Аляксандар Рыбак

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Аляксандар Рыбак
бел. Аляксандр Рыбак
Alexander Rybak at the Eurovision press conference.jpg
А. Рыбак на прэс-канфэрэнцыі «Эўрабачаньня».
Дата нараджэньня 13 траўня 1986 (33 гады)
Месца нараджэньня Менск, БССР, СССР
Гады творчасьці ад 1991
Краіна Нарвэґія
Прафэсіі музыка, сьпявак, кампазытар
Вакал лірычны тэнар[d]
Інструмэнты скрыпка
Жанры поп, клясыка, фольк
Гурты Сымфанічны моладзевы аркестар «Унг Сымфоні» (Ung Symfoni)
Супрацоўніцтва М. Харкет
Лэйблы Universal Music Group
Узнагароды
Аляксандар Рыбак / Myspace

Алякса́ндар І́гаравіч Рыба́к (нарв. Alexander Rybak; 1986, Менск, цяпер Беларусь) — нарвэскі скрыпач, сьпявак, кампазытар і актор беларускага паходжаньня, пераможца конкурсу песьні «Эўрабачаньне-2009» у Маскве.

Дзяцінства[рэдагаваць | рэдагаваць крыніцу]

Сын скрыпача Ігара Аляксандравіча (нарадзіўся ў 1954) і піяністкі Натальлі Валянцінаўны (нарадзілася ў 1959) Рыбакоў.

З раньніх гадоў выхоўваўся на фальклёры і клясычнай музыцы, зь дзяцінства ён успамінае «Купалінку» і інш. беларускія народныя песьні. Бацька і першы настаўнік Аляксандра — Ігар Рыбак — працаваў у музычным ансамблі ў Віцебску; надаваў сыну час, каб пазаймацца зь ім музыкай. Схільнасьць да мастацтва ў Аляксандра выявілася рана — па ўспамінах яго бацькі, калі сыну было 3 гады, аднойчы падчас прагулкі ў лесе ён засьпяваў песьню ўласнага складаньня. Зь пяці гадоў пачаў гуляць на скрыпцы і фартэпіяна, складаць песьні і сьпяваць.

У 6 гадоў Аляксандар разам з бацькамі пераехаў у Нарвэґію, куды яго бацькі запрасілі працаваць; затым на паўгода вярнуўся ў Менск, вучыцца пачаў у школе пры Беларускай дзяржаўнай акадэміі музыкі. У Нарвэґіі сям’я пасялілася ў прыгарадзе Осла — г. Нэсодэн (фюльку Акерсхус). Аляксандар скончыў кансэрваторыю ў Осла.

Творчасьць[рэдагаваць | рэдагаваць крыніцу]

У 2004 быў узнагароджаны прызам Андэрса Ярэса ў вобласьці культуры. Дайшоў да паўфіналу ў нарвэскім варыянце «Фабрыкі зорак» — шоў «Ідал». У 2006 выйграў конкурс «Вялікі шанец» тэлекампаніі NRK з уласнай песьняй «Foolin'». Супрацоўнічаў са шматлікімі акторамі, у тым ліку лідэрам гурту a-ha Мортэнам Харкетам і Арвэ Тэлефсэнам, выступаў з адным з самых вядомых у сьвеце скрыпачоў Пінхасам Цукерманам. У 2007 годзе граў ролю скрыпача ў пастаноўцы нарвэскага тэатру Oslo Nye Teater мюзыклу «Скрыпач на даху», за што атрымаў Heddaprisen. З гэтым мюзыклам гастраляваў у Эўропе, Амэрыцы, Кітаі. Здымаўся ў ролі Леві ў фільме «Ёган» рэжысэра Грэтэ Салямонсэна.

