларускай эмігранцкай інтэлігенцыі. Створаная ў 1925 року з нагоды 7-й гадавіны абвяшчэньня незалежнасьці Беларусі і 400-годзьдзя беларускага друку. Сярод заснавальнікаў: Мікалай Вяршынін, Ігнат Дварчанін, Тамаш Грыб, Вінцэнт Жук-Грышкевіч, Францішак Грышкевіч, Уладзімер Жылка, Васіль Захарка, Адольф Клімовіч, М. Коберац, Пётра Крачэўскі, Аляксандар Орса, Васіль Русак, Ян Станкевіч, М. Чарноцкі й іншыя. Філіі таварыства дзеялі ў Вільні, Варшаве, Бэрліне, Брусэлі, Коўне, Лілі, Рызе, Рыме. Мэты: падтрымка адраджэнцкага руху беларусаў, правядзеньне культурна-асьветніцкай работы, выхаваньне дбайных адносін да роднай мовы, вывучэньне айчыннай гісторыі, народных звычаяў і традыцыяў, падрыхтоўка нацыянальна сьвядомых кадраў беларускай інтэлігенцыі, садзейнічаньне перакладам твораў беларускіх пісьменьнікаў на замежныя мовы й іншае. Імкнулася да супрацоўніцтва з Эўрапейскай асацыяцыяй студэнтаў, прыхільна ставілася да духоўнага пабрацімства славянаў, разьвівала ідэі дзяржаўнай незалежнасьці і самастойнасьці. Выдавала на лацінцы часопіс «Iskry Skaryny» (з 1931). Час спыненьня дзейнасьці таварыства невядомы.

Літаратура[рэдагаваць | рэдагаваць крыніцу]