Аляксандар Міхневіч

Аляксандар Міхневіч
	Аляксандар Міхневіч
5-ы амбасадар Беларусі ў Бэльгіі
	13 чэрвеня 2016 — 29 ліпеня 2021
Прэзыдэнт	Аляксандар Лукашэнка
Прэм’ер-міністар	Раман Галоўчанка, Сяргей Румас, Андрэй Кабякоў
Папярэднік	Андрэй Яўдачэнка
1-ы намесьнік міністра замежных справаў Беларусі
	12 верасьня 2012 — 13 чэрвеня 2016
Прэм’ер-міністар	Андрэй Кабякоў, Міхаіл Мясьніковіч
Папярэднік	Ігар Петрышэнка
Наступнік	Андрэй Яўдачэнка
5-ы амбасадар Беларусі ў Вялікабрытаніі
	4 жніўня 2006 — 12 верасьня 2012
Прэм’ер-міністар	Міхаіл Мясьніковіч, Сяргей Сідорскі
Папярэднік	Аляксей Мажухоў
Наступнік	Сяргей Алейнік
Намесьнік міністра замежных справаў Беларусі
	23 сакавіка 2000 — 30 кастрычніка 2006
Прэм’ер-міністар	Сяргей Сідорскі, Генадзь Навіцкі, Уладзімер Ярмошын,
Асабістыя зьвесткі
Нарадзіўся	24 сьнежня 1953 (71 год); Менск, Беларуская ССР, СССР
Адукацыя	Маскоўскі інжынэрна-фізычны інстытут (1977), Усесаюзная акадэмія вонкавага гандлю (1986)
Бацька	Юры Міхневіч (1925—1998)

Вікіпэдыя мае артыкулы пра іншых асобаў з прозьвішчам Міхневіч.

Алякса́ндар Ю́р’евіч Міхне́віч (нар.1953, Менск, цяпер Беларусь) — беларускі дыплямат.

Намесьнік (2000—2006) і 1-ы намесьнік міністра замежных справаў Беларусі (2012—2016), 5-ы амбасадар Беларусі ў Вялікабрытаніі (2006—2012) і ў Бэльгіі (2016—2021). Сын міністра культуры Беларускай ССР Юрыя Міхневіча (1977—1988)

Жыцьцяпіс

Нарадзіўся ў сям'і сакратара Менскага гарадзкога камітэту Камсамолу Беларусі Юрыя Міхневіча. У 1977 годзе скончыў Маскоўскі інжынэрна-фізычны інстытут (Расейская СФСР). У 1977—1978 гадах працаваў інжынэрам вытворча-тэхнічнага аб’яднаньня «Інтэграл» у Менску (Беларуская ССР), дзе ў 1979—1980 гадах быў намесьнікам сакратара камітэту камсамолу. У 1980—1983 гадах — загаднік аддзелу Менскага гарадзкога камітэту Камуністычнага саюзу моладзі Беларусі. У 1983—1986 гадах — слухач Усесаюзнай акадэміі вонкавагага гандлю. У 1986—1987 гадах выконваў абавязкі закадніка аддзелу кадраў Беларускага навукова-дасьледчага інстытуту навукова-тэхнічнай інфармацыі і тэхніка-эканамічных дасьледаваньняў Дзяржпляну БССР, дзе ў 1987—1988 гадах працаваў загаднікам аддзелу патэнтна-ліцэнзійных дасьледаваньняў. З 1988 году быў начальнікам аддзелу вонкаваэканамічных сувязяў Міністэрства лёгкай прамысловасьці БССР.

У 1992—1995 гадах быў начальнікам адпаведнага аддзелу, а затым управы канцэрну «Беллегпрам», дзе ад 15 жніўня 1995 году да 31 сакавіка 2000 году быў 1-м віцэ-прэзыдэнтам^[1]^[2].

23 сакавіка 2000 году прызначаны намесьнікам міністра замежных справаў Рэспублікі Беларусь^[3]. 4 жніўня 2006 году быў прызначаны Надзвычайным і Паўнамоцным Амбасадарам Рэспублікі Беларусь у Аб'яднаным Каралеўстве Вялікае Брытаніі ды Паўночнае Ірляндыі, а таксама амбасадарам у Рэспубліцы Ірляндыя па сумяшчальніцтве^[4]. Толькі 30 кастрычніка 2006 году быў фармальна вызвалены ад пасады намесьніка Міністра^[5].

