Анджэлё Палёмба

Анджэлё Палёмба
Пэрсанальная інфармацыя
Нарадзіўся	25 верасьня 1981 (43 гады) Фэрэнтына, Італія
Рост	177 см
Вага	77 кг
Пазыцыя	паўабаронца
Клюбы
Гады	Клюб	Гульні (галы)¹
2001—2002 2002—2017 2012	Фіярэнтына Сампдорыя → Інтэрнацыянале	10 (0) 411 (13) 3 (0)
Зборныя
2006—2011	Італія	22 (0)

Анджэлё Палёмба (па-італьянску: Angelo Palombo; нарадзіўся 25 верасьня 1981 году, Фэрэнтына, Італія) — італьянскі футбаліст, паўабаронца. Выступаў за нацыянальную зборную Італіі.

Кар’ера

Раньнія гады

Моладзевыя гады правёў у «Фіярэнтыне», за якую дэбютаваў 10 лютага 2002 году супраць клюбу «Вэнэцыя». Аднак клюб у хуткім часе вылецеў з элітнага дывізіёну і збанкруціўся.

«Сампдорыя»

Ён пераехаў у «Сампдорыю», у клюб Сэрыі Б, на правах вольнага агента ў 2002 годзе падчас летняга трансфэрнага вакна. У першы сэзон клюб здолеў прабрацца ў эліту, а Анджэлё зарэкамэндаваў сябе як неад’емная частка каманды.

«Інтэр»

21 студзеня 2012 году Анджэлё быў перададзены «Інтэрнацыянале» ў паўгадавую арэнду з правам наступнага набыцьця гульца.

Зборная

16 жніўня 2006 году дэбютаваў у нацыянальнай зборнай, выйшаўшы на замену ў матчы супраць зборнай Харватыі. Першым міжнародным турнірам, на які Анджэлё паехаў у складзе асноўнай каманды «скуадры адзуры», стаў Кубак канфэдэрацыяў 2009 году ў ПАР.

Вонкавыя спасылкі

Анджэлё Палёмба — сховішча мультымэдыйных матэрыялаў

• Профіль на афіцыйным сайце «Сампдорыі»
• Статыстыка(недаступная спасылка) на Transfermarkt