Працуе канцэртмайстрам у найбуйнейшым у Нарвэґіі сымфанічным моладзевым аркестры «Унг Сымфоні» (Ung Symfoni), у плянах — здымкі ў тэлестужцы. Сваімі кумірамі ў музыцы сьпявак называе Моцарта, The Beatles і Стынга.[1]

У 2009 годзе выйграў са сваёй песьняй у стылі фольк «Fairytale» нарвэскі нацыянальны адбор (Melodi Grand Prix 2009), атрымаў 700 тысяч галасоў тэлегледачоў, і быў абраны прадстаўніком Нарвэґіі на «конкурсе Эўрабачаньне-2009», а затым стаў пераможцам гэтага конкурсу. Акампанаваў яму фолькавы танцавальны гурт Frikar. Рыбак набраў 387 балаў, усталяваўшы новы рэкорд. Папярэдні прыналежаў фінскаму гурту «Лордзі» — 292 бала — і быў усталяваны ў 2006 годзе. Яшчэ да конкурсу Аляксандар сказаў, што калі пераможа, то палова гэтай перамогі будзе прыналежаць Беларусі.

Па вяртаньні ў Нарвэґію сьпявак працягнуў працаваць над альбомам. 1 чэрвеня 2009 году выйшаў дэбютны альбом Аляксандра Рыбака «Fairytales» («Казкі»). Аляксандар хутка адправіцца на гастролі ў шматлікія краіны, у тым ліку і ў Беларусь.

Сувязі з Радзімай[рэдагаваць | рэдагаваць крыніцу]

Нягледзячы на тое, што Аляксандар пасьля пераезду ў Нарвэґію не бываў на радзіме, ён і яго бацькі захоўваюць сувязі зь Беларусьсю. Бабулі і дзядулі жывуць у Менску і Віцебску, а дзядзька Аляксандра па бацьку, журналіст, жыве ў Маскве. Кнігі на беларускай ці расейскай мовах Аляксандар цяпер чытае рэдка, але выконвае песьні свайго бацькі на вершы Максіма Багдановіча.[2] Лічыць, што родная культура паўплывала на фармаваньне яго музычных густаў[3].

29 траўня 2009 году А. Рыбак удзельнічаў у журы конкурсу «Новыя галасы Беларусі» ў Менску.[4] Яго запрасілі на 18 Міжнародны фэст мастацтваў «Славянскі базар у Віцебску»[5]. Пра сваё вандраваньне ў Беларусь Аляксандр сказаў, што лепш выступіць з канцэртам у маленькай краіне, дзе ўсе цябе любяць і чакаюць, чым у вялікай, дзе цябе ніхто ня ведае.[6]

У верасьні 2011 г. запісаў сваю беларускамоўную вэрсію сваёй песьні «Небасхіл Эўропы» (анг. Europe's Skies), зь якой у 2009 г. перамог на «Эўрабачаньні», для музычнай складанкі «Будзьма! Тузін. Перазагрузка-2»[7]. На сьнежань 2015 г. у амэрыканскай сацыяльнай сетцы «Фэйсбук» яго старонка была 2-ай найбольш упадабанай у Беларусі з больш як 842 тыс. упадабаньняў[8].

Дыскаграфія[рэдагаваць | рэдагаваць крыніцу]

Альбомы[рэдагаваць | рэдагаваць крыніцу]

Год Альбом Пазыцыі ў чартах
NOR RUS
2009 Fairytales 1 1
2010 No Boundaries
  • Студыйны Альбом
  • Рэліз: 14 чэрвеня 2010
  • Лэйбл: Universal Music Group
  • Жанр: Поп-музыка
7 -

Сынглы[рэдагаваць | рэдагаваць крыніцу]

Год Сынгл Пазыцыі ў чартах[10]
NOR SWE GRE RUS
2009 «Fairytale» 1 4 1 74
Папярэднік
Марыя Гаўкас Сторэнг
Нарвэгія на конкурсе песьні Эўрабачаньне
2009
Наступнік
Дзідрык Солі-Танген
Папярэднік
Дзіма Білан
Пераможца конкурсу песьні «Эўрабачаньне»
2009
Наступнік
Лена Маер-Ляндрут

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]