18 сьнежня 2003 году ўзнагароджаны Ганаровай граматай Савету Міністраў^[6]. Са жніўня 2006-га і да верасьня 2012 году — амбасадар Беларусі ў Вялікабрытаніі і па сумяшчальніцтве ў Ірляндыі. Ад 10 верасьня 2012-га па 13 чэрвеня 2016 году быў 1-м намесьнікам міністра замежных справаў Беларусі.13 чэрвеня 2016 году прызначаны амбасадарам Беларусі ў Бэльгіі. 29 ліпеня 2021 году А. Лукашэнка падпісаў Указ № 296 аб вызваленьні Міхневіча з пасады амбасадара Беларусі ў Бэльгіі і па сумяшчальніцтве ў Люксэмбургу ў сувязі з выхадам у адстаўку. Адначасна Міхневіча вызвалілі з пасады пастаяннага прадстаўніка Беларусі пры Эўразьвязе, Эўрапейскай супольнасьці па атамнай энэргіі і па сумяшчальніцтве пры Арганізацыі Паўночнаатлянтычнай дамовы^[7].

Крыніцы

Вонкавыя спасылкі

EMBASSY OF THE REPUBLIC OF BELARUS IN THE UNITED KINGDOM OF GREAT BRITAIN AND NORTHERN IRELAND — Ambassador (па стане на 20 красавіка 2009 году)(недаступная спасылка) (анг.)

[1] Постановление Кабинета Министров Республики Беларусь от 15 августа 1995 г. №445 "О назначении А.Ю.Михневича первым вице-президентом Белорусского государственного концерна по производству и реализации товаров легкой промышленности(недаступная спасылка) (рас.)

[2] Постановление Совета Министров Республики Беларусь от 31 марта 2000 г. №436 "Аб вызваленні А.Ю.Міхневіча ад пасады першага віцэ-прэзідэнта Беларускага дзяржаўнага канцэрна па вытворчасці і рэалізацыі тавараў лёгкай прамысловасці"(недаступная спасылка)

[3] Указ Президента Республики Беларусь от 23 марта 2000 г. №151 "О назначении А.Ю.Михневича заместителем Министра иностранных дел Республики Беларусь"(недаступная спасылка) (рас.)

[4] Указ Президента Республики Беларусь от 4 августа 2006 г. №495 "О назначении А.Ю.Михневича Чрезвычайным и Полномочным Послом Республики Беларусь в Соединенном Королевстве Великобритании и Северной Ирландии, Чрезвычайным и Полномочным Послом Республики Беларусь в Ирландии по совместительству"(недаступная спасылка) (рас.)

[5] Постановление Совета Министров Республики Беларусь от 30 октября 2006 г. №1433 "Аб назначэнні і вызваленні некаторых службовых асоб" (рас.)

[6] Постановление Совета Министров Республики Беларусь от 18 декабря 2003 г. №1659 "О награждении А.Ю.Михневича Почетной грамотой Совета Министров Республики Беларусь" (рас.)

[7] Аляксандар Міхневіч вызвалены з пасады пасла Беларусі ў Бэльгіі і пастаяннага прадстаўніка пры ЭЗ // Прэзыдэнт Рэспублікі Беларусь, 29 ліпеня 2021 г. Праверана 30 ліпеня 2021 г.

[1]

[2]

[3]

[4]

[5]

[6]

[7]

п а р Надзвычайныя і Паўнамоцныя Амбасадары Рэспублікі Беларусь у Аб’яднаным Каралеўстве Вялікае Брытаніі ды Паўночнае Ірляндыі
Пачатак дыпадносінаў Адкрыцьцё амбасады	27 студзеня 1992 (33 гады таму) 1994
Амбасадары	Уладзімер Сянько (1994) Уладзімер Шчасны (1995—2000) Валеры Садоха (2000—2002) Аляксей Мажухоў (2002—2006) Аляксандар Міхневіч (2006—2012) Сяргей Алейнік (2013—2020) Максім Ермаловіч (2020—2022)